لكل حكاية بطل بقلمى رونى محمد

فى كلية الحقوق الاخير

اللهم صل وسلم وبارك على سيدنا محمد وعلى اله وصحبه وسلم

يوم الامتحان يكرم المرء او يهان
رونى محمد

بعد ما الباب اتفتح والاتنين المصححين دخلوا طبعا انا وحسام ملقناش مكان نستخبى فيه غير تحت الترابيزة الى كانوا بيصححوا عليها الورق قلت لحسام بصوت واطى وانا خايفة
-: ها يا حسام هنعمل ايه دول ممكن يكشفونا في اى وقت ..

-: بسيطة زى ما عملنا مع الراجل الى برا

-: خلصت يا خويا عالراجل الى برا .. انجز وشوف حل انا هموت من الرعب..

-: شكلنا هنبات هنا للصبح يلا اهو يمكن نلاقى الورق بتاعنا ..

-: صبح ايه يا بغل انت دا انا امى كانت تيجى وتعمل فضيحة ..وساعتها هتبقى فضحتنا بجلاجل وبدال ما نشيل مادة واحدة هنتشال عالبوكس ..

-: طب والعمل هنعمل ايه انا بدأت أقلق ..

-: هو انت يا بنى تلاجة اتصرف يا سبع الرجال وطلعنا من هنا انا هموت من الرعب ...

وبعد نص ساعة كان حسام ورنا طالعين بيجروا من الكلية وراحوا ناحية ابتسام وشوشو قاللهم
-: يلا .. يلا بسرعة قبل ما حد يشوفنا ..

شوشو : فى ايه هو حد بيجرى وراكم ؟

رنا : مش وقته يلا بينا وهنحكيلك فالسكة .

بعد شوية كنا احنا الاربعة راكبين العربية وابتسام قالت
- : ها قولوا بقى هربتوا ازاى ؟

رنا : مفيش انا شديت فيشة الكومبيوتر فطفا وهما فكروه باظ فانشغلوا بتصليحه اما حسام فاستغل الفرصة وسحب عصاية كانت موجودة وطفا بيها مفتاح الكهربا ..

حسام : ههههه لو تشوفيهم وهما طالعين يجروا ورا بعد ومفكرين ان الاوضة فيها عفريت ..

رنا : وانا كمان طخنت صوتى وانا بخبط عالترابيزة ..

حسام : دول فزعوا الراجل بتاع الامن الى كان نايم وقام يجرى وراهم من غير ما يعرف في ايه ؟

شوشو : طب الورق عرفتوا تحلو فيه حاجه طمنونا ..

رنا : ولا لقيناه اصلا ..

ابتسام : يعنى ساقطين وكل الى عملاناه راح عالارض ..

رنا : تفى من بوقك انتى بس الى هتسقطى واحنا هننجح ..هه

شوشو : خلاص طب ايه رايكم نخطف دكتور فرحات

حسام : طلعونى انا منها انا راضى بالسقوط معنديش مانع ..

رنا : انتى مصممة بقى يابت انتى غبية خطف ايه لا طبعا .. احنا شكلنا كده لازم نستعوض ربنا فالمادة الى فاتت وركزوا فالى جاى ...

ابتسام : ايوااا انا هركز فى الى جى

بعد وقت وصلت رنا البيت ولقيت مامتها قاعدة فالصالة وقالتلها
-: كنتى في يا بلوة وربنا بلانى بيها ..