م كان في زول بيتكلم كنت بعاين ليهو م كان متغير،،دخلو جوه دخلت المطبخ م كنت قادره اصدق ولا استوعب الحصل سويت العصير وجيت طالع،،،قعدت معاهم واصلا امي م كانت قاعده م كان في زول بيتكلم بعد مسافه قال لي كيفك؟قلت ليهو بخير حمدلله،،،عاين لي داني وقال لي ليه م كلمتيني؟قلت ليهو و انت اديتني فرصه؟م رد وسكت تاني قال لي دان وين؟قلت ليها في المدرسه ابتسم وقال كبرت وقال لي و هو م دخل الروضه لسه؟قلت في نفسي غريب عننا لي درجه بيقول هو💔قلت ليهو وانا بتبسم لا في الروضه لكن الترحيل فاتو،،،كان بيهاين لي وكل م ارفع راسي بسوي م منتبه،،،قال لي اسمو منو؟قلت لي داني يلا حبيبي قول انت اسمك منو؟قال ليهو داني نذار ختم العوض وضحك ضحكت معاهو وقلت ليهو جادين العوض كم مره قلت ليك م تقول كده ده م اسمك نذار ضحك وحتى امو قلت متعود يقول جادين العوض في بيت خالتي في راجل كبير بيقعد في الشارع كل يوم بالعصر يعني هو بيعرفو شديد اسمو كده من الوقت داك معلق في الاسم تاني ضحكو بعد مسافه قال ليهو تعال ي بطل داني عاين لي قلت ليهو امشي مشا عليهو رفعو وقعدو فوقو فجاه تلفوني اتصل نزل منو وجرا يجيبو لي جابو كان بتاع الترحيل اتصل علي عشان يسالني اذا دان وصلت قلت ليهو لا م جات قبل اكمل كلامي الجرس ضرب مشيت فتحتو كانت دان سلمت علي و بقت تنادي على امي وبتقول حبوبه قلت ليها م قاعده طلعت قالت لي شوفي ادوني هدايه لاني جبت اعلى درجه في الامتحان داني قال ليها كدي اشوف قلت ليهو ي بليد انت وضحكت نذار كان بيعاين ليها حتى عيونو كانت محمره لما ركز اني بعاين ليهو نزل راسو قلت لي دان سلمي على الضيوف ي دان سلمت عليهم و طوالي دخلت ام نذار قالت لي داني تعالي لي حبوبتك ي ولد قال ليها حبوبه م قاعده قالت ليهو انا حبوبتك تعال مشا وكانت بتبوس فيهو وبتقول سبحان الله بيشبه نذار شديد،،،،،نذار قال لي خنساء قلت ليهو نعم قال لي انا بعتذر والله و...قبل يكمل كلامو قلت ليهو لا مف مشكله اتعودت بدونك و عايزه اقول ليك اذا قلت عايز ولدك معليش ي نذار م عندك ولد عندي الا وقت اموت و هسي م عايزه منك غير تطلقني،،،رفع راسو عاين لي وبعد مسافه قال لي ديل اولادي قلت ليهو ماف زول عندو اولاد بيختفي بي الطريقه دي ي نذار طيب ولدك عمرو خمسه سنين حصل عرفت انك عندك ولد؟طيب حصل سالت مننا؟م حصل ي نذار و هسي م حصل شي بس طلقني وخلاص،،،،كنت عايزاهو يحاول عشاني وانا بعرف انو ح يحاول💔نزل راسو في الارض وضغط على عيونو بي يدو و قال لي حصل خير ي خنساء و قام وامو قامت وبتقول لي ي بتي فكري م رديت عليها طلعو وانا بعاين لي نذار وبقول يمكن يحاول ح يحاول اكيد طلعو💔قلت م ح ازعل عشانو لاني خلاص كفايه لحد هنا كفايه وانا اصلا متعوده💔بعد ربع ساعه الجرس ضرب مشيت فتحتو كان نذار م اتكلمت ولا كلمه قال لي ممكن تديني فرصه؟قلت في نفسي اصلا تاني مافي فرصه في حياتي اخر فرصه ح تكون دي و حضنتو وانا ببكي قلت ليهو طيب ي نذار طيب حضني وكان بيبوسني في راسي وبيقول لي اسف والله اسف قلت ليهو م مشكله خلاص،،،،امي جات وكان قاعد معانا سلمت عليهو وقعدت اتونست معاهو بالنهايه قالت ليهو والله معليش ي ولدي لو كنت عارفاك قاعد م كنت جيت قال ليها لالا ياخ مافي مشكله البيت بيتك ياخ قالت لي ح امشي عند خالتك اليومين ديل عايزه اتكلم قال ليها لالا والله م بتمشي ي خالتو قبل يكمل كلامو قالت ليهو لالا اصلاً كنا ح نمشي انا وبتي و ولادها لكن طالما جيت ح امشي براي والله م عشان جيت وكده اصلا كنت عايزه امشي ليهم قال ليها ي خالتو لو متحسسه عشاني بطلع انا م تطلعي انتِ عاينت ليهو قلت ليها امي اقعدي م مشكله قالت لي لالا بمشي عند اميمه بس ي ولدي لو م تعبتك معاي بس وصلني قال لي اتكلمي معاها ي خنساء ي خالتو والله البيت بيتك اقعدي قالت لي لالا والله ي ولدي بس وصلني وافق دخلت الغرفه قال لي ح تمشي عشان جيت قلت ليهو ح ترجع بعد فتره اكيد ان شاء الله واحنا بنتكلم امي جات طالعه من الغرفه طلعو الاتنين وانا كنت منتظره نذار يرجع،،،،رجع و كان الوقت قريب للمغرب و كان ظاهر عليهو مرهق شويه قلت ليهو ادخل ارتاح في الغرفه قال لي طيب دخل وانا بعد مسافه كده شلت ليهو مويه ودخلت الغرفه لما دخلت هو كان طالع من الحمام اديتو المويه وعايزه اطلع مسكني قال لي مشتاقين حضني وهو بيقول مشتاق ليك ي خنساء قلت ليهو حتى انا كان حاضني شديد و ساكت،،،قلت ليهو نذار انا نعسانه عايزه انوم قال لي لسه بتنومي من بدري كده؟قل ليهو مف شي اتغير رقدت نمت و حتى هو رقد كنت ببكي لاحظ اني ببكي قال لي خنساء انتِ بتبكي؟ م رديت عليهو قال لي قبلي علي طيب م رديت برضو قال لي خلاص حقك علي م بعيدها تاني قبلت عليهو حضنتو وقلت م تعيدها عشان اولادنا طيب ي نذار قال لي حاضر م تبكي انتِ طيب قلت ليهو مرتك وين؟قال لي بي برود طلقتها لي فتره قلت ليهو م عندك منها اولاد؟سكت مسافه وقال م بتنجب اطفال و امي كانت مصره ارجع ليك وكانت بتقول عايزه تشوف اولادي قبل تموت و هي زاتها الجبرتني اعرس قلت في نفسي سبحان الله،،،سمعت داني بيبكي طلعت اشوفو حتى نذار طلع معاي كان بيتشاكل مع دان و كمان بيبكي نذار رفعو وقال ليهو انت بتتشاكل وتبكي كمان؟؟قعد في الارض وقال لي دان بتي نستني يعني؟قلت ليهو م نسيتك ي بابا ماما دائماً بتحكي لي عنك وانا عندي صورتك كمان اوريك ليها؟ نذار عاين لي دان مشت غرفتها ورجعت شايله معاها صوره قالت ليهو ده انت قال لي عارفه اني بحبك؟شال داني وكان حاضنو شديد وقال لي اجهزي سريع كده طالعين ومسك دان و عايز يطلع قلت ليهو وين؟قال لي اجهزي بس لبست التوب وطلعت لما ركبت العربيه ضحك وقال لي لسه شافعه ولما اقول ليك اجهزي بتلبسي اقرب توب وبتجري قلت ليهو بتك يعني عادي عادي ضحك ومشينا في مطعم نزل وهو رافع داني واحنا وداخلين قال لي الزمن اتغير شديد كانت دان بتكون في محل داني قلت ليهو بالجد اتغير،،،،كان اليوم حلو شديد رجعت اتزكر كل اللحظات الحلوه معاهو وكيف كنا زمان لكن الاختلف اني ممكن في اي لحظه اكون م معاهم كنت شايله هم اني عندي ورم في الراس و م كلمت زول
يتبع.......
