عيدكم مُبارك، كل عام وانتو بخير♥️.
-
فكره اني أتعلق في الناس بسرعه دائماً كانت تزعجني، ولما شفت وتين مع رغد حسيت روحي سخيفه قدامها و مشاعري سخيفه بنظرها،
خلتني احس بألم بس قررت ما ابكي عليها و اسوي نفسي مو مهتمه حتى لو كل شي في داخلي يبي يروح لها،
بيان كانت تلعب بشعري و احنا قاعدين على الدرج بهدوء،
كنت احاول مافكر بس افشل في كل محاولة ماكنت ادري ان بس بحركه منها تقدر تأثر فيني لهدرجه و غير السالفه الي صارت في بيتها ،
ليش تحيرني فيها اذا هي ماتبيني؟ ليش تخليني اقرب لها؟،
التفت لبيان، الي كانت تطالعني، تكلمت اول ماجت عيونها بعيوني" ان شاءالله مايتصلون على أهالينا همه يبونها من الله نسوي شي" ، " بضبط" رديت عليها بصوت خفيف و انا ارجع اطالع الدرج،
" ليش ماتكلمينها مره ثانيه توضحين مشاعرج؟" بيان سألتني ، " اكلم وتين؟" سألتها بغباء ، " ايه من غيرها" ردت هي ، الصراحه ماكنت متوقعه منها تقولي اكلمها بعد ما شفناها مع رغد،
" مابي اكلمها حالياً" ، " لتكتمين مشاعرج داخلج بتأذيج" ، بلعت ريجي و مارديت، بيان حست اني مابي اتكلم في الموضوع ف غيرت الموضوع و خذتنا سوالفنا و ماحسينا بالحصتين الي سحبنا عليهم بدون اهتمام،
ماتحركنا الا على صوت الجرس المعلن نهاية الدوام، " يلا نروح ناخذ شنطنا" قالت بيان وهي توقف ، " انتي روحي اخذي شنطتي من صفي وانا شنطتج عشان معلماتنا مايجوفنا" ، " ايهه اوكيهه"،
-
" هلاا بالساحبهه" مرام قالت وهي تحضني ضحكت وحضنتها ، كانت مع ملاك و ريماس ينتظرونا على طاولتنا ، ابتعدت عنها ، " انتي مختفيه ترا " قلت لها و انا اقعد فوق الطاوله ،
" كله في الصف والله" ردت مرام، " على طاري الصف وين الي بتعقل؟" ملاك سألتني،" بس اليوم ماكان لي خلق ادخل الصف والله" ، " متى كان لج خلق ؟" مرام ردت، " مادري بس باجر بغيب شكلي"،
" لا ليشش؟" ريماس سالت ، " مالي خلق غيبو معاي" ، " لا انا مابي اقعد في البيت" ملاك قالت، " انا بعد " بيان قالت وهي تطالعني، " بغيب بروحي عيل"،
" بجوف يمكن اغيب معاج " ريماس قالتلي، " اييه تعالي عندي نتريق؟" ، " اذا امي رضت اغيب " ، " تخططون بدونا ولا جنه موجودين جدامكم " ملاك ردت ، " ماتهمونا صح زهوري؟" ريماس ردت عليها وانا هزيت راسي بابتسامه،
أنت تقرأ
وكأنها الحياه للحياه
Randomالمشاعر الي خلتني احس فيها دائماً خلتني اتسائل من انا؟ علمتني اعيش من خلالها و فكره رحيلها صارت من اكبر كوابيسي . ( قصة مثلية )
