وكأنها الحياه للحياه

25

لما احين افكر فيها اعرف شكثر كان كل شي سخيف من البدايه وانا كنت غبيه ، كنت متعوده على نجم و العابها على الناس بس ما توقعت اني في يوم من الايام بكون نفسها و بجرح شخص ثاني ،

خصوصاً الشخص الي خلاني احس بالسعاده من بعد كل هالمده كنت ادري الشعور بالذنب مابيختفي الا يمكن اذا سامحتني ، طلعت الدخان من حلجي وانا احاول اركز على الشارع ،

كان صعب اركز في شي وانا كل تفكيري فيها ، رجعت يدي الي فيها الدخان على السكان و مسكت بيدي الثانيه تلفوني دخلت على اخر بلاي لست سويته وشغلته ، على اقل اركز على شي غير صوت افكاري،

رجعت تلفوني في مكانه ورجعت الدخان في حلجي خذيت شفطه طويله ، صعب اشرح هالمشاعر و الاصعب اني اتكلم عنهم حق احد ثاني وانا اعرف ان هي اكثر شخص اقدر اكلمه بكل ارتياح ،

' للحين في وقت تصلحين الي خربتيه' قال الصوت الي في مخي بس هزيت راسي صوبين كان يكفي انها نجرحت مني بيما فيه الكفايه مابي ازيد عليها ، عقب دقايق وانا اسوق اشتغلت اغنيه falling ابتسمت لا شعورياً ،

تذكرت لما كانت في بيتي وشغلت لنا هالاغنيه قبل اول بوسه بينا ، كنت حاسه بقلبي بيطلع من قفصه وقتها ، ريحتها طعمها وابتسامتها كل شي عالق فيني و بيظل عالق فيني ،

صح اني انا الي وافقت على حن نجم وقررت العب عليها بس كل شي صار قبل ما اعرفها و اعرف عيونها و نظراتها ولمساتها لي ، تذكرت لما وقفت جدامي لاول مره في المقصف ،

كنت اعرف من هي من الصور الي ورتني نجم بس لو نجي حق الواقع بنعرف شكثر الصور كانو ظالمينها صح انها جداً حلوه في الصور بس نقدر نقول في اللحظه الي التقت فيها عيونا ،

خطفت انفاسي و من وقتها وانا احاول اخلي الموضوع بينا بس لعب و مو اكثر بس كان صعب خصوصا لما تطالعني بعيونها الذهبيه و تعطيني ابتسامتها و لما الاهتمام منها ما صار يزعجني ،

انا وتين الي حتى اهتمام خالتي القليل كان ينرفزني دائماً ، وقتها كان المفروض اعرف شكثر صار الموضوع جدي ، كل شي فيها يجذبني بشكل يخوفني ،

ما كنت ابي احس بكل هالمشاعر اتجاها ولا كنت مستعده لها ، كان المفروض كل شي يوقف عند نقطه انها مجرد لعبه في يدي لوقت قصير و اني قاع اسوي هالشي ،

عشان صديقتي الي كنت اعرف انها صعب تنفهم في وايد اوقات بس في نفس الوقت انا مو كارهة نجم بشكل كامل لان ماقدر انسى اللحظات الي وقفت فيها معاي ،

بس مدري شلون كنت اجوف حركاتها وهوسها في زهره شي عادي ، انا اقدر اجوف ان هي عندها مشاعر غريبه لزهره بس في نفس الوقت اعرف ان نجم مابتسوي شي غير ان تأذيها وتأذي روحها ،