Unicode
ဆေးရုံအခန်းလေးအတွင်း၌မေ့မျောနေပါသော ZhangZheHan ၏လက်ကလေးအားဆုပ်ကိုင်၍မိမိ၏ပါးပြင်ပေါ်သို့အပ်ကာထားသည်။
မျက်ရည်များကြားက ZhangZheHan အားစိုက်ကြည့်နေပါသော GongJun ၏ရင်အစုံမှာဆုတ်ဖြဲခံထားရသကဲ့သို့နာကျင်နေပါ၏။
ကျွန်တော်တောင်းပန်ပါတယ်ဘီဘီ။ ကျွန်တော်တောင်းပန်ပါတယ်။ ဘီဘီအဖေနဲ့ကျွန်တော့်ကြားကရန်ငြှိုးတွေကြောင့်ဘီဘီကိုမြေစာပင်ဖြစ်စေခဲ့တယ်။ ဘီဘီနာကျင်နေတာမြင်နေရရင်ကျွန်တော်ဘယ်လိုရှေ့ဆက်ရမလဲ။ ကျွန်တော်ဘယ်လိုစိတ်နဲ့ကလဲ့စားချေနိုင်မလဲ။
ကျွန်တော့်လိုကောင်ကြောင့်နာကျင်မနေတော့ပဲမုန်းလိုက်ပါဘီဘီရယ်။ ကျွန်တော့်မျက်နှာကိုမမြင်ချင်လောက်တဲ့အထိမုန်းပစ်လိုက်ပါ။ ဘီဘီလက်နဲ့ကျွန်တော့်ကိုဖမ်းဖို့အတွက်ဘီဘီအားတင်းထားရမယ်လေ။ ကျွန်တော့်ကိုခွင့်မလွှတ်ပါနဲ့။ ဘီဘီကိုချစ်တဲ့စိတ်နဲ့ထာဝရရှင်သန်သွားပါ့မယ်
ZhangZheHan ၏နဖူးလေးအားနမ်းရှိုက်လိုက်ပြီးအခန်းလေးအားကျောခိုင်းထွက်ခွာသွားတော့သည်။
ဒါကျွန်တော်ပေးနိုင်တဲ့နောက်ဆုံးအနမ်းလေးပါဘီဘီ။ ခွင့်မတောင်းပဲယူခဲ့မိတာတောင်းပန်ပါတယ်
ZhangZheHan တစ်ယောက်နိုးနိုးချင်းမှာတင်ပတ်ဝန်းကျင်၌မည်းမှောင်နေသည်ကိုသတိထားမိလိုက်သည်။ အနည်းငယ်ချမ်းစိမ့်မှုကိုလည်းခံစားလာရသည်။
ငါဘယ်ရောက်နေတာပါလိမ့်။ ချမ်းလိုက်တာ ဘာလို့အဲ့လောက်အေးနေတာလဲ
အမှောင်ထုကိုဖြတ်သန်းကာမိမိဆီသို့လျှောက်လှမ်းလာနေသောကောင်လေးအားအဝေးမှလှမ်းမြင်နေရသည်။
" Bao.. Bao မင်းမလား။ Bao ငါဒီမှာ "
ထိုကောင်လေးမှာမိမိအနားရောက်ပြီးကာမှမိမိဘေးသို့ကျော်သွားကာအနောက်တွင်ရပ်နေသောကောင်မလေးဆီသို့ပြေးသွားသည်။
" မသွားပါနဲ့ Bao ။ ငါ့ဆီပြန်လာခဲ့ပါ။ သူ့ဆီမသွားပါနဲ့။ Bao !!!!!!! "
သူဘယ်လောက်ခေါ်နေနေထိုကောင်လေးကတော့တစ်ချက်တောင်ငဲ့မကြည့်ပဲထွက်သွားတော့သည်။
