لو قلت اني تعبانة بيكون الشي مفهوم ، اليوم كان اخر امتحان و تعب و برد ، فتره الامتحانات اكثر فتره اتعب فيها مخياً ، باقي الاوقات ماستعمل مخي كثير عشان اتعب بس ماعلينا ،
انا و ربعي قررنا اليوم نرجع البيت متاخر مو اول مره نتأخر بس اول مره كلنا نتأخر مع بعض، " اخيراً عطله " ملاك قالت ، " اف بنام طول لعطله " رديت عليها ،
" خاطري اسافر" بيان قالت ، " بنسافر لصيف اتوقع" قلت ، " الله وين بتروحون؟" بيان سالت ، " مدري بس سمعت امي تكلم عليا" ، " وانتي ماقالو لج؟" ملاك سالت ،
" ماسالت؟" ، " مايبون تروحين معاهم" ، دورت عيوني " بيخلوني مع من مثلاً؟" ، " تعالي بيتي ماتوقع امي بتقول شي" ريماس ردت، " ماعندي مشكله مع بيتكم بس ابي اسافر " ،
" حلو تغيرين جو" ، " ياه" ، " اي صفوف تمتحن احين؟" ملاك سالت ، " ثالث " رديت عليها ، " بدا لامتحان ولا للحين؟" ، " ماعرف متى يبتدي " ، " لا بقى ربع ساعه اتوقع" بيان قالت ،
" ليش؟" سالتها و انا اطالعها ، " بس " ، صغرت عيوني عليها " لمفروض تعرفين من ود متى امتحانها" ، " ما كلمتها من بدت الامتحانات " ، " ليش؟" ريماس سالتها، " ماعرف هي ماكلمتني " ، " ود غريبه اصلا" قلت و انا احط راسي على الطاولة ،
" ربعها ترا اكيد قالو شي عنج" ، " اييهه" وافقت مع كلام بيان ، " احس خلاص انهو الي بينكم" بيان قالت ، " مادري" ملاك ردت بدون اهتمام ، " انتي تحبينها؟" سألتها،
" هي كيوت و كلشي بس مادري وايد مزاجيه" ، " جوفي صارلكم سنه وهي ولا تغيرت " بيان قالت ، " رفيجتها ساره قالت لي انها بلاير بس مادري " قلت ، وبيان ضربتني على يدي،
" مو يعني صج هي بلاير مو كل شي نصدق" قلت مره ثانيه و انا ادور عيوني ، " ساعات احسها تحبها صج و ساعات مادري" ريماس قالت ، " ايهه انا بعد يبين عليها بريئة" بيان قالت ،
" انا لبريئة والله" قلت و كلهم دورو عيونهم و تجاهلوني ، " عاد لازم نجوف بعض بنات في العطله مابي اكون في البيت مع اهلي" ملاك قالت ، " اكيد بنجوف بعض تستهبلين" بيان قالت ،
" ايهه " قلت ، " ماصدق بقى لنا فصل و نكون ثالث و عقب نتخرج بسرعه مر الوقت " ريماس قالت، " ايهه والله للحين احسني ١١ " قلت ، " شكلياً و مخياً ايه الصراحه " ملاك قالت ،
" جب ماكلمتج" رديت عليها ، " كيفي بقول رايي " ، " لتقولين اذا محد طلبه " ، " اوكيه خلاص نروح نشتري شي ؟" بيان سالت ، " ايهه ابي كندر " قلت ، " جوفي ياهل " ملاك علقت ، " قلت جب؟" ، " يلا نروح و نرجع قبل ما السواق ايي " ريماس قالت ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
