POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Sa mundo na aking kinagiliwan Akala ko noon, ito'y walang katapusan Subalit ako ay nabulag sa katotohanan Pagkat ako'y nasa dako pala ng kadiliman.
Kung gaano kabusilak ng aking kasuotan Ay siya ring kadungis ng aking kaibuturan Ikinubling poot at galit sa damdamin Paghihiganti ang siyang aking hangarin.
Bagamat ipinakita ko sa labas ang kagalakan Ngunit sa loob ay ang labis na kapighatian Pagmamahal ng isang ama'y hindi nakamtan Sa nobyo'y niyurakan pa't iniwang luhaan.
Sintayog ng himpapawid ang aking narating Datapwat isang paa ko'y mistulang nasa libing Imoralidad at kasinungalingan ang naghari Maling pag-ibig — sa puso't isipa'y namayani.
Sa malagkit na putikan, ako'y 'di makaaalis Kaligayahan ko'y unti-unti nang napalis Sa masukal na gubat, ako'y 'di na makaaalpas Paikot-ikot na lamang sa mga kasawiang dinanas.
Ngunit kay buti sa akin ng Panginoon Dahil sa putikan, ako'y Kaniyang inahon — Nilinis ang aking dungis at binigyang liwanag gaya ng buwan Upang ako ngayo'y magtatanglaw ng mga nasadlak sa karimlan.
***
"Ang Panginoon ay aking liwanag, at aking kaligtasan: kanino ako matatakot? Ang Panginoon, ay katibayan ng aking buhay; kanino ako masisindak?" - Mga Awit 27:1 (Ang Dating Biblia)
Pinagkuhanan ng larawan: Pixabay
Itinatampok na awit: Take Me Out from the Dark by Gary Valenciano
