لكل حكاية بطل بقلمى رونى محمد

جريمة قتل ٢

اللهم صل وسلم وبارك على سيدنا محمد

كل البنات اول ما سمعت عن جريمة القتل بدأوا يسألو ويتكلموا والرعب والخوف كان مسيطر على الجميع وخصوصا كلام الظابط الى بيأكد ان المجرم هو واحد في وسطهم ...

هند : هه هو مين الى اتقتل ؟

الظابط : احنا جالنا بلاغ من نص ساعة بيقول ان مديرة المدرسة عصمت الدرملى دخلو عليها مكتبها لقوها ميته وبعد فحص الطبيب اتبين ان في شبه جنائية فى قتلها ..

منى بخوف : طط طب ومين يعنى هيقتلها ؟

الظابط : ده الى هنعرفه من التحقيقات .. يلا ياريت كل واحد يروح على فصله وانا بنفسي همر على واحد واحد واستجوبه وياريت اى معلومة عندكم تقولها ..

اخر اليوم كل البنات رجعت على بيتها بعد يوم مرهق من التحقيقات وكذلك المدرسين ونروح لبيت الاستاذ فوزى الى مراته قابلته وقالت
-: عملت ايه يا فوزى فالفلوس اخدت سلفة زى ما قولتلك..

قعد فوزى على اقرب كرسي وقال
-: اسكتى ده الى حصل فالمدرسة النهاردة مكنش عالبال ولا عالخاطر ..

-: ليه هو ايه الى حصل ..

-: مديرة المدرسة عصمت الدرملى اتقتلت ..

-: يا ساتر يارب ومين الى عمل كده ..

-: مم مش عارفين لسه تحقيقات النيابة شغالة

-: لا حول ولا قوة الا بالله ربنا يرحمها ويغفرلها ويجازى ولاد الحرام الى قتلوها ..

-: طيب انا هقوم اخد دش واريح شوية عقبال ما تجهزيلى لقمة اكلها  ..

-: طيب يا اخويا روح انت ..

مشي فوزى خطوتين الا ان مراته ندهت عليه تانى وقالتله
-: فوزى .. هو ايه الى عالجاكت بتاعك ده !!

فوزى شد الجاكت بسرعة مز ايدها و اتلغبط ومبقاش عارف يرد عليها وقال
-: دد ده ده باين حاجة وقعت منى عالجاكت وانا بفطر شكلها فول ولا حاجة ..

دخل اوضته بسرعة قبل ما مراته تساله اكتر ...

ونروح لبيت سارة و كانت قاعدة معاها شهد صحبتها

سارة : بقولك ايه يا شهد كلمتى جدتك قولتلها انك هتباتى معايا ..

-: اه قولتلها متقلقيش  .

-: شش شهد انا عاوزة اسألك سؤال هو انتى فعلا ملكيش يد فى موت عصمت ..

شهد اتعصب وقالت
-: انتى بتشكى فيه يا سارة ؟

-: لا لا مش قصدى انا بس مستغربة الى حصل ان الصبح كنا واقفين وانتى مصممة انك تنتقمى منها على الى عملته فيكى واخر النهار يحصل الى حصل ونلاقيها مقتولة ..

-: اه انا منكرش انى لو كنت اقدر اشرب من دمها كنت عملت كده بس انا فالاول وفالاخر عيلة بالنسبلها ولا هقدر اعمل حاجة  ...