ငါမင်းကိုတာဝန်မယူစေချင်ဘူး//IDWYTBR// (Myanmar Translation)

Chapter 81: Someone has been protecting you somewhere you don't know

[ Unicode ]

အခန်း-၈၁။ မင်းမသိနိုင်တဲ့ တစ်နေရာရာကနေ တစ်စုံတစ်ယောက်က မင်းကို ကာကွယ်ပေးနေတတ်တယ်။
___________________________________________

မင်းရဲ့ချစ်ခြင်းမေတ္တာနဲ့မိခင်ကိုတစ်ချိန်တည်းမှာ ဆုံးရှုံးလိုက်ရတဲ့ ဒဏ်ချက်မျိုးကို ခံယူလိုက်ရတာက ဘ၀ကြီးအားစိတ်ပျက်ပြီး ထွက်ပြေးပစ်ချင်လောက်သည်အထိကိုခံစားရစေတာပင်။

လော့ယန်ကိုယ်တိုင်ပင် ထိုကာလကို မည်သို့ ရှင်သန်ဖြတ်သန်းရမည်ကို မသိနိုင်ခဲ့ပေ။ တစ်ချိန်လုံး သူ့စိတ်တွေကရှုပ်ထွေးနေခဲ့ပြီး လုံး၀ကို အာရုံမစိုက်နိုင်ခဲ့ချေ။  ထူးချွန်ထက်မြတ်သူအဖြစ်မှ အရှုံးသမားဘ၀သို့ သိသိသာသာ နိမ့်ကျသွားပြီး သူ၏ ဘာသာရပ်အချို့ကိုပင် ကျရှုံးခဲ့လေသည်။  သူ့ကို အားအင်တစ်လန်လို ထောက်ကန်ပေးထားခဲ့သည့် သူ့ရဲ့မုန်းတီးနာကျဥ်းမှုတွေသာ မရှိတော့ပါလျှင် သူအနေနဲ့ ဆက်ပြီးတောင့်ခံနိုင်ထားတော့မှာ မဟုတ်ဘူး။

ယဲ့ရှော်သည် နောက်ပိုင်းတွင် လော့ယန်တစ်ယောက် ဘာတွေဖြစ်ပျက်သွားသလဲကို သိချင်မိပါသော်လည်း သူသည် အလွန်တရာမှငယ်ရွယ်သေးပြီး ကျောင်းဆက်တက်ခဲ့နေရပေသည်။  သူ့ကျောင်းက ဘော်ဒါကျောင်းမို့ ကျန်နေသေးသည့် နောက်ထပ်တစ်လ ကျောင်းဆက်တက်ဖို့ကလွဲလို့ တခြားရွေးချယ်စရာ မရှိတော့ဘူး။  နောက်ထပ်အားလပ်ရက်ရောက်သောအခါတွင်၊ သူသည် လော့ယန်နှင့်ပတ်သက်သော အကြောင်းကို ဆေးရုံတွင် ဘယ်လိုမှရှာလို့မတွေ့ပေ။

လော့ယန်၏မိခင်သည် လွန်ခဲ့သည့် တစ်လခွဲခန့်က သေဆုံးသွားခဲ့ပြီဖြစ်ကြောင်း ယဲ့ရှော်မှာ သိခဲ့ပေသည်။  အသက်၂၀အရွယ်သာရှိသေးသော သူမ၏သားဖြစ်သူသည် ဈာပနကို ဦးစီးဆောင်ရွက်ပေးခဲ့ချေသည်။

ယဲ့ရှော်သည် အိမ်ပြန်သွားပြီးနောက် ယဲ့လန်၏အခန်းတံခါးကိုခေါက်လိုက်သည်။ သူ့အစ်ကိုကိုတောင် ယဥ်ကျေးစွာ နှုတ်ဆက်မနေတော့ပေ။  တကယ်တော့၊ သူ့အစ်ကိုကြီးတစ်ယောက် လော့ယန်အား စွန့်ပစ်တာကို မြင်ပြီးကတည်းက သူ့ကို အစ်ကိုကြီးဟု တစ်ခါမှ ခေါ်ဆိုခြင်းမရှိတော့တာပင်။