ငါမင်းကိုတာဝန်မယူစေချင်ဘူး//IDWYTBR// (Myanmar Translation)

Chapter 56: Video conferencing, why do you have a crib?

Unicode

အခန်း-၅၆။ဗီဒီယိုကွန်ဖရင့်မှာ...ဘာကြောင့်များကလေးပုခက်ကရှိနေရတာလဲ
___________________________________________

သူ့ရဲ့မျိုသိပ်ထားရသော ခံစားချက်များနှင့် အအေးမိ၍ဖြစ်ပေါ်လာသောအဆင်မပြေမှုများ​ပေါင်းစုကာ စုကျစ်ယန်သည်အိပ်ပျော်နေစဉ် နိုးတစ်၀က်အိပ်တစ်၀က်ဖြင့်အနည်းငယ်နာကျင်သောခံစားချက်ကြောင့် ညည်းတွားညည်းညူနေမိသည်။

လင်ကျန်းရီသည် သူ့အတွက်စောင်ချုံပေးလိုက်ပြီးထိုလူလေးကိညင်သာစွာပုတ်ပေးလိုက်သည်။
သူသည်ထိုလူလေး ပြန်၍ အိပ်ပျော်သွားစေရန်ချော့သိပ်ပြီးကာမှသက်ပြင်းအသာချမိတော့သည်။

သူကထမင်းတစ်ဝက်ခန့်စားပြီးသည်နှင့်ပန်းကန်များနှင့်တူများကိုဆေးကြောရှင်းလင်းလိုက်သည်။  နောက်ဆုံးအနေနဲ့  စုကျစ်ယန် ကြိုက်သည့် ဖက်ထုပ်တွေကို သူ ရေခဲသေတ္တာထဲတွင်ထည့်ထားလိုက်ပြီး နောက်ပိုင်းသူဗိုက်ဆာလာသည့်အခါအဲဒါတွေကိုသူစားလို့ရနိုင်လိမ့်မည်ဖြစ်၏။

အရာအားလုံးရှင်းလင်းသွားပြီ။ 

လင်ကျန်းရီသည် ကျန်းချင့်ထံမှ ဖုန်းလက်ခံရရှိပြီး ကုမ္ပဏီက နေ့လည်တွင်အစည်းအဝေးတစ်ခုပြုလုပ်လိမ့်မည်ဖြစ်ကြောင်းပြောလာခဲ့သည်။ 

ထိုအရာသည် ယဲ့မီဒီယာ နှင့် ပူးပေါင်းမှုအားစပ်လျဉ်း၍ အရေးကြီးသောအစည်းအဝေးဖြစ်လေသည်။  သို့ရာတွင် ဥဣဋ္ဌမှာမရှိလေသောကြောင့်အစည်းအဝေးကိုမည်သို့ရှေ့ဆက်ရနိုင်မည်နည်း။

လင်ကျန်းရီ "ငါတို့ video conference လုပ်လို့ရလား"

[Online Meeting နဲ့အဓိပ္ပါယ်အတူတူပါပဲနော်]

ကျန်းချင့်သည် စက္ကန့်၀က်မျှရပ်တန့်သွားပြီကာမှပြန်ဖြေလာသည်။

“ ဥဣဋ္ဌလင် ရှိနေသ၍ အဆင်ပြေတယ်...ဒါပေမယ့်ဗီဒီယိုကွန်ဖရင့်နဲ့ လုပ်တာကနည်းနည်းတော့ မရိုးသားသလိုဖြစ်နေတယ်.. ဥဣဋ္ဌလင် တကယ်ကိုအလျင်စလိုနောက်ဆုတ်လို့မရဘူးလား အစည်းအဝေးကနေ့လည် လေးနာရီအထိမစသေးပါဘူး! "

“ ငါဒီအကြောင်းကိုထပ်စဉ်းစားကြည့်ဦးမယ်... ငါသုံးနာရီကြမှမင်းကိုခေါ်လိုက်မယ်... အခုမင်း ကုဖုန်း ကိုသွားပြော..ယဲ့ဘက်ကကိုယ်စားလှယ်နဲ့ နေသားတကျဆက်ဆံပေးဖို့ ထွက်လာရမယ်ဆိုပြီးသူ့ကိုခေါ်လိုက်... ဘာပဲဖြစ်ဖြစ် သူက ကုမ္ပဏီရဲ့ဒုတိယဥက္ကဌဖြစ်နေပြီး အဲဒါက video conferencing တစ်ခုထက်ပိုကြောင်းလေးစားမှုကိုပြရာရောက်တယ်လေ ”