لكل حكاية بطل بقلمى رونى محمد

شمس

اللهم لك الحمد كما ينبغى لجلال وجهك وعظيم سلطانك
رونى محمد

-: انتى يا زفتة يالى اسمك شمس ..

-: نن نعم يا طنط

-: طنط لما طنطتك قال طنط قال .. اوعى يا بت تكونى مفكرانى عجوزة زى أمك لا انا يا حبيبتى اصغر منها يجى بعشر سنين ولو كنت اتجوزت من زمان كان زمانى جبت قدك كده .. ياكش بس النصيب ..

-: ماشي يا مرات ابويا ...

-: بقولك ايه يا بت اعدلى لسانك ده وقوليلى يا دولى يا ختى ده الى يشوفنى ماشية جانبك فالشارع يفتكرنى اصغر منك ..

-: حاضر يا دولى ها عوزانى في ايه ؟

-: المواعين الى فالحوض متغسلتش ليه ها مستنيانى انا اغسلها ولا على ايدك نقش الحنة ..

-:حاضر هقوم اغسلها انا كنت بذاكر حاجة كده وقلت هقوم اكمل المواعين ..

: قومى يا ختى قامت قيامتك انا مش عارفة بتذاكرى وتتعبى نفسك ليه منا قولتلك ميت مرة ان ابوكى مستنيكى تخلصي الثانوية واهو تكونى كملتى ١٨ سنة عشان يجوزك ..

-: وانا قلت قبل كده انى مش هتجوز الى اسمه عماد ده لو حتى قتلتونى مش هتجوزه ..

-: يا ختى انتى تطولى ده كل العرسان هتهرب منك بسبب امك الهبلة ..

-: مم متقوليش على امى كده وبعدين ما انتى السبب فى الى حصلها ..

قربت منى وبكل غل ضربتنى بالألم وقالت
-: لسانك ده هقطعهولك لو مبطلتيش طريقة كلامك معايا ..

وسابتنى ومشيت انا اعدت في مكانى اعيط وافتكرت الى حصل من عشر سنين ..
انا شمس فى السنة الاخيرة من الثانوية العامة نفسي ادخل كليه الطب وابقى دكتورة نفسية عشان اقدر اعالج ماما من عشر سنين تقريبا فالوقت ده كان عندى ٧ سنين ماما كان ليها صديقة قريبة منها اوى وكانت بتحكلها عن كل حاجة فى حياتها حتى مشاكلها مع بابا وصاحبتها دى كانت طنط دولى الى فضلت توقع بنها وبين بابا لغاية ما اتفاجانا في يوم ان بابا داخل علينا بالعروسة الجديدة الى هى طنط دولى .. ماما كانت بتحب بابا اوى لدرجة انها مستحملتش الصدمة ووقعت فالارض وبعدها فقدت النطق صاحبتها وجوزها الاتنين خانوها .. فاتت الايام وامى على نفس الحال بالبتسوء لأنها مبقتش بتستجيب لاى حاجة حواليها لدرجة انى مهما اكلمها مش بترد او حتى بتنتبه لكلامى ...

طول الوقت قاعدة في اوضتها مببتحركش انا الى اروحلها وابص عليها واكلها واشربها نفسي امى تتعالج وتبقى كويسة وترجع زى الأول .....

لقيت مرات ابويا دخلت تانى وبتقولى
-: انتى لسه قاعدة عندك شكلك وحشك شبشبي الى بيعلم عالوش ..

مسحت دموعى وقمت خلصت المواعين لقيت اختى رباب جاية تقولى
-: بقولك ايه يا بتاعة انتى مامى بتقولك اعمللها نسكافيه وهتيهولها البلكونة ..