Unicode
" ZheHan Ge, ZheHan Ge !! "
" ဟင် "
" နေမကောင်းဘူးလား Ge။ မျက်နှာလည်းမကောင်းဘူး "
" မဟုတ်ပါဘူး။ ဘာလို့လဲစာပြီးပြီလား "
" ဟုတ်။ ပြီးသွားပြီ Ge "
" အင်း။ အဲ့ဒါဆိုပြန်နားလိုက်တော့။ စာကိုမှန်မှန်လုပ်။ နောက် (၃) လနေရင်စာမေးပွဲဖြေရတော့မယ် "
" ဟုတ် Ge။ ကျွန်တော်သွားလိုက်ပါဦးမယ် "
" အင်း "
ဘာ Noti မှတက်မလာသောဖုန်းလေးအားငေးမောကြည့်ရင်းစိတ်အခြေအနေမှာလည်းအဆင်မပြေဖြစ်နေရသည်။
' ကျွန်တော်သူဌေးနဲ့နိုင်ငံခြားကိုအလုပ်ကိစ္စရှိလို့လိုက်သွားတယ်။ အလျင်လိုနေလို့စာပဲပို့လိုက်နိုင်တာတောင်းပန်ပါတယ် ' ဟူသောစာလေးတစ်စောင်သာရောက်ရှိလာပြီးထိုနေ့တည်းကအဆက်အသွယ်မရခဲ့သည်မှာတစ်ပတ်ကြာပြီဖြစ်သည်။
စက်ပိတ်ထားသောဖုန်းလေးအားလည်းအကြိမ်ကြိမ်ခေါ်ဆိုနေမိသည်။
ဆိုင်လိုက်သွားသော်လည်းပိုင်ရှင်များကရောင်းသွားပြီဟူ၍သာသိရသည်။
စိတ်ဓာတ်တို့မှာအောက်ဆုံးသို့ထိုးကျနေလေပြီဖြစ်သည်။
" သား ZheHan တစ်ယောက်တည်းလား GongJun လေးရော "
" သူအလုပ်ကိစ္စနဲ့ခရီးထွက်သွားတယ်အန်တီ "
" ဪဟုတ်လား။ အေးအေး ခါတိုင်းလိုပဲစားမှာမလား "
" ဟုတ်ကဲ့ "
မိမိနှစ်သက်စွဲမြဲစွာစားလာသောထိုခေါက်ဆွဲမှာယနေ့မှတစ်ခုခုလိုနေသလိုပင်။
ခေါက်ဆွဲ၏အရသာမှာမပြောင်းလဲသွားသော်လည်းမိမိအရှေ့တွင်အမြဲရှိနေပေးသောထိုကောင်လေးကတော့ပြောင်းလဲသွားခဲ့ပြီဖြစ်သည်။
" သား Zhe Han ပြန်လာပြီလား "
" ဟုတ်အဖေ။ သားပင်ပန်းနေလို့တက်နားလိုက်ပါတော့မယ် "
ခန္ဓာကိုယ်တစ်ခုလုံးကိုအိပ်ရာပေါ်သို့ဘုန်းခနဲမြည်အောင်ပစ်ချလိုက်သည်။
