اهلاً يجماعه كل عام وانتو بخير ينعاد علينا وعليكم بالصحه و السلامه❤️.
-
" عليا احس امي عندها حبيب " ، " مستحيل " ، " مافي شي مستحيل " ، " الا " ، " والله نمت معاها و سمعتها تتكلم في التلفون " ، " شقالت ؟" ،
" يعني ما كنت قاعده عدل بس اتوقع قالت نتكلم بعدين لان زهره نايمه عندي و قالت حبيبي!! ماما ماتقول حبيبي" ،
" يمكن اي احد لا تكبرين الموضوع " ، " سالتها قالت وحده معاها في الدوام " ، " يب وحده معاها في الدوام ايزي " ، " من في الدوام بيتصل لها خمس او ست الصبح؟؟" ،
" امي كله تداوم الصبح من وقت ف اكيد احد من الشغل بلا دراما " ، عبست و انا اطالعها و قلت " كيفج لا تصدقين " بعدت عيوني عنها و صرت اتأمل البنات الي يتمشون في الساحه ،
" انتي شسالفتج مع وتين؟ " ، " اي سالفه؟ " ، عليا رفعت حاجب ، " ليش تطالعيني نفس ماما ؟" ، " اسبوع الي فات نفسيتج كانت في خشمج و هالاسبوع ماشاءالله شوي و بتطيرين من الوناسه " ،
" نزيين؟ شدخل وتين ؟ انتي بعد مو كل يوم مزاجج حلو " ، عليا طالعتني بملل و قالت " كانت مختفيه لما مزاجج كان كريه " ، " صارت بينا مشاكل بس رجعنا ربع " ،
" شنو صار؟" ، " ماعندج تدريب اليوم؟" ، " لا "، " وين نور ؟" ، " مادري في الصف اكيد و لا تغيرين الموضوع " ، " وع جنج ماما " ، " قولي شسالفتكم؟" ،
طالعتها بتوتر و هي ردت تكلمت " تحبينها؟" ، " لا " ، " والله كنت شاكه " ، " ماحبها قلت " ، " شسوت لج لما ضايقتج؟" ، " مابقولج لان ماتسمعيني " ،
" اسمعج قولي " ، " ماحبها " ، " تمام بس كان بينكم شي صح؟" ، هزيت راسي ب اي ، " شنو صار؟" ، " سالفه طويله " ، " ابي اعرف " ، " بقولج بس اخاف تسوين شي " ،
" سويت شي عن فاطمه ؟ احين ما تثقين فيني بسالفه وتين؟ " ، " قلت ما اثق فيج؟ و اقصد انج بتروحين حق وتين و تسوين شي اذا قلت .. و احنا اخر فتره صرنا ما نتكلم انتي في البيت بس تلعبين " ،
" ليش شسوت هي؟؟ وانتي الي نفسيه كلما اكلمج او اقول شي تتهاوشين " ، " لان وايد تسوين حركات امي انا مابي ام ثانيه و انا اكبر منج ف انا الي بسوي روحي امج و انتي جب خلج بيبي " ،
" لا تصيحين بس " ، " وع ما يصيح مابقولج روحي " ، " خلاص امزح " ، " مابي " ، " يلا عاد زهور " ، " وع لا تناديني زهور " ، " ان شاءالله قولي ؟" ،
" انتي بس لقافه اعرف ما تهتمين فيني " ، " شدخلل يالياهل اهتم من جذي اسال و بعد تبين تكونين امي " ، " جب خل اقولج بس لان ماقدر اسكت الصراحه " قلت لها كل شي صار مع وتين من البدايه لين اخر طلعه لنا ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
