لكل حكاية بطل بقلمى رونى محمد

عبير الاخيرة

عبير الاخيرة ..

عبير رجعت البيت ولقيت امها مستنياها وقالت

عبير : مساء الخير يا ام عبير

ام عبير : بت يا عبير انتى جيتى !

-: لا لسه مجتش جرا ايه يا ماما منا قدامك اهو ..... ماما انا هلكانة سبينى أدخل انام ..

-: نامت عليكى حيطة .. تعالى هنا أحكيلى مين الى خطفوكى دول وعاوزين منك ايه

-: يووه يا ماما عرفتى منين .. انا كنت حاسة انى مستهدفة من زمان .. قوليلى هو احنا لينا اعداء !

ام عبير : صلاة النبى ده احنا معندناش غير اعداء

عبير : اه طيب انا هدخل انام ولما اصحى تبقى نشوف حوار الاعداء ده ...

طيب روحى اتخمدى والصبح لينا كلام عشان عوزاكى فى موضوع مهم ..
----
تانى يوم عبير صحيت بدرى وراحت لامها وقالت
-: صباح الخير يا ست الكل انتى قلبك زى الفل

-: بت انتى هتضحكى عليه بكلمتين عموما روحى خلصى الى وراكى عشان فى ناس جايين يزرونا النهاردة ..

عبير : ناس مين دى يا ماما هو احنا حد يعرفنا

-:  عريس يا بت يا عبير جى يطلب ايدك ...

عبير : ماشي يا ماما انا هروح شغلى ولما ارجع اشوفه

---
عبير راحت شغلها وقابلت دكتور حسام الى قالها
-: فينك يا عبير بقالك يومين مبتجيش الشغل ..

عبير : اصل بعيد عنك انا كنت مخطوفة ..

حسام : ههه مخطوفة .. ومين الى امه داعية عليه الى خطفك ..

عبير : ده واحد زعيم عصابة ولا مافيا .. اصل انا مستهدفة

حسام : مستهدفة ! لا وسعت منك دى المهم روحى شوفى المريض  بتاع   اوضة سبعة عامل دوشة  ..

عبير راحت لاوضة سبعة لقيت المريض بيتنطط على السرير وبيقول
-: انا مش قصير وأوزعة انا طويل واهبل ..

عبير قربت منه وقالت
-: ما تنزل يا حج هو انت لسه صغير ..

المريض رد عليها وقال
-: لأ دول بيضربوا القصيرين انا مش عاوز ابقى قصير ..

-: يوووه يا عم انزل ده رابع سرير تكسره فى شهر وربنا هنيمك على الارض ..

المريض نزل وقال
-: طب انا طويل ولا قصير ..

عبير : طويل يا عم ده انت طويل طول التنين .. اسكت بقى ..

المريض طلع يتنطت تانى وبيقول
-: هيييه انا بقيت طوييييل ..

عبير بغيظ : انا خلاص زهقت من الشغالانة  دى بقى مفيش غير مستشفى المجانين دى ليه بس كده ياربى ..

اخر اليوم العريس جه وعبير كانت قاعدة معاه ومستغربة شكله لانه بكرش ولابس نضارة كبيرة  ومن وقت ما جه مش مبطل اكل
عبير بصتله بغيظ : يا عم خد نفسك هو انت ما بتكولش فى بتكم ..