لكل حكاية بطل بقلمى رونى محمد

الممرضة ح١

الممرضة ح١

-: عملتى ايه يا منى فى فلوس العملية ..

-: لل لسة يا ماما ربنا يسهل ..

-: اخوكى تعبان اوى يا منى ومحتاجين نعمل العملية زى ما الدكتور قال

-: متقلقيش انا نازلة الشغل دلوقتى وان شاء الله هتتدبر ..

اعرفكم بنفسي انا منى بشتغل ممرضة بقالى سنتين، معنديش حد فى الدنيا غير ماما واخويا أدهم الى اصغر منى بعشر سنين ، من كام شهر اكتشافنا انه عنده مرض خبيث فالمخ وعشان يخف منه لازم عملية ...

رحت المستشفى وانا بدعى ربنا انه يحلها جت هاجر زميلتى وقالت
-: منمن مالك واقفة سرحانة كده ليه

منى : مفيش بفكر ازاى هقدر ادبر فلوس العملية ما انتى عارفة الدكتور طالب ٥٠ الف جنيه

هاجر : ولله لو معايا مش هتاخر .. طب بصي ما تروحى لدكتور فوزى مدير المستشفى واطلبى منه سلفة وباقى الفلوس نلمها من الزملا

منى : رحتله بس هو مرضاش .. وقالى انتى لو فضلتى تشتغلى عمرك كله مش هتسددى حقهم

قاطعتهم ممرضة تانية وقالت
-: منى دكتور فوزى عاوزك فى مكتبه ..

منى : مم متعرفش هو عاوزنى ليه

الممرضة : لا هو قالى اندهلك وخلاص ..

الممرضة مشيت وهاجر قالت
: روحى شوفيه يمكن راجع نفسه وقرر يسلفك الفلوس .. او يمكن هيذكى عن صحته ويتبرع بفلوس العملية..

منى : يارب.. يسمع من بوقك ربنا ..

سبت هاجر ورحت على مكتب دكتور فوزى واتفاجات لما دخلت ان في واحد قاعد معاه
منى : احم حضرتك بعتلى فى حاجة

لقيت دكتور فوزى وقف وقرب منى وقال
-: هى دى البنت الى قولتلك عليها ..

لقيت الشاب بصلى من فوق لتحت وقال
-: مش بطالة بس لازم اتاكد انها مش هتفتح بوقها ابدا ولا تتكلم ..

دكتور فوزى بصلى وقال
-: الاستاذ خالد جى وعاوز ممرضة لمراته بس تكون مقيمة معاه فالبيت

هزيت راسى وقلتله
-: ماشي موافقة بس هما ساكنين فين

خالد : مش لازم تعرفى .. المهم ان الى هتشوفيه فالبيت ده ميطلعش براه ابدا

كنت مستغربة طريقة كلامه بس لقيت دكتور فوزى قال
-: الباشمهندس خالد هيتكفل بفلوس عملية اخوكى كلها .. بس هو ليه شرط

منى : شش شرط !شرط ايه ؟

خالد : انتى هتفضلى قاعدة فى بيتى لمدة سنة مش هتشوفى فيهم اهلك

منى : بب بس ده صعب ازاى

خالد : هو ده شرطى .. وكمان مش هتكلميهم فالتليفون غير باذن منى ..