طلعت وانا بقول ي رب خير ي رب خير سمعت امي بتقول واي ي امين خليتني لمنو ي امين في اللحظه دي قلت اكيد ربنا م ح يبتليني الابتلاء دد كلو اكيد ده حلم قعدتا في الارض مؤيد قال لي ابوي مات ختيت راسي في الحيط شفت اثار الضرب الفي يدي وقلت معقول يموت ويمشي لي امي وانا بهبش في اثار الضرب وبصرخ وبقول هو م ح يخليني زي امي ليه خليتوني براي انا عايزه اكون معاكم م عايزه اكون براي سكتا وختيت راسي في الحيط وبعاين للسماء رقدتا في الارض و م قادره اشوف شي نمتا وانا بقول هو م مات بعد ربع ساعه صحيت ومرت ابوي بتضربني قمتا لقيت البيت فيهو ناس كتيرين شديد مرت ابوي كانت بتتكلم م ركزتا هي بتقول شنو اصلا طوالي طلعتا الشارع وجريت على اي جها م بعرف مشيت مكان بعيد شبه خلا والمكان مضلم قعدتا في الارض صرختا بعدها قفلت خشمي بي يدي وبقيت بتنهد سمعتا صوت راجل بيقول بسم الله بسم الله في شنو صوتو كان كانو راجل كبير كنت سامعه صوت غنم وخرفان عرفت انو راعي قال لي مالك ي بتي م رديت قال لي اعتبريني زي ابوك طيب قولي لي مالك بكيت شديد قلت ليهو يابا خلاني م عندي لا ام ولا ابو في الدنيا دي م عندي ي عمو وانا ببكي قال لي لله م اعطى ولله م اخد ي بتي الدنيا دي اصلا كده م تبكي بتتعوضي ان شاء الله قلت ليهو كيف لاكن انا بس ربنا بيبتليني ي عمو مف يوم انا ارتحتا كل يوم اكعب من التاني لشنو ربنا غضبان مني كده انا سويت شنو لمن يحصل لي ده كلو نفسي اكون مع امي وابوي وبكيت بصوت عالي حسيتو بكا معاي قال لي وصوتو منقرش من البكا ابوك مشا في مكان احسن من الدنيا ادعي ربنا يرحمو في قبرو وحرك يدو في شعري وقال ربنا كريم ربنا كريم حسيت كانو جبرني شويه بعدها ي دوب استوعبتا الحاصل قال لي يلا ارجعي البيت الوقت اتاخر قمتا قام معاي قال لي اوصلك قلت ليهو لا مف داعي برجع براي قال لي كيف اخليك في الوقت المتاخر ده ترجعي براك قلت ليهو الخرفان لكين ي عمو م مشكله قال امشي قدامي يلا،،،،كان نفسي اشوف تفاصيل وشو وكيف شكلو بس م كان واضح شي من تفاصيل وشو لانو ضلام شديد رجعتا البيت وانا طول الطريق بستغفر بكيت بقدر قدرتي عرفت ابوي مات بي حادث لما شفت جنازتو دخلت في حالة جنون عمري م ح انسى الموقف دد،،،،
وبقا فيني هم كيف ح اصرف على اخواني كونو انا اكبر وحده في البيت بعد اسبوعين رجعت اكمل دراسه لقيتهم فاتوني كتير ويمكن الشي دد ينزل من مستواي لاكن حاولت كتير اجتهد لان كنت بتزكر انو ابوي كان متمني اجيب درجه عاليه يفتخر بيها قدام الاساتذه حاولت كتير وللاسف مرت ابوي كل م كانت بتشوفني بقرا بتقول لي اصلا م ح تنفعي اقعدي قري اخوانك احسن من تضيعي زمنك وانتي بتغشي نفسك انك بتقري وبتقول ابوك م مات بي حادث دخل في حادث من حسرتو على درجتك ي بليده ي م ح تنفعي كنت بزعل شديد لما تقول كده💔،،،كنت بقري اخواني حتى انو درجاتهم في الامتحانات اتحسنت شديد،،وضعنا اتازم شديد م كنا بنلقا حق الاكل الا مرات خالاتي لما بدوني قروش بديهم لي مرت ابوي نكفي بيهم حالانا يوم وانا راجعه من المدرسه وشايله هم كيف اجيب قروش لقيت اولاد راجعين من المدرسه فكرت اني اعمل درس خصوصي للطلاب يمكن استفيد سالت الاولاد قالو لي انهم في صف تامن قلت خلاص احسن اسوي درس كلمتهم اني ح اسوي درسه وقلت ليهم يكلمو اهلهم ،،،صح انا ح اتازم و م ح اقدر اقرا وانا ممتحنه لاكن لازم اسوي كده عشان اقدر اجيب مصرف لي اخواني،،بقيت بفكر كيف ح اقدر اقريهم ووين سالت شموخ قالت لي في زريبه في ضواحي القريه فاضيه لاكن م بعيده شديد ممكن انك تقريهم فيها قلت ليها من وين ح اجيب السبوره قالت لي كلمي استاذ احمد دد صاحب ابوك شديد يمكن يتصرف ليك لقيتها فكره كويسه وفعلا كلمتو وقال لي م مشكله بتصرف وقال لي ابوك لو كان عايش كان ح يكون فخور منك ابتسمتا ابتسامه باهته لانو ابوي عمرو م كان ح يفتخر بي وكلام مرت ابوي صح انو ابوي مات بي حسرتو من درجتي💔
ساتخلص من قائمة جميع امنياتي حتماً سيحققها لي احداً منكم ي اخوتي🖤🦋
يتبع....
