ငါမင်းကိုတာဝန်မယူစေချင်ဘူး//IDWYTBR// (Myanmar Translation)

Chapter 60: Bastard Ling's house is too luxurious!

Edit- Full ver ပါနော် ခြူးထပ်ထည့်ပြီးပါပြီ (Full ver ပါေနာ္ ျခဴးထပ္ထည့္ၿပီးပါၿပီ)

Unicode

အခန်း ၆၀- လင်မျိုးရိုးလူဆိုးကောင်ရဲ့အိမ်ကအရမ်းပြည့်စုံတာပဲ

________________________________

တကယ်တော့ အဆာပြေမုန့်ထုတ်အကြီးကြီးနှင့် နို့တွေကို လင်ကျန်းရီကမိုးရွာတဲ့နေ့တွေအတွက်ရည်စူးပြီးဝယ်ယူကာ နောက်ခုံမှာထားထားတာဖြစ်သည်။သူကသေချာပေါက် စုကျစ်ယန်အတွက်ဟုရည်ရွယ်ခဲ့တာဖြစ်သည့်တိုင် ထိုအကောင်ပေါက်လေးက အကြောက်အလန့်ကင်းလွန်းနေတာပဲမဟုတ်လား။သူကသူ့ကိုပင် ရန်စနေသေး၏။

"ကိုယ်မှားပါတယ်သခင်မရယ် မင်းကိုယ့်ကိုသောက်စရာတစ်ခုခုများ ပေးနိုင်မလား"

လင်ကျန်းရီက သုန်မှုန်နေသည့်မျက်နှာပေးဖြင့် ခွင့်လွှတ်ရန်တောင်းခံနေ၏။

"မပေးနိုင်ပါဘူး ခင်များအိမ်ရောက်မှသောက်လို့ရတယ် ဒါတွေအကုန် ကျွန်တော့်ဟာချည်းပဲ !"

စုကျစ်ယန်က နှလုံးသားမဲ့ပစ်လိုက်ဖို့ ဆုံးဖြတ်ထားပြီးဖြစ်သည်။

လင်ကျန်းရီတစ်ယောက် ကူကယ်ရာမဲ့စွာ သက်ပြင်းချလိုက်သည်။ကောင်းပြီလေ၊ သူတို့အိမ်ရောက်ပြီးမှသောက်လည်းဖြစ်တာပဲ။ဘာပဲဖြစ်ဖြစ် အဝေးကြီးမှမဟုတ်တာ။

လင်ကျန်းရီက စုကျစ်ယန်ကိုထပ်ပြီး ဟနောက်မနေတော့ချေ။ သူက ကားမောင်းနေတဲ့အပေါ်မှာသာအာရုံစိုက်လိုက်ပြီး လမ်းကျယ်ကြီးဆီကို တဖြည်းဖြည်းကွေ့လိုက်သည်။

ထိုလမ်းပေါ်မှာ အတော်ကြာအောင်မောင်းပြီးနောက် သူ့ပုခုံးကရုတ်တရက်ခပ်ဖွဖွအပုတ်ခံလိုက်ရသည်။လင်ကျန်းရီက သူ့မျက်လုံးတွေကိုပင့်မလိုက်ပြီး နောက်ကြည့်မှန်ကတစ်ဆင့်ကြည့်လိုက်သည်။စုကျစ်ယန်က နို့ဘူးပိုက်ကိုဆွဲဆန့်လိုက်ပြီး ရေထည့်ထားသည့်သတ္ထုရေဘူးထဲကိုထည့်လိုက်သည်။သူကဘာမှမပြောပေ၊ သူက*ဒါကခင်များကိုပေးတာ*ဟူသော အမူအယာဖြင့် ခေါင်းကိုအသာစောင်းလိုက်၏။

လင်ကျန်းရီ၏ မျက်ခုံးများမှာ ကွေးညွတ်သွားပြီး တောက်ပစွာပြုံးလိုက်သည်။သူကခေါင်းကိုဘေးဘက်ကိုလှည့်ပြီးနောက် ပိုက်ကိုနှုတ်ခမ်းနှစ်လွှာကြားငုံလိုက်ကာ ရေကိုပါးစပ်အပြည့်နှစ်ခါတောင် စုပ်ယူပစ်လိုက်သည်။သူ့ရဲ့ကိုယ်တစ်ခုလုံးက ခုံပေါ်မှာပဲရှိနေဆဲဖြစ်ပြီး သူ့အကြည့်တွေကလည်း လမ်းရှေ့ကိုသာ အာရုံစိုက်ထားဆဲဖြစ်သည်။