لكل حكاية بطل بقلمى رونى محمد

البيت المهجور

كنت قاعد سهران فى القسم لانى كنت مسئول عن الوردية بتاعة بالليل لقيت التليفون بيرن

الضابط : الو مع حضرتك قسم الشرطة ال ..

-: اا الحقونى .. حد يلحقنى

الضابط : ايوه يا فندم  ياريت  تقولى فى ايه بالظبط

-: اا انا فى الدولاب مستخبية .. هه هيقتلنى .. شوفته بيدور عليه

-: مين الى هيقتلك وليه .....طب تقدرى توصفيلى شكله طب انتى فين ..

-: طويل اوى وعنيه ... عنيه مخيفة لونها أسود ده اكيد مش انسان ..ده

-: ده ايه كملى معاكى

الصوت سكت وبعدين قالت بصوت واطى
-: صوت خطواته بيقرب عليه .. صوت نفسه قريب منى ..

وفجأة البنت صرخت والخط قطع ...
 
انا سليم ضابط شرطة دى مش اول مكالمة تجيلى كده انا من وقت ما مسكت المنطقة دى وكل يوم فى نفس الميعاد تجيلى مكالمة من ناس مجهولة ولما عملت تتبع للمكالمة اتفاجأت ان المكالمة بتتم من بيت مهجور  ..
دخل مراد صاحبى وقال
-: ايه يا عم مالك هى المكالمة اياها جاتلك بردو  ولا ايه !

-: اه المرة دى كانت بنت بتستغيث وبتقول
انها مستخبية فى دولاب..

-: هههه فى الدولاب مرة واحدة  طب كانت فى اهنى رف بالظبط ... طب  قالتلك  ايه كمان

-: مفيش نفس الى بيحصل فى كل مكالمة بتستغيث وبعدين بتقطع ..

-: بص انا عاوز انصحك بنصيحة ابعد عن الشر وغنيله ..

-: يعنى ايه !

-: يعنى الرائد محمود القصاص الى كان هنا قبلك ..

-: اه ماله الله يرحمه ..

-: تعرف هو مات ازاى !

-: امم لا معرفش بس تقريبا حادثة مش كده !

-: لقيوه مقتول فى اوضته .

انا اتفاجات وقتها ومكنتش عارف ارد او اقول ايه فمراد كمل كلامه وهو بيقفل الباب عشان محدش يسمعنا وقال
-: على الرغم من ان قتله وراه شبهه جنائية الا ان الكل كان بيحاول انه يقفل القضية باى شكل واكتفوا انهم يسجلوها منتحر ..

-: بس محمود كان بيصلى وقريب من ربنا انا عارفة من ايام ما كنا سوا فى الكلية هو كان الدفعة الى قبلى ... مستحيل ينتحر ..

-: محمود قالى ان كان بيوصله رسايل  على التليفون من رقم مجهول  قبل وفاته بكام شهر وحاول كتير يوصل لصاحب الرسايل دى الا انه اتفاجأ لما لقى ان الخط الى بيتبعت منه الرسايل متسجل باسمه هو ..

كان جوايا احساس بيقولى ان فى حاجة مش مظبوطة فسالته
-: ازاى يعنى طب كان ممكن يعمل تتبع للرقم الى بيكلمه ويعرف مكانه