وكأنها الحياه للحياه

6

اليوم الخميس مباراه فريق كره قدم مدرستتا الي كان من ظمنهم اختي عليا و نجم الي كانت كابتن فريقهم ، اكره المباريات بس بسبب عليا لازم احضرهم ،

ماعندي مشكله مع الكره ان عادي العب بدون قوانين بس ما احب المباريات و الازعاج بشكل عام ، نزلت تحت و انا ميته تعب ، مدري متى اتعلم انام الليل دخلت المطبخ كانت عليا قاعده تكلم احد في التلفون ،

ماهتميت رحت اخذ لي عصير و قعدت جنبها و في نفس الوقت هي قفلت تلفونها ، " مايصير اسحب على المدرسه ؟" قلت و انا احط راسي على الطاولة ،

" لا عندي مباراه بعد المدرسة و انتي بتيين" ، " مابي " ، " بتيين غصباً عنج " ، دورت عيوني و انا اتأمل الفراغ ،

اكيد وتين بتكون هناك عشان تشجع حبيبتها ، الايام الي فاتت كانو دائماً مع بعض انا ما اهتم هما شيسون بس كانو كله قدامي ف طبيعي بجوف ،

-

اول ما دخلنا المدرسه عليا قالت" بروح حق نور " ومشت عني ، دورت عيوني حتى ما انتظرتني ارد قلت في داخلي واتجهت للمقصف عشان اشتري ماي ، 

بعد ما شريت ما كان لي خلق اروح صفي ف اخترت طاوله و قعدت حطيت راسي على يدي فوق الطاوله كنت احس بتعب الصراحه انا حتى لو نايمه اليوم ،

بعد باحس بتعب لان مجرد دخول المدرسه ياخذ مني جهد كبير بيان صار لها ايام ماتبي تكلمني و تمشي مع صديقتها فجر،

كنت اسال روحي اذا كنت اهتم، بس واضح من برودي لا قعدت اتأمل الكرسي الفاضي قدامي و انا افكر ،

قاطع تفكيري صوت نجم وهي تدخل الكفتيريا مع ربعها و وتين ، عيوني راحت عليهم لا إرادياً عيون وتين يت علي و رفعت حاجب ، قالت شي حق نجم و بدت تمشي اتجاهي ،

بلعت ريجي و ارتكبت و بعدت عيوني عنها بدون ما ارفع راسي من الطاوله ، " زهره انتي اوكيه؟" ، حسيت بنبضات قلبي تزيد اول ماسمعت اسمي بصوتها ،

و من ريحه عطرها الي كانت منتشره حوالينا رجعت عيونها لها و هزيت راسي ب اي ، " متأكده ؟ تبين شي؟" ، " لا انا اوكيه ،" ، " اوكيه " ، طالعتها و هي كانت تطالعني بعد ،

حسيت بحراره في ويهي من نظراتها و نزلت عيوني ، " وتين يلا ؟" نجم صارخت من مكانها كنت حاسه بعيون وتين علي بس ماتجرأت ارفع راسي ،

سمعت خطواتها تبتعد و رفعت راسي عيوني طاحت على شعرها الأشقر الي كان واصل نص ظهرها كنت مستغربه انها كلمتني فجأه بس ماعطيت الموضوع اهميه اكثر ،