Unicode
Gong Jun ကိုယ့်နားကိုယ်တောင်မယုံနိုင်ဖြစ်နေရသည်။ အစ်ကိုက Zhang Zhou Li ၏သားအရင်းမဟုတ်ပေဘူးတဲ့လား။
" ခင်ဗျားဘာမဟုတ်တမ်းတရားတွေလျှောက်ပြောနေတာလဲ။ Zhang Zhe Han ကကျုပ်ကိုယ်တိုင်ကျွေးမွေးစောင့်ရှောက်လာတဲ့ကျုပ်ရဲ့သားပဲ "
" ခင်ဗျားခိုးပြီးစောင့်ရှောက်ခဲ့တဲ့ကျုပ်သားလို့ပြောရင်ပိုမှန်တာပေါ့။ သားတို့အမေကိုလည်းခင်ဗျားကိုယ်တိုင်သတ်ပစ်ခဲ့တာလေ "
" ခင်ဗျားမှာဘာသက်သေရှိလို့ကျုပ်ကိုလာစွပ်စွဲနေတာလဲ "
အဖြစ်မှန်များကိုသိသွား၍ကြောင်အမ်းနေပါသော Gong Jun ဘက်သို့တစ်ချက်လှည့်ကြည့်ပြီး
" လွန်ခဲ့တဲ့ (၁၆) နှစ်ကခင်ဗျားသတ်ခဲ့တဲ့မိသားစုကိုခင်ဗျားမှတ်မိမှာပေါ့။ ခင်ဗျားလုပ်ရပ်တွေကိုသိသွားလို့ကားနဲ့တိုက်သတ်ပြီးမှသူ့ဘာသာသူကား accident ဖြစ်သလိုခင်ဗျားဖန်တီးခဲ့တာ။ ပြီးတော့ခင်ဗျားနောက်လိုက်စုံစမ်းရင်းဒီကောင်လေးမိဘတွေကိုခင်ဗျားသတ်ခဲ့တာကျုပ်မျက်လုံးနဲ့ကိုယ်တိုင်မြင်ခဲ့ရတာ "
" ဒါဆိုကျုပ်ကို video ပို့ခဲ့တာက.. "
" ဟုတ်တယ်။ ကျုပ်ခင်ဗျားကိုပို့လိုက်တာ "
" အဟက်! ဟုတ်တယ်ကျုပ်သတ်ခဲ့တာ။ သူ့မိဘတွေကိုရော။ ခင်ဗျားမိန်းမကိုရောပေါ့။ ဒီမိန်းမကအရမ်းခေါင်းမာတယ်။ ကျုပ် devil ကိုသိမ်းမယ့်ကိစ္စဒီမိန်းမသိသွားပြီးသွားပြောမယ်လုပ်လို့ကျုပ်သူ့ကားနောက်ကလိုက်သွားခဲ့တာ။ သတ်ပစ်ဖို့အထိတော့မရည်ရွယ်ခဲ့ပါဘူး။ ဒါပေမယ့်ကံတရားကဒီလိုဖြစ်သွားတယ် "
" ခင်ဗျားကလျှာရိုးမရှိတိုင်းလျှောက်ပြောနေတာပဲ။ ခင်ဗျားကိုကျုပ်ကိုယ်တိုင်တမလွန်ကိုပို့ပေးမယ်။ ကျုပ်မိန်းမကိုယ်ခင်ဗျားတွေ့ပြီးတောင်းပန်လိုက် "
သေနတ်အားမောင်းတင်လိုက်ကာ Zhang Zhou Li ဘက်သို့ချိန်ရွယ်လိုက်သည်။
" ခဏလေးနေပါဦး။ သူ့ကိုမသတ်လို့မရဘူးလား "
" ဘယ်လို ကောင်လေးမင်းမိဘတွေကိုသတ်တဲ့သူအတွက်မင်းကအသက်တောင်းခံပေးနေတာလား "
