اهلين يجماعه وحشتوني): مسامحه على التأخير و اتمنى البارت يعجبكم انجوي <٤
___
" وع ماعرف شسوي " ، " انتي قلتي عطيتيها فرصه صح ؟ " ، " ايه " ، " بس عيل جوفيها شلون تكون معاج في هالفتره " ، " امس قهرتني " ، " انتي ما قلتي لها عن رغد ف شلون بتعرف ان رغد الي بدت ؟" ،
" ليش تدافعين عنها؟! " ، " ما ادافع " ، " حتى لو ماتدري ليش تقولي انا اتمشكل و ماتقول حق رغد " ، " اوكيه زهره احين بس احسج غيرانه " ، " وع خسي ليش اغار انا احلا منها " ،
بيان دورت عيونها و قالت " مو تغارين منها اقصد تغارين على وتين لانها كانت معاها " ، " لا " ، " هالشي طبيعي لاتنكرين " ، " ما غار عليها وع هي صديقتي " ، " صح " ،
" صج يعني مابخليها شي اكثر من صديقه " ، " زين ندور لج احد ثاني عيل؟؟" ، " انتي شفيج انتي حبي احد ثاني " ، " انا مابي " ، " ولا انا " رديت عليها وانا انسدح على ظهري و عيوني تطيح على السقف ،
" انا مابيج تحبينها لان مابيج تنجرحين " ، " انا بعد مابي احبها عشان ما نجرح ولا ابي احب احد ثاني " ، " بتطلعين معاها باجر؟ " ، " ياه قلت حق امي امج بتطلعنا و ترجعني اذا يعني قررت تتصل و تسال" ،
" امبي انتي ليش ماتقولين لها بتطلعين مع وتين ؟" ، " مالي خلق محاضراتها هي ماتحب وتين " ، " اذا امج ماتحبها لا تطلعين معاها " ، " امج تحب ناصر؟" ،
" شدخل احين ؟" ، " جب كنت بعطي مثال بس نسيت شكنت بقول " ، " احسن واضح مثالج بيكون خايس " ، " كليزق"، " وين بتروحون؟" ، " مادري ما سالتها قلت لها هي تختار مكان " ،
" تحملي في روحج لا تسوين شي غبي " ، " انا ما اسوي اشيا غبيه " ، " اكيد " ، " بس صج يعني انا جدامها مدري شنو يصيدني " ، " شنو يعني؟" بيان سالتني وهي تطالعني بتركيز ،
" ماعرف " ، " يمكن لان تحبينها؟" ، " لا" ، " انتي متعلقه فيها انا اعرف بس احس في مشاعر اقوى " ، " انتي شتبين؟" رديت عليها و انا الف على جهة و اعطيها ظهري ،
" انتي تكلمتي وانا احاول افهم يعني " ، " خلاص لا تحاولين " ، " خلاص نينيني " ، " امبي ياهل " قلت وانا الف لها و ارمي عليها مخده ، " هيه " قالت وهي ترجع تفلتها علي ،
-
" هاي " ، " هلا " رديت عليها و انا اشبك يديني ببعض ورا ظهري لاني كنت مو عارفه شسوي فيهم ، " ماعرف شلون اسلم عليج احضنج ولا؟" ،
دورت عيوني وقربت منها و لصقت خدي بخدها شميت ريحه عطرها وحسيت بسرعان دقات قلبي بس طبعت بوسه على الهوا و رجعت مكاني ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
