Unicode
" မနက်ဖြန်ကျရင်ထိုင်ဝမ်ဘက်ကသူဌေးရှင်းနဲ့ပစ္စည်းရောင်းဖို့ရှိတယ်သခင်။ သူဌေးရှင်းကအလုပ်လုပ်တဲ့နေရာမှာအရမ်းတိကျတယ်။ သူသဘောကျတာကိုခံရပြီဆိုရင် Zhang Zhou Li အတွက်အခွင့်အလမ်းတွေအများကြီးရှိလာနိုင်တယ်။ ပစ္စည်းတစ်ဝက်ကိုတော့နေ့လည်မှာရောင်းပြီးသူဌေးရှင်းသဘောကျတယ်ဆိုရင်ကျန်တစ်ဝက်ကိုညနေမှာဆက်ရောင်းဖို့စီစဉ်ထားပါတယ်သခင် "
" မင်းလုပ်ပေးရမှာတစ်ခုပဲရှိတယ်။ ကျန်တာကငါတို့ဘက်ကလူတွေနဲ့လှုပ်ရှားလိုက်မယ် "
" ဟုတ်ကဲ့သခင် "
" မင်းလည်းဂရုစိုက်နေ Jin Wei ။ အဲ့အဘိုးကြီးကသိပ်လည်တာမင်းအန္တရာယ်ကျရောက်လာနိုင်တယ် "
" ဟုတ်ကဲ့သခင်။ ကျွန်တော်သတိထားနေပါ့မယ် "
ခင်ဗျားပျက်စီးတော့မှာပါ Zhang Zhou Li ။ ကျွန်တော်ခင်ဗျားရဲ့ဂုတ်သွေးကိုဖြည်းဖြည်းချင်းစုပ်ယူပြမယ်
ဒေါက်... ဒေါက် ... ဒေါက်
" အဖေဝင်လာလို့ရမလားသား "
" ဟုတ်အဖေ "
" အိပ်တော့မလို့လားသား "
" မအိပ်သေးပါဘူးအဖေ။ ဘာကိစ္စရှိလို့လဲ "
" သားကိုကြည့်ရတာအခုတလောသိပ်မလန်းသလိုပဲ။ ဘာအခက်အခဲတွေရှိနေလဲအဖေ့ကိုပြောလို့ရတယ်နော်သား "
" ဘာမှမရှိပါဘူးအဖေ။ အလုပ်ပင်ပန်းလို့ပါ "
" အင်း အဖေတို့ရဲဝန်ထမ်းတွေကအလုပ်မှာစိတ်ရောကိုယ်ပါနှစ်ထားရတော့ပင်ပန်းတာပေါ့။ ကဲပါ။ အဖေသွားတော့မယ်ဒါဆို။ သားနားတော့ "
" ဟုတ်အဖေ "
Zhang Zhou Li ထွက်သွားသည်နှင့်ဖုန်းလေးအားကောက်ကိုင်ကာအလှဆုံးပြုံးနေကြသောကောင်လေးနှစ်ယောက်၏ပုံလေးအားကြည့်ပြီးတစ်ချိန်ကနေ့ရက်များကိုလွမ်းဆွတ်တမ်းတနေမိသည်။
" မင်းမှာငါမသိတဲ့လျှို့ဝှက်ချက်တွေရှိနေလား Bao ။ Dimond ဂိုဏ်းကငါ့ကိုလုပ်ကြံတာမင်းကဘယ်လိုသိနေတာလဲ။ မင်းလိုလူငယ်လေးကဒုစရိုက်ဂိုဏ်းတွေအကြောင်းဘယ်ကနေသိနေတာလဲ။ မင်းဘာတွေလုပ်နေတာလဲ Bao "
