لكل حكاية بطل بقلمى رونى محمد

عيلة مجانين ٢

اللهم صل وسلم وبارك عليك يا رسول الله

     
-: حرام عليك متدعيش عليه وبعدين ما عادي يجبني يوديني هو مش هيبقي خطيبي وجوزي وقرة عيني..

عاصم اتعصب واتكلم بغيظ وقال 
-:قرة عينك جاك فقع عينك يا شيخة... ازفتي امشي قدامي وقوليلي رايحة فين... ولو جبتى سيرة زفت جلال قدامى هولع فيكى وفيه وفالبيت كله ..

نرمين : وانت من امتى بترضى تروح معايا في حته.. مانت على طول تقولي مش فاضي لمشاوير الستات الي ملهاش لازمة دي..

عاصم : فضيت يا نرمين اتنيلي امشي قدامي ووريني رايحة فين ؟

عاصم ونرمين مشيو بالعربية وكان محمد ابو عاصم متابعهم من البلكونة ابتسم وقال
-: لو مكنتش اربيك يا عاصم على عمايلك دي مبقاش انا  محمد الغزالي...

ساعتها محمد مسك التليفون واتصل على جلال وقاله
-: بص يا جلال انا عاوزك تسمعنى للاخر ..

-: خير يا عمى في ايه ؟

-: بص انت اعتبر نفسك من النهاردة خاطب نيرمين

-: يااه اخيرا هترضى عنى انت وابويا وتجوزونى .. ماشي بس نيرمين مين ؟

-: نيرمين اختك !!

-: انت عبيط يا عمى هتجوز اختى

-: ولد لم نفسك

-: اسف يا عمى بس يعنى هتجوز اختى ازاى ..

-: هو انا قلت جواز دى خطوبة بس ..

-: مالك يا عمى انت تعبان ولا حاجة ..

-: انا هفهمك على كل حاجة بس قسما بالله لو الواد عاصم عرف باتفاقنا ده لاكون مخلى ابوك يكرشك من البيت وتنام فالشارع ..

جلال بحزن : طب وليه كده بس يا عمى هو انا عمرى رفضتلك طلب !!

عند عاصم ونرمين فالعربية
عاصم :ها اخلصي رايحة فين ؟

نرمين : شارع الهرم

عاصم : نعم!!

نرمين : قصدي وديني المحل الي اسمه الهرم .

عاصم : وده فين ده ان شاء الله..

نرمين : هتلاقيه عالناصية الجاية... مكنش فيه لزوم تيجى معايا ده محل لبس بناتى ..

-: ومين قالك انى مبحبش البناتى بالعكس ده عندى زوق رائع فى اختيار اللبس والالوان ..

-: امرى لله لما نشوف

عاصم و نيرمين وصلوا  المحل الي كان محل فساتين سورايه.
عاصم : ده محل فساتين سوارية انتي جاية ليه هنا؟

نرمين وهي بتنزل من العربية
-: ماهي خطوبتي يوم الخميس اكيد هحتاج فستان عشان الخطوبة... لو مش حابب تختار معايا  خليك هنا انا مش هتأخر..