Sailing Close to the Wind

SCW 40

"Huh? Nasisiraan ba siya ng bait? Bakit naman tayo sasama do'n?"  bash ni Vien.

"Hindi naman tayo tanga para pumayag 'no!" Dolly exclaimed. Umirap pa nga.

"It's a no, no for me too!" Kala decided with finality.

Iyon ang mga sabi nila kaya hindi ko alam kung bakit nandito sila ngayon sa birthday party ni Mixco at mukhang mas excited pa kaysa sa akin.

"Oh my gosh! Long time no see, Tita!" Kala squealed and gave Tita a kiss on her cheeks nang makarating kami sa resort kung nasaan ang venue. "I miss you pooo."

"Tita, gumanda po kayo a, may niluto po kayong adobo?" Mapaglarong tanong ni Vien.

Tita chuckled a little, "Ayan tayo e, pero meron nak."

"Tita, miss ko na din cupcakes niyo. Sobrang tagal ko pong hindi natitikman," sumbong ni Dolly as she hugged Tita.

I smiled a little while looking at them catching up and laughing together. Well, I think this was a good decision. Nakapag-usap sila ulit. Okay naman kasi talaga sila kay Tita. Kay Gahala lang naman sila may sama ng loob. Kahit ako din naman.

"Oh, ayan na pala si Gahala, siya muna bahala sa inyo ha? Puntahan ko lang ang ibang bisita."

"Sure, Tita!" nakangiting sagot nila. Yung ngiting iyon ay napalitan ng irap at pagsusuplada when they turned their gazes to the guy who stood beside me.

"Hi, girls," he greeted with a dazzling smile.

Ngumiti ako sa kaniya pero kaagad napatingin kay Mixco na buhat-buhat niya. His head was buried in Gahala's neck and his arms were encircling his shoulders.

"Inaantok pa," sambit ni Gahala nang mapansin ang titig ko.

"Okay lang," ngiti ko saka bahagyang kinapa ang likod ng bata. Baka kasi pinagpapawisan.

"Taray, mukhang pamilya," parinig ni Kala sa amin kaya napatingin kami sa kanila. Nakatingin silang lahat sa amin at nakataas ang kilay. Napatikhim tuloy ako at medyo lumayo kay Gahala.

"Salamat sa pagpunta," Gahala smiled at my friends. 

"Our presence doesn't mean that everything's okay, no!" matigas at diretsong sabi ni Vien, which made him laugh. "Pagkain lang habol namin dito kasi mga patay-gutom kami, okay?" sigang ani nito na parang nagtatanong kung may angal ba siya doon.

Hindi man lang siya natablan ng banta, nakangiti pa din siyang tumango, "Sure, madami sa cottage. Kuha lang kayo mamaya."

"Siguraduhin mo lang na matutuwa kami dito ha!" banta sa kaniya ni Dolly.

"Just tell me if you're not enjoying. I can call Okin," he teased.

They gasped. "Girl, ginanon ka?" rinig kong bulong ni Kala.

"Gago ka a! Pasmado bibig mo!" badtrip na sabi ng isa na tinawanan niya lang.

Nang-inisan pa sila doon at pinagtulungan siya ng tatlo pero natatawa lang siya na parang hindi apektado. Hinampas ko si Gahala nang medyo nagising si Mixco kasi ang ingay nila. 

Sabay na kaming pumunta sa pinakamalaking cottage nang magsisimula na ang party. Nando'n na yung handa at yung cake na Ben10 ang design. Kami-kami nga lang talaga, saka ibang relatives nila na hindi pamilyar sa akin because I never met them before. I even saw Tito Hakken and he just smiled at me.

"Naks! Saan diyan girlfriend mo?" the guy in his 40's asked. Napasulyap siya sa amin saka napasipol.

"Ay wala po, Tito. Ex lang meron sa kanila," tawa niya. "Hulaan mo na lang kung sino."