Scars of Silence

Kabanata 7

Dumiretso na kami’t ipinasok ang dala dala naming mga bag sa may sala.

“Dito mo na lagay ang laptop,” sabay turo ni Clarissa sa may puwestong katabi ng sopa.

“Bale ‘yung topic natin guys is tungkol sa… teka tingnan ko lang”, binuksan ni Alaina ang maleta’t pinaandar ang laptop. “Acids and bases…”

“Wait, sure ‘yun yung topic sis? Parang anlawak kasi ng scope,” mungkahi ni Jennifer.

“Acids and Bases and Their Properties daw,” tugon ulit ni Alaina. “Bago lang kasi sa’kin yung topic... Baka may idea kayo muna guys?”

“May I?” marahang tanong ni Jennifer. “So for me, all I can think of is yung Ph Scale na nagshoshow na parang spectrum where both ends mean either too acidic or too basic… ‘yan yung mga citrus fruits for acids and ‘yung detergent is example for the bases, ‘tas they create a neutralization when they combine.”

“’Yan ba yung same na like ‘pag nilagay ang mentos ang coke…” usyosong tanong ni Alaina.

“I’m really not sure if may basic component talaga ang mentos… but for sure ‘yung coke, it’s an acid.”

“Baka meron kayo guys? Try natin,” panghihimok ni Ethan.

“Meron kaming sakto dun sa ref,” giit ni Clarissa nang akma itong pupunta ng kusina.

“Ge bored ako.”

“Pero ‘alang candy.” 

“Ikaw na lang bumili.”

“Kung makautos,” at sabay na tinaas ni Clarissa ang isang kilay.

“Tawag diyan experiment,” pagkikindat ni Ethan.

“Saka na nga yan, kakahiya sa maybahay,” pananakli ni Alaina’t sabay na tumitig kay Cla.

“So what’s the plan ba?”  tanong ni Jennifer habang napasandal ito ng palad sa baba niya.

“Well, yung iniisip ko kasi,” tugon ni Alaina. “Teka… let’s divide ourselves sa gagawin muna.”

“Should we outline the topic first ba?... Like perhaps we could start with definition, then its physical and chemical characteristic…”

Nang matapos ang usapa’y humanap na kami kanya-kanyang mauuupuan nang mapagpatuloy ang mga napagusapang gawain. Magkasama na kami ni Clarissa nun sa pagreresearch.

“Aba antahimik mo kuya ah,” tugon niya nang kapansin-pansing tutok na tutok ako sa screen ng hiniram na laptop ni Alaina habang patuloy na nagsoscroll gamit ang mouse na kulay asul.

“Kelangan bang magingay ‘pag gumagawa?” pamimilosopo ko.

“’Di naman,” marahan niyang sagot. “Eh kasi kuya, napapansin ko lang tila ‘di mo ‘syadong hilig makipaghalubilo… parang ganun. O sadyang may ‘di pako nalalaman sa’yo?”

“’Nu ibig mong sabihin?”

“I mean, youre that type of person na comfy mag-isa. I don’t know by you po.”

Nautal ako. Nang mga sandaling iyo’y pakiramdam ko’y may pumipigil sa’kin… Na parang mga dila’y pilit na iniipit sa likuran ng mga labing nag-aantay ng tamang tiempong bumuka.

Napahimutok na lang si Clarissa. “Ay oo nga pala, I just realized. I guess medyo in emotional distress ka pala nung sa nangyari kanina.”

Saka may matanaw kami nun sa labas na nakalargang kiosk na pinapalibotan ng mga tao’t ganun na lamang ang pagkabakas sa mukha ni Clarissa’t ‘di mapakali habang nakaupo.