لكل حكاية بطل بقلمى رونى محمد

عيلة مجانين

سبحان الله وبحمده سبحان الله العظيم
     رونى محمد

-:رقاصة يا حج عاوزني اتجوز رقاصة!!

-: ومالو يابني الشغل مش عيب..

-: عيب ايه يا حج يعني انا هبقى جوز الرقاصة... وياترا بقى همسكلها السجات ولا الطبلة

-:لا ما انت وشطارتك بقى يا تتوبها يا تلملها النقطة وبعدين مش ده الي انت عاوزة!!

-: عاوز ايه!! هو انا كنت قولتلك عاوز ابقى خروف وعندي قرون واتجوز رقاصة !!

-: امال انت بتسهر كل لليله للصبح بتعمل ايه مانت قاعد قدام الرقصات طول الليل وهما دول الي عجبينك..

-: ماشي اتفرج اه اسهر اه انما يوم ما اتجوز اتجوز واحدة بنت ناس تصون عرضي وشرفي.. مش رقاصة كل من هب ودب كام عينه عليها

-: اه يعني عاوز تتجوز واحدة محدش عرفها غيرك..

-: مظبوط.. ايوه انا عاوز من دى ...

-:طب وهي ذنبها ايه انها تكون شريفة وعفيفة معرفتش رجالة ولا كانت بتستعرض نفسها مع كل راجل شوية .وتتجوز واحد زيك فلاتي وبتاع ستات

-:ما كل الشباب كده وبكره ربنا يهديهم وبيتجوزوا ويبطلوا الي كانوا بيعملوه..

-:وانا اضمن منين انك هتبطل سرمحة ومتظلمش بنات الناس معاك..

-: ايه يا حج انت معايا ولا عليا ده انا ابنك بردو ..

-:انا مع الحق.. اضمن منين انك متخنش بنت الناس وتجرحها وفالاخر ترميها هي وعيالها عشان واحدة رقاصة ضحكت عليك...

-:يالاهوي ايه الا انت بتقوله ده انت بتسود الدنيا في وشي!!

-:لا بقولك على الي بيحصل..

-: لا ان شاء الله مش هيحصل.. انا هتجوز وهتلم وهبطل سهر اقولك انا هنام من المغرب كمان ...

-: وياترا مواصفات ايه البنت الي عاوز تتجوزها.. عشان نعملك واحدة تفصيل..

-:متتريقش يا حج من الاخر كده انا عاوز اتجوز نرمين بنت عمي انا بحبها من زمان وعاوز اتجوزها..

-:امممم كان نفسي اقولك ومالو مش هلاقي احسن منك بس نرمين خلاص هتتخطب لجلال ابن سيد اخويا..

-: نعم!! جلال مين الي يتجوزها دا انا كنت ولعت فيها وفيه وبعدين ازاي هي توافق على كده..

-: توافق!! ومتوافقش ليه هو جلال يتعايب!! ده شاب اي بنت تتمناه وبعدين راجل محترم وكسيب وكفاية انه مبيسبش فرض ولا ليه فالسهر ولا الكلام الفارغ ده... ده انا حتى عمري ما شوفته حاطط سجارة في بوقه..

-: ماهو بيشرب من وراكم اكيد مش هيشرب قدامك ولا قدام ابوه..

-: ومالو بكره نرمين تخليه يبطلها بس اهو بردو احسن منك..