Happy new year guys <3
-
" زهره " التفت على احد يقول اسمي وحصلت ملاك واقفه جنب باب صفي ، " تعالي شوي " ، عقدت حواجبي و قمت من بين ربع ساره ، و لحقت ملاك برا صفي ،
" شفيج؟" ، " ابي اقولج شي " ، " قولي؟" رديت وانا اتكتف و اتسند على الجدار وهي وقفت جدامي ، " امشي نقعد " ، لحقتها لين لساحه قعدنا على طاوله فاضيه ،
" الي بقوله مني لج و بيان مالها دخل اوكيه؟" ، " اوكيه " ، " يعني لتزعلين مني بس هاي الي احسه يعني" ، " قولي ملاك " ،
" جوفي من بدايه هالسنه وانتي شوي متغيره وكله منفسه علينا و ماتضحكين الا نادراً بس لما عرفتي البنات اليدد اقصد ريم و اريام ووتين صرتي ساحبه علينا طول لوقت يعني مادري ف يضايق لما نجوفج متضايقه محد يقدر يستانس و بعد لما تكونين معاهم تصيرين شخص غير تبتسمين وتضحكين عادي " ،
" بيان مطرشتج؟" ، " لا قلت لج هي مالها دخل " ، نزلت راسي وتاملت يديني و حاولت اتجاهل شعور الخنقه الي وايد صايره احس فيها هالايام و الالم الي في صدري ،
" يعني شتبوني اسوي ؟ اذا ماتبون تكلموني كيفكم " قلت بعد سكوت ثواني ، " زهره احنا مو يهال " ، " ادري " ، " نبيج تكونين معانه نفس ما انتي معاهم و لياخذونج منا طول لوقت " ، " اوكيه " رديت وانا ارفع راسي و اطالعها ،
" صج اوكيه؟" ، " ايه " ، " قومي لميني " ، ابتسمت لا شعورياً و قمت وحضنتها ، ابتعدت عني و قالت " كلمي بيان " ، " ماعرف شقولها " ، " انتي تعرفين بيان احسن مني راضيها و بترضه"،
تنهدت وهزيت راسي ب اي ، " امشي احين " ، " احين ؟ لا " ، " الا مصختوها " قالت وهي تسحبني معاها للمقصف و هناك لمحت بيان مع ريماس ،
" ريماس امشي " قالت ملاك اول ما وصلنا لهم ، ريماس وقفت و حضنتني بدون كلام و انا بادلتها الحضن مع ابتسامه صغيره على شفايفي ، " لاتزعلين منا " ،
" مازعلت منج " رديت عليها وهي عطتني ابتسامه و ابتعدت عني ، قعدنا انا و بيان في هدوء ثواني بعد ما ملاك و ريماس ابتعدو عنا ، بلعت ريجي و قلت " انتي قلتي حق ملاك تكلمني ؟" ،
" لا " ردت وهي تحط راسها على يدها فوق الطاوله وتطالعني و سالتني " انتي بخير؟" ، بلعت ريجي و هزيت راسي ب اي و قلت " انتي؟" ، " انا تمام " ،
" اقدر احس انج متضايقه شفيج ؟" ، طلعت تنهيده من حلجي و عضيت خدي من داخل " انتي مره تبيني اكلمج و مره ماتبيني ايي لج" ، " ما كنت اقصد كنت معصبه " ،
" اوكيه " ، " لتسوين روحج ماتهتمين " ، " ماسويت " ، " ولتصيرين بارده معاي " ، طالعتها وانا اعقد حواجبي " مو بارده" ، " نزين وتين شخبارها؟ " ،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
