حاولت اخليها تنوم كنت بحنسها عديل عشان تنوم لكن م كانت بتنوم لحد تنوم انا زاتي بكيت معاها من الخوف،،،حمت بيها البيت كلو وانا شايلاها عشان تنوم فعلا نامت لما نذار وصل كنت خايفه يصحيها وقلت ليهو اوعك تصحيها هسي نامت قال لي مالك انتِ هسي؟ و سلم على اهلي قعد مع امي كانو بيتونسو في نص الونسه امي قالت ليهو والله اولادك ديل بتاعين شغب و مرتك زاتها شافعه زيهم ضحك و قال ليها بالجد شافعه و م ح تكبر،،،كان بيصحي دنيا قلت ليهو نذار خليها قال لي دقيقه هي كانت بتبكي ولا حاجه؟قلت ليهو لالا تبكي ليه؟وصلنا البيت و هي لسه نايمه و كنت شايلاها بعد نزلنا برضوا كنت شايلاها قال لي خنساء في شي غريب انتِ شايله دنيا؟لالا كمان ولا بتشاكليها في شنو؟ضحكت و قلت ليهو لا هي بالنهايه بتي كمان يعني م بتك براك صح؟قال لي من متين بتفكري كده؟م رديت عليهو،،،،،كنت عايزه انوم قلت ليهو نذار انا مشتاقه ليك عادي تخليني انوم في حضنك يعني؟قال لي طيب طوالي تعالي رقدت في حضنو وقلت ليهو نذار ح تكون معاي للابد؟قال لي للابد اكيد قلت ليهو انا خايفه في يوم افقدك انا جربت افقدك و م كنت قادره اتجاوز شعور الفقد ي نذار كنت خايفه والله كنت كل يوم بنتظرك ي نذار بكيت و هو حاضني شديد وبيقول لي انا معاك م تخافي تاني ي خنساء انا معاك قلت ليهو خليك معاي للابد ،،،،صحيت الصباح كالعاده م كان معاي لكن المره دي م كان في ورقه كان في كتابه اسمو"عن اشياء تؤلمك"فتحت الكاتب و في نص الكتاب في ورقه مكتوب فيها "انتِ نَبْذَة لي وهذا يعني انكِ فقرتي المميزه في هذه الدنيا و الفتاة المختاره الذي اختارها قلبي"وايضاً نُبْذَة وهذا يعني انكِ شي مختصر عن سعادتي كم كنت فقيراً حين غيابكِ عني" فتحت الكتاب و في الصفحه الكانت فيها الورقه كان مكتوب"لا تلتفتي:
اكملي سيركِ و واصلي تقدمكِ ،و ودعي كل ما جرى وحدث دون ندم او تحسر او التفات بل دعي انف الماضي بما حوى في التراب،وتخطيه بلا ادني اهتمام؛فلا يستحق عناءك احد،ولا يستحق حزنك احد
لا تلتفتي فكل الدين التفتوا تاخروا وظلوا في اماكنهم يتحسرون امضي حيت غد وغدٍ بكِ ولكِ اجمل❤️"صباح الخير ي بتي
رفعت راسي لقيتو واقف و بيعاين لي و مبتسم قلت ليهو نذار الدموع كانت في طرف عيني قال لي م عايز تبكي اوعك تبكي ي قمر اوعك باسني في راسي قلت ليهو والله طول ح افضل اشكر ربنا لانك نعمه حلوه شديد ي نذار وانا كنت بعاني في حياتي لكن العوض ال لقيتو من ربنا هو انت و حمدلله والشكر لله شديد انا بحبك قال لي انتِ اكيد بتعرفي ي خنساء انك رغبتي و ح افضل ساعي ورا رغبتي و هي انك اسعدك طول عمري❤️
كان طلع و دنيا كالعاده عامله لينا ارهاب عشان بنخاف من نذار اتشاكلت مع داني تاني وانا ضربتها كانت ساكته وبتعاين لي فجاه سمعنا صوت زول بيفتح الباب واصلا المفتاح مف عند اي زول الا عند نذار ركبي ساحو من الخوف كلهم وقفو و دنيا قعدت في الارض و بدت تبكي الباب فتح وانا عايزه اجري قال لي دقيقه دقيقه دي مالا داني قال دي ماما م انا قلت ليهو ي حيوان عشانك ضربتها نذار عايز يطلع الشبشب ويفلقني بيهو طوالي جريت قال لي انا مش قلت ليكم م تهبشو البت دي و دنيا كل م يتكلم تزيد البكا دخلت الغرفه و قفلتها علي،،،عدت الايام وحمدلله في يوم كان ح يكون فيهو نتائج دان مشينا و احنا منتظرين النتائج الاستاذه كانت بتتكلم محتواء كلامها كان لما بدت تزيع النتائج"عندنا طلاب موهوبين م شاء الله مواهبهم متعدده لكن سبحان الله عندنا طالبتنا موهوبه و مجتهده الاولى و حايزه على اعلى درجه في الصف و ربنا يحفظها هي دان نذار عبدالله المختار طلعت وشالت النتيجه كل الاساتذه كانو بيمدحو فيها نفس الاستاذه قالت الرجاء من احد اولوا امر الطالبه دان ان يشرفنا قلت لي نذار امشي حبيبي مشا وكرموهو يعني بالجد كنا فخورين بيها بعد النتائج خلصت المدير قال"زي م عارفين بيكون مكافئات للموهوبين و الاوئل و بتنا دان حازت بي المرتبه الاولى على الصف و حتى انها موهوبه وعندها مواهب عديده زي م قالت استاذه اسماء احنا دائماً في كل سنه تلاته من طلابنا في المدرسه بيكون عندهم رحله علميه بالمجان لي إيدنبرغ في اسكوتلندا وكل طالب بيصتحب معاهو واحد من افراد عالتهم لازم يكون بالغ عمر ال 18 فما فوق و طالبتنا دان ح تكون وحده من التلات طلاب،،،،يعني احنا بالجد كنا فخورين بيها لابعد حد قلت لي نذار انت ال ح تمشي معاها لاني اصلا ح اقعد مع اولادك الكرهوني ديل بالبدايه كان بيقول لي امشي انتِ لكن اقتنع و سافر معاها احنا قعدنا في بيت خالتي نذار كان بيحزرني كتير م اضرب دنيا في يوم اتصل علي مكالمه فيديو دنيا كانت بتبكي لبعتها جاط فيني لما اتخلعت قلت ليهو ح اضربها ح تجي طاير يعني؟اها تاني ح اضربها قال لي كويس ي خنساء انتِ قايله تاني م ح ارجع؟؟كم يوم و ح ارجع كويس كويس ضحكت وقلت ليهو بتك ح تتكفت في الكم يوم قبل نكمل السيره دي داني اتشاكل معاها قال لي ياخ ح تقتلو بتي انتو بالحال دي اديني امك سريع اديني امك اتفاهم معاها قلت ليهو ابيت عايز يعصب ويجوط قفلت الخط في وشو
اقتباسه:
كان بالنسبه لي كل حاجه يعني وقت احتاجو يكون صاحب لي بيكون صاحب وقت عايزاهو يكون حبيبي لي م بيقصر ابداً و بيخليني افتخر اني بحبو كان بيقول لي بتي و فعلاً انا كنت معتبراهو اب لي كان بيحتويني دائماً وبيشاركني كل اللحظات الحلو و العكس برضوا❤️م حصل يوم اتجاوز زعلي وفكرة انو عرسني بالغصب دي انا لحد الان بحمد الله عليها 😂😂❤️❤️❤️❤️عرسي البيحبك وبيحاول كتير عشان تكوني حلالو❤️
مرتي دي هي صح ممله و نكديه شويه لكن بحبها❤️شافعه ومهما كبرت ح تفضل شافعه دائماً بقول عنها انها رغبتي من اول يوم شفتها لحد الان م حصل حاولت اتخلى عن رغبتي صح حاولت معاها و رفضت وجازفت عشان لكن بالنهايه حمدلله هي بقت حلالي و ام اولادي❤️❤️
النهايه. ❤️
طيب وبكده ح اكون حمدلله خلصت رواية ذات نبذه و شكراً شديد لكل الناس الدعمتني بالذات لمياء ياسر حسين❤️❤️دائماً الدعم بيكون من اقرب الناس لينا فعلاً كان الدعم من اقرب وحده قريبه من قلبي و هي لمياء شكراً بالجد❤️هي الوحيده الكانت بتقرا روايتي و لو م هي متاكده م كنت ح اكمل الروايه للنهايه❤️
الله يوفقك دائما و يحفظك❤️
