لكل حكاية بطل بقلمى رونى محمد

الممرضة ح٢

الحلقة ٢

لما الباب اتفتح اتفاجأت بوجود طفلة صغيرة.. فالاول كنت خايفة لان ملامحها مش باينة، والدنيا كانت ضلمة ،قربت منها وسألتها
- : اا انتى مين ؟

البنت ردت عليه وقالت : اا انا اسمى نور انا جعانة ممكن تعمليلى أكل ..

منى : بس انا مينفعش اخرج برا الاوضة دلوقتى ..

نور : مم متخافيش ماما نايمة ومش هتخوفك ..

منى : هه هو انتى مامتك اسمها ايه ؟

نور : مم مش عارفة ، ماما بقى شكلها غريب اوى وانا بخاف منها ..

طلعت بصيت برا الاوضة ملقتش حد فسألتها
-: طيب هو بباكى فين ؟انتى بنت الباشمهندس خالد صح ؟

نور : ااه .. بب بابى سافر .. تيتا قالتلى انه سافر عند ربنا ..وخلاص مش هيرجع عندنا تانى ..

استغربت كلامها لقيت البنت بتشدنى وتخرجنى معاها لبرا الاوضة لغاية ما اخدتنى لاوضة تانية وكان باين عليها انها اوضة اطفال ..

افتكرت الباشمهندس خالد وقولتلها
-: استنى بس انتى وخدانى على فين ؟ انا مينفعش اروح معاكى لمكان ؟

نور : تعالى هوريكى صور بابى .. انا كل يوم بحب اتفرج عليها ..

مش عارفة ليه كان عندى فضول انى اشوف واسمع منها لغاية ما لقيتها بتطلع ألبوم الصور وبتورينى صور بباها الى هو نفسه خالد ..

وقتها كنت مصدومة ومش عارفة اعمل ايه سالتها تانى
-: اا انتى متاكدة ان ده بباكى

نور : ايوه .. هو بابى .. هو وحشنى اوى ونفسي اشوفه ..

البنت كان صوتها حزين لقيت نفسي بحضنها وبقولها
-: طب ومامتك فين دلوقتى ؟

نور : ماما نايمة فى اوضتها ..بس مش هينفع نروح عندها ... انا جعانة اوى ..

منى : طيب تعالى ورينى المطبخ فين

نور اخدتنى للمطبخ وعملتلها سندوتشات واكلتها وكانت مبسوطة اوى لدرجة انها نامت وهى بتاكل .. بعدها شلتها ووصلتها لاوضتها وكنت راجعة لاوضتى بس الفضول خلانى عاوزة اعرف ايه الى بيحصل فالقصر ده ..

ولكن فجاة سمعت باب القصر بيتفتح حسيت بخوف وجريت على اوضتى وقفلت على نفسي بالمفتاح ..

افتكرت تحذير خالد ليه وانى مخرجش من الاوضة ، حطيت ايدى على قلبى وانا بفتكر كلام نور لما ورتنى صورة خالد وقالت انه مات ..

لما خالد مات مين الى جابنى هنا ، القصر شكله مهجور وخالد وكلامه كان مريب .. مش عارفة ليه حسيت انهم ممكن يكونوا مش بنى أدمين .. لقيت نفسي بقول لأ ازاى يعنى دى طفلة اكيد خيالها واسع مش ممكن يكون حقيقى ..

تعبت من كتر التفكير والخوف لغاية ما غلبنى النوم ونمت ..

---
تانى يوم صحيت على صوت الباب الى كان فى حد بيحاول يفتحه جريت وفكرت انه خالد ولما فتحت لقيت واحدة واقفة قدامى وبتقول
-: اا انتى مين ؟ ومين جابك هنا ؟