احلى شي في الحياه انك تصحى على صوت المطر، ظليت على السرير لمده ساعه اسمع اغاني و اطقطق في الفون من ساعه ١٠ الصبح لين صارت ١١ ونص قررت اقوم ،
نزلت تحت بعد ما رحت الحمام سمعت صوت عليا و امي في الصاله ، دخلت وحصلتهم قاعدين قدام التلفزيون و يسولفون ، رحت قعدت بعيد عنهم بدون ما اتكلم ،
" المباراه بتكون اسبوع الياي احنا ضد مدرسه ثانيه " عليا قالت وامي ردت عليها ب " زين كل هالتدريب نبي فوز في النهايه " ، و انا دورت عيوني ، و ثبتها على التلفزيون الي ما كنت ادري شنو مشتغل فيها و ما كنت اهتم ،
بعد دقايق تكلمت بصوت خفيف "عادي اروح بيت بيان اليوم ؟" ، امي طالعتني لمده ثواني بعدها ردت ب "لا" ، "عاد بس بنقعد " ، "قلت لا زهره لتناقشيني" ، سكتت و طالعت عليا و كانت تطالعني اشرت لها بعدين بقولج ، هزت راسها ب اوكيه ،
كنت منسدحه على سريري ولتلفون في يدي و لبتوبي كان على المسلسل قدامي ، عليا دخلت غرفتي " هي شنو كنتي بتقولين مساعه ؟" ، سالت و هي تقعد على حافه لسرير " ابي اروح بارتي نجم " ،
" مو على أساس تكرهينها؟" ، "وت ماكرهها بس تنرفزني ساعات و لان ربعي بيروحون " ، عليا دورت عيونها و قالت " نزين بتروحين بدون ما ماما تعرف؟" ، "اي" ،
" جم تعطيني عشان ما اتكلم ؟" قالت عقب تفكير ، "امس عيدميلادي" قلت بوجهه بريئ ، " اي مو اليوم ف جب" ، "يلا عاد عليا" ، "مابي" ، "عاد عاد " ، دورت عيونها وقالت " اوكيه لتصيحين" ،
ابتسمت و قلت " امس مدرسه اتصلو على ماما من جي هي معصبه اذا سالت عني قولي لها انا نايمه وتعبانه اذا حاولت تركب فوق او تبيني رقعي قولي اي شي شغليها "،
" اعرف شسوي وانتي حاسبي نجم مو كل ربعها ناس اوكيه " قالت عليا و قبل ما تطلع خذت الدبدوب الي على سريري و قالت " امس الصبح صفقتيني على راسي " ،
فتحت حلجي عشان اقولها ماكنت اقصد بس قبل ما اتكلم رمته على ويهي و شردت ، "عليا حماره " صارخت وراها بس ما كان لي خلق اتحرك ،
-
كنت اختار ثياب عشان البسها وفي نفس الوقت وصلني اتصال من بيان رديت وانا احاول ما اطيح الثياب كلهم ،
' هيي جاهزه بتيين لا؟'
"اي قاع اتجهز "
' امس شصار ع لاتصال؟'
"لسوء حظي ردت وكانت معصبه شوي بس عادي"
'اوكيه انا احين بروح حق ريماس بنيي مع بعض '
"تمام"
قفلت لفون و رجعت افكر شنو البس اخترت شي بسيط في النهايه وقعدت اطالع الساعه الي كانت ٧ بعد دقايق عليا دخلت غرفتي وقالت " يلا ماما تتسبح ذلفي " ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
