لكل حكاية بطل بقلمى رونى محمد

العريس ٢

 اللهم انك عفو كريم تحب العفو فاعف عنا

    رونى محمد

الظابط : تعرفي انك متهمة بمحاولة قتل السيد ابراهيم ابو نكلة

ريناد : بذمتك يا باشا ده واحد يتقتل وحد يدخل فيه السجن .. اصلا احنا لو سبناه لوحده كده لمده اسبوع هيموت لوحده

رد ابراهيم وقال بغيظ
-: خليك شاهد يا  باشا عالغلط انا عاوز اعملها محضر سب وقذف ..

الظابط : لو سمحتى يا انسة متخرجيش عن موضوعنا وتجاوبى على ما هو منسوب اليكى .. هل كنتى متعمدة قتل السيد ابراهيم ابو نكلة ؟

ريناد : يا باشا انا هقتله ليه هو كان في بنا طار ولا حاجه ..

الظابط : بس استاذ ابراهيم بيقول ان دى مش اول مرة تحدفى عليه حاجه ..

ريناد : يا باشا انا كنت صغيرة ساعتها عيلة يعنى كنت برمى الحاجات من البلكونة وسبحان الله كانت بترشق فى قرعته ..

ابراهيم : بص بص اهى بتغلط اهيه سجل عندك الكلام ده ..

-: بغلط ليه ما انت اقرع فعلا هو انا يعنى جبت حاجه من عندى ..

-: بت انتى انا او مسكتك هفعصك زى اللمونة مش هيهمنى ..

ريناد : سجل يا باشا عندك في محضر رسمى ده تهديد صريح بالعصر وده شئ انا ارفضه وبشده ..

الظابط : باااااس اسكتو بقى .. وكلمة كمان انا هحبسكم انتم الاتنين ..

ريناد : ماشي يا باشا انا هسكت بس عرفنى انا هروح امتى عشان بصراحة انا جعانة و سندوتشات المربى الى ابويا جبها خلصت  ..

الظابط : انتى في ايه ولا فى ايه انتى متهمة بقضيه هتخدى فيها عالاقل سنتين تلاتة

ريناد : اكلونى بس الاول وبعدين نشوف موضوع القضية ده انا واثقة ان الاستاذ ابراهيم مش هيرضيه انى اتبهدل وسط المجرمين وقتالين القتله

ابراهيم : دلوقتى بقى اسمى استاذ ابراهيم امال كان فين الادب ده لما كنتى بتحدفينى بالطوب انتى والعيال

-: غلطة يا هيما وربنا غلطة ومش هتتكرر وبعدين انا كنت عيلة وخلاص مش هتتكرر

ابراهيم : والزرعة الى نزلت فوق دماغى كسرتلى الجمجمة ..

ريناد : مش بايدى  ولله  انا كنت بسقى الزرع وهوب الهوا هو الى وقعها .. وشوف اى تصليحات عندى انا ممكن ادفع تمن العلاج والمستشفى لو تحب ..

ابرهيم هرش في دماغه وقال
-: اا انا عاوز تعويض

ريناد : ماشي وانا مستعده من جنيه لألف ..

ابراهيم : الف جنيه ايه دول تروحى تجيبى بيهم بلالين تطيريهم ولا مصاصات تكليهم   انا عاوز ٢٠ الف جنيه واتنازل على المحضر ..