واحنا في الطريق راجعين قلت لي داني اول م نوجع مف سهر ح تنوم طوالي بكره عندك روضه قال لي م ح امشي م ح امشي قلت لي نذار انت كنت بليد زمان يعني؟قال لي والله داني ده ارحم مني انا من المدرسه كنت بشرد عديل كل مره بيشتكوني وابوي لما ارجع بيسالني كنت وين؟ لما اقول في المدرسه ينزل فيني ضرب ضحكت شديد قلت ليهو اي اصلاً طالع بليد فيك حتى داني يوم جهزتو للروضه و كنت تعبانه شويه قلت ليهم ينزلو هو و دان نزلو بعد يمكن نص ساعه الباب دق استغربت منو البيدق الباب و في جرس لما فتحت لقيتو داني قلت اتخلعت وقلت ليهو ليه م مشيت قال لي قلت لي عمو خالد امي عيانه م بمشي عايزه اضرب لي بتاع الترحيل تاني قلت الوقت راح بيكونو وصلو لما سالتو كان وين قال لي مع بتاع البقاله نذار ضحك بصوت عالي وقال لي مفتح كمان عشان م يرجع يسوقو انتظر شويه و رجع البيت قلت ليهو طالع فيك لكن م اظن بيقا دكتور قال لي انا بقيت دكتور بي سبب ابوي والله دخلني بالقروش ح تصدقي لو قلت ليك في الشهاده جبت 52 بس قلت ليهو لالا انت م جادي انت بالجد بليد قال لي م بليد والله م كان عندي رغبه بس. قلت ليهو وهسي شغال دكتور وكمان معروف عارف نفسي داني يقرا طب زيك قال لي داني بعيد شويه من الطب لكن ممكن نجيب ولد غيرو يكون احسن شويه قلت ليهو هو في وقت يعني؟م انتبهت وقلت كده استغرب وقال لي كيف يعني؟قلت ليهو لا مف شي داني قال لي ي ماما انا بكره م بمشي حاضر؟قلت ليهو لاا قال لي فالحه ي ماما فالحه خليني معاكِ دان ح تمشي وانا ح اقعد قلت ليهو شوف ي حلو ح تمشي و ح تجي راجع من المدرسه ح يكون اي شي ملحوق طيب حبيبي؟ قال لي م ماشي قلت ليهو يعني حتى لما اتكلم معاك بي ادب ح تعاند؟قال لي م تقولي ليهو بليد وتفرقي بيهم قال ليهو تعال ي بابا و رفعو فوقو هو وسايق قال ليهو ح تكون شاطر و ح تقرا طب زي م عايزه ماما طيب؟بعد قال كده قبلت على جهة الشباك وقالت ي ريت لو بقدر اعيش لحد اشوفو بيقرا طب كنت بتمنى اموت في كل ثانيه لكن وقت اديت نفسي فرصه ربنا م عايز يديني فرصه دموعي نزلت مسحتها وانا بقول في نفسي ربنا كريم كويس انو نذار رجع عادي اموت وانا م شايله هم وصلنا البيت حاولت اتجاوز نذار عشان م يركز اني كنت ببكي دخلت الحمام غسلت وشي وانا وطالعه نذار كان داخل الغرفه قبلت منو على الجها التانيه قال لي في شنو ي خنساء؟مالك انتِ بتبكي ليه؟قربت عليهو ومسكت يدو وقلت مف شي قال لي لكن انا م حاسي كده اكيد في شي لاحظت ليك انك بتكوني عاديه وفجاه بتتغيري حاصل شي حبيبي؟حضنتو وانا ببكي وقلت ليهو لا ي نذار مف شي كنت ببكي حتى بي صوت اتخلع وقال لي تعالي اقعدي كدي قعدت مسك يدي وقال لي مالك ياخ م تخوفيني عليك في حاجه؟؟رقدت في رجولو وقلت ليهو لا ماف بس مشتاقه ليك ي نذار مشتاقه ليك شديد قال لي خلاص م تبكي ي خنساء انا جمبك و ح اكون جمبك دائما بس بطلي تبكي كان بيحرك يدو في شعري لحد نمت الصباح صحيت متاخره كان في ورقه في السرير رفعتها كان مكتوب "ي قمر "ابتسمت وانا قاعده سرحانه في نص السرير نذار جاء داخل وم انتبهت فجاه سمعتو بيقول لي ابتسامتك حلوه اتذكرت داني عايزه اقوم قال لي داني بيكون هسي في الروضه قلت ليهو راجلي السمح ده،،،،واحنا وكنا قاعدين بنتونس قلت ليهو نذار مش متفقين تعلمني الرسم؟قال لي اي قلت ليهو خلاص هسي ارح نرسم قال لي طيب مشينا رفعني قعدني و وقف بي وراي وكان قريب مني قال لي اول شي ح اشوف كيف رسمك و ح اساعدك شويه وبعدها نتعلم تمام؟قلت ليهو طيب ح ارسم شنو؟قال لي اي شي نفسك ترسميهو قلت ليهو م نفسي في شي لكن فتح التلفون بتاعو كان في صوره ختا التلفون وقال لي ركزي وارسمي وانا برسم قلت ليهو حبيبي قال لي نعم قلت ليهو خليها زكرى حتى بعد اموت اتزكرني بيها طيب؟قلع مني فرشه الرسم وجاء قدامي حضني شديد و هو بيقول م ح تموتي و تخليني براي في يوم لاني م بقدر اعيش من غيرك ي خنساء والله م بقدر انتِ رغبتي خليكِ معاي حضنتو وانا عايزه ابكي حتى صوتي اتغير وانا بحاول اني م ابكي قلت ليهو كلنا بنفقد و ح نفقد ي نذار قال لي م ح اسمح افقدك قلت ليهو مآمن بالقضاء والقدر ؟قال لي ونعم بالله قلت ليهو كل شي مقدر و مكتوب قال لي م تخليني و كان حاضني شديد دموعي نزلت وانا بقول ليهو حاضر شافني ببكي مسخ دموعي وقال لي مالك انتِ ياخ؟حسيتو شويه و ح يبكي قلت ليهو لالا مافي شي باس راسي قال لي خنساء لو في شي كلميني عليك الله بكى ايوه كان بيبكي مسحت دموعو وانا بقول ليهو شوف ي نذار انا بحبك شديد طيب؟و حضنتو علي وانا بقول انا لو م معاك ح اكون معاك انا بحبك،،،،بعد كم يوم م كان في زول غيري في البيت نذار طلع قال ح يمشي ويجي لكن مشا وين م بعرف دان مشت المدرسه و داني مشا الروضه تعبت شديد كنت بصلي و بعدها رقدت في المصليه و م قدرت اقوم بعدها سمعت صوت نذار و هو بيقول لي خنساء مالك؟رفعني وداني العربيه كان ماشي على المستشفى واحنا و في الطريق قلت ليهو نذار انا عندي ورم في الراس و دي اخر ايام لي كنت بتكلم بالشده وقف العربيه بي سرعه وهو بيقول لي كيف كيف يعني؟م كلمتيني ليه؟وهو بيتكلم دموعو نزلت مسحت دموعو و قلت ليهو نذار انا اذا متت اولادنا في امانتك انت م تخليهم يحتاجو لي في يوم كون ليهم ام و اب قال لي م بقدر انا ي خنساء انا عاجز من غيرك م كنت قادره اتكلم و راسي بيوجعني شديد كان بيتكلم و م سامعه منو شي مشينا المستشفى كانت راقده وهو واقف وبيعاين لي جاء دكتور داخل قال لي نذار اووو حبيبنا شنو مختفي الفتره دي كلها نذار سلم عليهو وقال ليهو ممكن تشرح لي بالتفصيل مرتي حاصل ليها شنو؟جات قبل كده هي هنا صح؟قال ليهو اي جات قبل كم شهر تقريبا طلع عندها ورم في الراس و زي م انت عارف الورم بيكون نتيجه لي سرطان حاصل ليها مسبقاً يعني السرطان بينتشر و بيوصل الدماغ وبيحصل ورم احياناً و هي للاسف عندها سرطان في الكلى و السرطان انتشر و حصل الورم في الدماغ اذا كانت جات من بدري ممكن اقول كان ممكن تتعالج هي جات متاخره وحتى بعد جات اتصلت عليك لكن تلفونك م بيدخل معاي كنت بتصل عشان اقول ليك ضروري تسفرها بره السودان حاولت اوصل ليك كتير م قدرت والله بالنهايه قال ليهو قدر الله و م شاء فعل قضاء وقدر ي اخوي و طلع نذار جاء قعد جنبي وكان مسك يدي بكل قوتو وبيقول ح تكوني معاي صح؟م تخليني ي خنساء قلت ليهو نذار انا خايفه على اولادي انا كنت يتيمه طول عمري و اتعذبت كتير خليك معاهم م تخليهم الله يخليك حتى اذا انا متت ح اكون معاك دائماً قال لي لا م ح تموتي ح نسافر و ح تتعالجي ي خنساء قلت ليهو انا عارفه دي اخر ايام ح اعيشها معاكم م عايزه اموت وانا بعيده منكم قال لي م اخر ايام ي خنساء وكان بيبكي قلت ليهو صح انت دكتور؟اكيد ح تكون عارف المرض انتشر خلاص ح نحاول على الفاضي كان بيبكي،،،،قلت ليهو تتزكر لما قلت لي دان ح اخليك و زعلت؟ضحكت وقلت ليهو كانت صغيره ي نذار انا خايفه عليهم دائماً كنت بتمنى اموت انا بعد لقيت اسباب اعيش عشانها و منهم انت واولادي لكن للاسف💔م كان بيتكلم معاي بس ماسك يدي وبيبكي قلت ليهو انا م زعلانه على شي اكتر من اني ضيعت خمسه سنين وانا بعيده منك،،،كتير بتقول لي ي قمر كل يوم خاطرني بليل،،،كان بيبكي قلت ليهو م تبكي انا لسه معاك و عايشه م تبكي ياخ م كان بيرد قلت ليهو جيب لي اولادي ي نذار💔
يتبع......
