لكل حكاية بطل بقلمى رونى محمد

خيانة

  ( اللهم لك الحمد كما ينبغي لجلال وجهك وعظيم سلطانك)

- : خالد اهدى بس متخليش الشيطان يعميك.. خا خااااااالد  صوت الرصاص كان مالي المكان والدم غرق السرير ياترى ايه الي حصل ومين الزوجة الخاينة....

قبل سنتين من الي حصل

خالد: انا مش ذنبي انك مبتخلفيش انا من حقي يكون عندي ولاد زي اخواتي...

رديت عليه وانا بعيط وقولتله
-: طب انا ذنبي ايه يا خالد دي حاجه بتاعة ربنا وأهو انت جيت بنفسك معايا للدكتورة وسمعتها لما قالت اني معنديش مشكلة فالخلفة....

-: قصدك ايه يعني العيب من عندي مثلا!!

-: اا انا مقلتش كده بس تعالا نكشف ونحلل ليك عشان لو عندك حاجة يمكن يكون ليها علاج..

-: لا انا راجل ومفييش عيب دوري انتي على نفسك بقالنا اكتر من 5 سنين متجوزين ومبلتيش ريقي حتى بحته عيل..

عيطت وقولتله
-: ولله انا عملت الي عليه ورحت لدكتورة واتنين وكلهم قالوا معنديش حاجة...

-: يبقي خلاص هسمع كلام أمي زي ما قالت واتجوز!!

الكلام نزل عليه زي القنبلة رديت عليه وانا بعيط وقولتله
-: تتجوز عليه أنا يا خالد حرام عليك طب أهون عليك تكسر قلبي...

-: بقولك ايه انا عملت الي عليا وقولتلك الي عندي وفكري يا بنت الحلال وردي عليه...

مشى وسابني وانا قعدت في مكاني اعيط وافتكر سنين عمري الي راحت معاه..
( انا نورة عندي 28 سنة اتجوزت خالد ابن عمتي بعد قصة حب طويلة من واحنا صغيرين كل الناس كانت بتحسدنا على حبنا لبعض ، اتجوزنا من خمس سنين تقريبا ولغاية دلوقتي ربنا مأردش اني اخلف لفيت عالدكاترة وكلهم قالولي معنديش مشكلة وفي دكتوره منهم قالت أكيد العيب من جوزك ولازم يعمل تحاليل ..  هو مقتنعش بده بالعكس ذاد اكتر وبقى يعايرني بقلة الخلفة خصوصا اننا ساكنين في بيت عيلة واخواته كلهم اتجوزوا وخلفوا واحنا لسه)

لقيت حماتي بعتالي رحتلها عشان أشوفها عاوزة ايه لقيتها بتقولي
_: بصي يا نورة الحق ميزعلش حد انا أبني صبر عليكي خمس سنين بحالهم وعداه العيب ...

رديت عليها وانا حزينة وقولتلها
-: تقومي تفكري تجوزيه يا حماتي!! بدال ما تقوليله روح اكشف ولا حلل ودور على نفسك..

ردت حماتي وقالت
-:لا يا ماما دا انا ابني زي الفل ومش معيوب انتي الي العيب عندك..

حاولت اتكلم بهدوء لان عارفة حماتي مبتجيش بالعند وقلت
-: بس يا حماتي انا كده بيتي هيتخرب!!

ردت حماتي وقالت
-:  يتخرب ليه ده شرع ربنا يا حبيبتي ميزعلش حد...  وانتي لو كنتي بتحبيه كنتي اولى انك تطلبي منه يتجوز ويشوف عياله..