لكل حكاية بطل بقلمى رونى محمد

عبير٢

عبير ٢
ضرب النار كان شغال من كل ناحية وعبير مستخبية ورا معتز وبتقول
-: يا لهوااى يا عبير هتموتى .... يا صغيرة على الموت.... ندرا عليه لو عشت لادبح فرخة وافرقها لأهل الله

-: ششش  فرخة ايه الى هتدبحيها انتى يا بت واقعة على دماغك ..

-: اه انت عرفت منين ! اصل انا كنت مرة ماشية وبعدين ...

قاطعها معتز وقال
-: شش اسكتى  انتى لسه هتحكى ..شايفة الاوضة الى هناك دى ..

عبير : اه شيفاها حلو الباب ده خشب !

معتز : غبية يلا روحي بسرعة دى ادخلى استخبى فيها وأوعى تخرجى منها لغاية لما اجيلك ..

عبير : طيب براحة متزوقش .. وحاول تنقذنى قبل ما اموت والا ولله اجيلك فى احلامك واجبلك كوابيس ..

معتز : اووف امشي  بقى مش عارف اركز ..

عبير جريت على الاوضة ودخلت قعدت على السرير كانت خايفة وهى سامعة اصوات ضرب النار وبعد وقت الباب اتفتح جريت على الى دخل وفكرته معتز الا انها اتفاجأت لما لقيت واحد تانى
عبير : اا انت مين يا عم انت وفين معتز ..

وقف الراجل قدمها ورش عليها مخدر وقعت فالارض ونامت ...

بعد وقت ..
عبير فتحت عنيها  لقيت نفسها فى مكان غريب عنها بصت يمين وشمال لكن الدنيا كانت ضلمة فجاة باب الاوضة اتفتح والمكان نور وظهر واحد اسمه خالد ..

عبير : انتم ايه كل شوية واحد هيظهرلى انتم ملبوسين ولا ايه ؟

خالد : انتى بقى تبقى خطبته ولا مراته

عبير : لا حضرتك انا مش مرتبطة لو عندك عريس انا معنديش مانع ..

خالد : انطقى معتز يقربلك ايه والا هقتلك دلوقتى

عبير : بقولك ايه انا مبخافش .. انت متعرفش انا بنت مين !

خالد ربع ايده وقال
-: بنت مين بقى ان شاء الله

عبير بكل فخر قالت
-: بت ام عبير بتاعة الفطير ايه مش عارفها

خالد : الى بتنور وبتطير !

عبير : هههه لا حلوة الألشة دى

خالد بغضب : بت اتعدلى كده وقوليلى معتز يقربلك ايه !

عبير : معرفهوش .. ما تروحنى بقى يا عم ولله امى هتبهدلنى ..

-----
ونروح عند معتز

محمود كان واقف جنب معتز الى لف الشاش  على  دراعه وقال 
محمود : الحمد لله كلها اصابات بسيطة الرجالة كلهم كويسين ..

معتز : طب وعبير ايه لقتوها

محمود : للاسف دورت عليها فالقصر كله ملقتهاش  مفضلش منها حاجة غير دى ..

معتز : ايه دى شنطة وانا هعمل بيها ايه هلبسها ... المهم انا عاوزك  تعرف مين الى قال لخالد على مكانا