شلون اخلي يومي يمر بدون مشاكل اتجاهل الكل و اقعد ساكته و اركز في روايتي ، كنت في عالمي الخاص و انا قاعده في الفسحة مع ربعي حتى ازعاج ملاك مو راضي يطلعني من مخي ،
صح المفروض اكون اقرا روايتي مو بس اطالعها بس مخي كان يفكر في اشيا اهم نفس وتين الي اليوم ما جفتها للحين يمكن في الصف ، حطيت ملاحظه في مخي اروح صفها بعدين و اسال عنها ،
" جفتو البنت اليديده ؟ " ملاك قالت وهالمره انتبهت لهم ، " اي الي قاصه شعرها شق" ريماس ردت رفعت عيوني لهم ، " في احد يديد؟" سالت و انا اقفل الروايه لاني تمللت من تفكيري ،
" اي " ملاك قالت اخبار المدرسه دائماً تكون عندها " يقولون نجم كلمتها و يمكن معجبه فيها او شي" ، " وتفك؟ مو يديده ؟" ريماس قالت ، " اي و هي اليوم جافتها اول مره و راحت كلمتها و خذت رقمها" ،
" مو شي يديد" قلت و انا اطالع الطاولة ، " صح" بيان قالت عضيت خدي من داخل شعندكم عقب؟" ريماس سالت ، " مادري بس اكيد مو شي مهم" رديت عليها و انا احط راسي على طاوله ،
ملاك و بيان تجاهلوني يومين لما مشيت مع اريام وريم بس بعدها رجعو طبيعين كأن ما صار شي و انا مالي خلق مشاكل عشان اسالهم ليش ما كانو يكلموني و بعدين انا ما حاولت اكلمهم بعد،
" انتي كل شي مو مهم عندج " ملاك كملت " احنا معلمه هاله اتوقع" ، " اي هي" بيان ردت عليها، " نسحب مالي خلق الصف؟" ، " شفيج صايره زهره ؟" ملاك علقت على كلام ريماس ،
" شفيني؟" سالت و انا اخز ملاك ، " يعني تم ماندخل الحصه؟" ملاك قالت و هي تتجاهلني ، " يب" ريماس ردت ، " انا عندي حصه" قلت و كلهم التفتو لي ،
" نروح مكاننا؟" ملاك سالت، " على الاقل مثلو انكم منصدمين اني قلت عندي حصه" ، " نعرف ان حتى اذا عندج حصه تشردين ف مايهم " بيان قالت و انا دورت عيوني ،
-
و احنا قاعدين نلعب لعبتنا المعتاده كل مره لما نقعد على درج هالمبنى كنا نلعب لعبة الاسأله او الصراحه ، كلهم التفتو لي و سالوني عن شسالفتي مع وتين،
دورت عيوني و انا ارد " رفيجتي ؟" ، " انتو شلون عرفتو بعض " ملاك قالت ، " مادري " ، " احسها معجبه " ريماس ضافت، " وتفك لا بس نتكلم ساعات" ،
" اوكيه اوكيه مايصيح" ملاك قالت و انا ضربتها على يدها قعدنا حصتين برا ، ريماس حصه الثانية مشت لان كان عندها اختبار ، بس انا و ملاك و بيان كملنا لعب و ساعات انا و ملاك نتهاوش على اشيا سخيفه ،
" صح شسالفتج مع بنات اول كله معاهم ؟" ملاك سالتني وهي تطالعني حسيت بعيون بيان علي بعد ، " عادي ربعي " ، " كل يوم ماخذينج " ، " اي عادي " ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
