一个钢镚儿(A lucky coin)
အပိုင်း၁၆
ယမ့်ဟန်က ခေါင်းငုံ့ကာ ကြည့်လိုက်သည်။
လက်ထဲတွင် တောက်ပနေသည့် ဗဟုဂံပုံစံ အနက်ရောင် ကျောက်ခဲလေး ထည့်ပေးလာပြီး အပေါက်ဖောက်၍ အနီရောင် ကြိုးပါးပါးလေးဖြင့် ချည်ထားသည်။
ချူးယိက ထိုပစ္စည်းလေးအား သူ့လက်ထဲသို့ ဂရုတစိုက် ထည့်ပေးလာသည့် အချိန်တွင် ပေါ့ပါးသည့် အထိအတွေ့ကို ခံစားလိုက်ရသည်။
"အဲ့လောက်မြန်မြန် လုပ်လို့ ပြီးသွားတာလား?"
ယမ့်ဟန်က ကျောက်ခဲလေးအား ယူလိုက်သည်။အလယ်ရှိ ကြိုးထည့်သည့် အပေါက်ကလေးတွင် ကြိုးက တပ်ထားပြီးသား ဖြစ်သည်။
"မ,မမြန်ပါဘူး"
ချူးယိက စိုးရိမ်နေသည့် ပုံစံဖြင့် သူ့ကို ကြည့်လာကာ
"ကြိုက်လား?"
"အင်း"
ယမ့်ဟန်က ခေါင်းညိတ်ပြလိုက်ပြီး အပေါက်ကလေးထဲရှိ ကြိုးနီလေးကိုကိုင်၍ ဝတ်လိုက်သည်။
ခြေကျင်းဝတ်ပေါ်တွင် ချည်လိုက်သည့် အချိန်၌ ချူးယိက လေသံတိုးတိုးဖြင့် ထပ်ရှင်းပြလာသည်။ :
"အပေါက်က အ,အရမ်းသေးတယ် ၊ သားရေကြိုးနဲ့ ချည်,ချည်ကြိုးတွေက ထည့်မရဘူး"
"ဒါနဲ့လည်း အဆင်ပြေပါတယ်"
ယမ့်ဟန်က ပြောလိုက်သည်။
"အ, အဓိက က ငါလည်း ချည် မ,မလုပ်တတ်ဘူး"
ချူးယိက ပြောသည်။
ယမ့်ဟန်က ရယ်လိုက်ပြီး :
"သိပါပြီ"
ဒီကျောက်ခဲလေးက တော်တော်လေး မိုက်သည်ပင်။အသွင်အပြင်က ရိုးရှင်းကာ ၊ အရောင်က သန့်စင်နေပြီး ခြေကျင်းဝတ်တွင် ချည်ထား လိုက်သည့်အခါ အတော်လေး ဆွဲဆောင်မှု ရှိနေသည်။
"တကယ်တော့ မင်း လုပ်ရဲကိုင်ရဲ ဖြစ်လာတာက ပုံမှန်ထက် အလှကို ခံစားလာနိုင်တယ်"
ယမ့်ဟန်က ခြေထောက်ကို မြှောက်၍ ချူယိအား ခြေကျင်းဝတ်ကို တစ်ချက် ပြလိုက်သည်။
![အကြွေစေ့လေးတစ်စေ့ [Completed]](https://img.wattpad.com/cover/273544582-64-k78175.jpg)