لكل حكاية بطل بقلمى رونى محمد

جريمة قتل الاخيرة

سارة : مالك يا شوشو سرحانة في ايه ؟

-: مفيش زهقانة شوية

-: مين بس زعلك وليكى عندى امسكلك زمارة رقبته دى اطلعها وازمر بيها ..

-: تخيلى يا سارة بابا مسألش عليه خالص من يوم ما الحيزبونة دى ما ماتت انا فكرت انها لما تموت هيرجع يحبنى ويسأل عليه زى الأول ..

-: تموت !! وانتى كنت تعرفى منين انها هتموت ..

-: تخيل يا بنتى مانا كنت بدعى عليها ليل ونهار واهى يلا ربنا يحرقها بجاز ماتت وريحت ..

-: طب فكك من السيرة دى عارفة امبارح نزلت مع ماما وبعد الحاح وافقت انها تجبلى البلوزة الى شوفناها فالمحل الى جنب المدرسة ..

-: اه اه دى انا كنت هموت عليها .. يلا البسيها كام لبسة كده عشان الحق اخدها منك ..

-: اسكتى اصلك مش عارفة دى طلعت بكام ؟

-: كام يعنى ! ٢٠٠ ٣٠٠ جنيه

-: لأ يا حبيبتى ١٠

-: بت المحظوظة طبعا تلاقيكى اشتريتى المحل كله طب يلا بينا عالبيت وفرجينى .

-: البلوزة ب ١٠ ألاف ..

-: نعم عشر ايه يا خربيتهم ليه هى البلوزة بتمشي لوحدها ولا بتغسل نفسها تلقائى ..

-: مانا خدت الصدمة انا وامى الى مشيت تهزقتى طول الطريق وحلفت لتلبسنى من عند التوحيد والنور ..

-: هههههه مش قادرة احنا لازم نسرق المحل ده ..

-: استنى بس نخلص ثانوية عامة عشان ندخل السجن بشهادة منبقاش رد سجون ومن غير شهادات كمان ..

-: لا فى دى بصراحة طلع عندك حق ..

في قسم الشرطة

ابو همس كان قاعد متوتر قدام الظابط الى قاله
الظابط : الكاميرات الخارجية للمدرسة رصدتك وانت كنت بتلف وتدور حوالين المدرسة في نفس يوم الحادثة الى حصلت ..

-: اا بصراحة انا كنت بوصل بنتى للمدرسة ..

-: امم بتوصلها طب وممشتش ليه بعدها انت فضلت واقف وبتلف حوالين السور يجى اكتر من ساعتين ..

مفيش رد

-: رد على سؤالى عشان مضطرش الجأ لأساليب تانية ..

-: بنتى اليوم ده زوغت من المدرسة عشان تروح تقابل واحد زميلها ولما انا كنت ماشي وراها وشوفتها مسكتها وجبتها غصب عنها عالمدرسة ..

-: اه وايه بقى الى خلاك تقف لساعتين كمان

-: كك كنت خايف الا ترجع تطلع تانى من ورايا ..

-: كنت فين ساعة وقوع الحادثة ..

-: اا انا روحت البيت بعد ما اطمنت انها مش هتخرج ..