Scars of Silence

Kabanata 8

“Group 3,” tawag ni Ma’am Judith.

“Oh, tayo na guys,” pamamatid ni Ethan na hinaluan ng tonong tila nananakot sabay aming pagtayo saming mga upuan.

Nangangatog, nilalamig na naman yata kamay ko nang madaiti nito ni Alaina.

“Okay pa, Lance?” tanong ni Alaina.

Tumango ako. “Naninibago lang siguro.”

“Naniniwala ako sa’yo,” pagkislot niya’t sabay na kinapkap ang balikat ko.

Nagtipon-tipon na kami nun sa harap habang sinasaksak ni Alaina ang kanyang laptop sa kordon ng TV sa itaas ng pisara, at saka sinimulan na naming magreport.

“Aqueous solutions of acids are electrolytes, meaning they conduct an electrical current. Some acids are strong….” pagsasaad ko, habang patuloy na nakatingin sa may TV habang matatanaw ang mga slides sa aming powerpoint.

“E-excuse me, group 3. Sandali lang,” pamamakli ni Miss Peñaflorida. “Mr. Humabon, could you please elaborate what you just said earlier?”

Napatulala ako sa sinabi niya at saka tumingin uli sa screen. “Uhm, n-nakasabi dito miss na aqueous solutions of acids are electroly-”

Pumakli siya ulit. “Like what do you mean by that? Could you please explain it further?”

“W-weyt lang miss,” napalingon na lang ako sa mga kagrupo ko mula sa kabila, nang tumaas ng kilay sa’kin si Alaina't ganun rin ang naging tugon ko.

“Uh, miss?” pahiling na tanong ni Alaina. “Ako na lang po mag-eelaborate, so sabi-”

“No, Miss Pilapil. Mr. Humabon will be the one to explain,” pautos na tugon ni Miss.

Nang mga sandaling iyo’y mas lalong tumahimik ang silid nang bumaling na ang atensiyon ng mga iba naming kaklase sa’min sa harapan.

“’Di naman puwedeng babasa ka na lang dyan without explaining it further it to your classmates,” pangangatuwiran niya. “Everybody can read, but not everyone can understand.”

“Edi ‘kaw na, miss. Sana ‘kaw na lang nagdiscuss,” painis na bulong ni Ethan.

“May binubulong ka ba, Mr. Sulleza?!” bulalas ni Miss nang tila may narinig siyang ingay mula sa’min.

“Po? Ah- wala miss,” agad namang bumanayad ang tono niya sa pagtugon.

“’Care to share it to the class?” 

‘Di na nagsalita si Ethan sa naging patutsada niya.

“Mag-eexplain ako, Miss,” singit ko sa pag-asang mababaling ko ang kanyang atensyon.

“Go ahead, Lance,” diretso niyang sabi.

“Uhmm, pa’no ba to?” bulong ko sa sarili.

Nang mga sandaling iyon ay pilit ko munang kumalma’t lumingon sa slides namin nang isa pang beses dahil masyado na akong nanginginig. Matik mararamdaman talaga sa tuhod ko.

“Uhmm, bale miss ‘pag naging tubig ang acids tawag don electrolytes…”

“And then? Continue.”

“Yung electo… electro pala sorry,” pautal kong salita. “Yung electrolytes may… may,” 

“Electrical current,” lipsync ng mga kasama ko nang lumingon ako sa kanila.

“Yung electrolyte nagcoconduct ng electric current.”

“Hope you’ll work on your speaking skills next time,” giit ni Miss.