" لا تطلعين جدامي بهالشكل لان كلما اجوف شعرج ابي اقص الي بقى منه " ، " تقصينه بوي؟" ، هي عطتني نظره حاده خلتني اقفل حلجي و انزل عيوني على تلفوني،
" من قاصه لج مره ثانيه ؟" ، " قلت لج بروحي " ، " يعني زهره انا كبرتج انتي اذا قصيتي ورقه عدل بعدين كلميني"، طالعتها بصدمه " والله اقص الورق عدل كله يخلوني اقص في عمل جماعي في لمدرسه "،
" يمكن لانج ماتسوين شي ثاني؟" عليا علقت و هالمره انا عطيتها نظره عشان تسكت ، " من قاص عليج و قايل لج ان حلو ؟" ، " انا عاجبني " قلت بعبوس ،
" الصراحه حلو يناسبج" ابتسمت ابتسامه كبيره على كلام عليا، " سكتي انتي الثانيه " ، " ماما لتكابرين قولي حلو و بس " ، عطتني نظره اشمئزاز " روحي درسي او سوي واجباتج وهدي التلفون " ،
" ماعندي شي " قلت وانا احط راسي على ريولها ، " ودي مره اجوفج فاتحه الكتاب و تدرسين تعلمي من عليا شوي " ، لفيت راسي و طالعت عليا الي كانت عيونها علي و ابتسامه صغيره على شفايفها ،
" عليا ماتدرس الا اذا انتي في البيت عشان تمدحينها " ، " والله تجذب " ، " اعرف " امي ردت و حركت يدها في شعري " كنت احب شعرج" ، " واحين؟" ،
" مو حلو " ، عبست لها و هي رجعت تركيزها على لبتوبها ، لفت انتباهي الشعار الي وصلني ' شلون الحياه معاج صديقتي؟' كان من غيث ابتسمت على خفيف ،
كنا نتكلم هالفتره بس ما جفته بعد اول لقاء بينا، كانت شخصيته الطف من شكله ما توقعت في حياتي بقول هالكلام عن ولد بس كل شي يتغير، رديت عليه ب ' احسها ماتحبني):' ،
رد علي ب' الحياه؟' ، ' من غيرها' ،
غيث: ' توقعت تتكلمين عن يور وتين' رد علي
و انا دورت عيوني ،
' يع مو مالتي' ،
غيث : ' صدقت زوزو' ،
' مو هالدلع انت بعد'
غيث : ' في احد يناديج زوزو غيري؟'
' في بنات في المدرسه و مو دلعي المفضل '
غيث: ' بدور لج شي حلو عيل '
'لا شكراً ' و قلت ' شلون الحياه معاك؟'
غيث : ' احسها تكرهني ): '
ضحكت على خفيف و دورت عيوني و هالشي خله امي ترجع تركيزها علي " ليش تضحكين؟" ، قفلت تلفوني و قلت " جفت فيديو يضحك " ، " شلون جفتيه بدون صوت راويني؟" ،
" كان مكتوب كلام يضحك و في التيك راح" قلت وانا راسي للحين على فخوذها و اطالع ويها ، هي عقدت حواجبها وهي تطالعني و صغرت عيونها ، " شنو؟" ،
" ولا شي " ردت وهي تدور عيونها و ترجع انتباها حق اللبتوب ، وانا رجعت شغلت تلفوني و كتبت حق غيث 'صاير شي ؟'،
غيث : ' اليوم سمعتهم يتكلمون عن بنات '
' من؟'
غيث : ' الي وريتج ياه'
'الصراحه شكله خايس و يلعب كوره حده ستريت'
غيث : ' مو كل من يلعب كوره ستريت'
' البنات لا بس الاولاد اي'
غيث :' صدقيني مو كلهم بس يمكن يسون روحهم ستريت'
' مايهم شكانو يقولون ؟'
غيث: ' كلام عن تضبيط و خرابيط و هو كان معاهم '
' يعع مو ستريت ها؟'
غيث: ' للحين عندي امل ): '
'وانا عندي نوره ههههه'
غيث: ' لا زهره خلاص ماقدر اكون صديقج'
' جايفني ميته عليك؟'
غيث: ' سوي روحج شوي متاثره'
' مابقدر اعيش بدونك'
غيث: ' اعرف عقبال سالم مايعيش بدوني'
' اسمه سالم؟؟'
غيث: ' اي؟ '
' حدي ماحبيت'
غيث: ' انا احب)': '
طلعت من حلجي ضحكه صغيره ، " تكلمين مين انتي؟" ، " محد " رديت و انا ارفع راسي و جفت يد امي رايحه حق تلفوني بس قبل ماتمسكه قفلته " ماما!" ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
