م حاولت اعترض لانو المواصلات زحمه شديد،،طول الطريق وانا ببكي دان كانت نايمه،،،م كنت قادره اشيل مسؤليتها براي كنت خايفه تكبر وتسال من ابوها وقتها ح اقول ليها شنو،،، لما قربنا على البيت قلت ليهو ينزلنا قال لي وين البيت قلت ليهو انت مالك وين البيت نزلنا هنا بس م رد على وقف العربيه عايزه انزل الباب م فتح قلت ليهو على اساس ناقصاك قال لي ي بت الحلال وصفي البيت بوصلك لحد البيت وصفت البيت ووصلنا لحد البيت وطوالي دخلت البيت و م قلت ولا شي،،،
كنت منتظرها لحد جات وكانت معاها بت قلت معقول تكون معرسه،،،زعلت شديد،،،كانت معاها بت وانا ومركز معاها خلت البت وركبت المواصلات البت كانت واقفه ومعاها بت تانيه كبيره عايز اشيلها بقت تحقق معاي لحد قلت ليها انا ابوها حتى خلتني اشيلها،،مشيت بيها على العربيه وقعدتها فوقي نامت في اقل من خمسه دقايق طلعتا ليها الاسبورت بعد ربع ساعه كده فجاءه في زول قلعها مني لما رفعتا راسي لقيتها نفس البت كانت بتبكي اتاكدتا انها بتها وصلتهم البيت بعد نزلتهم شفتا الاسبورت بتاع الشافعه قاعد معاي رجعتا بيتهم دقيت الباب فتحت لي بت تانيه وكانت شايله نفس الشافعه قلتا ليها ده الاسبورت بتاعها بعد م كنت عايز امشي وهي عايزه تقفل الباب قلت ليها لو سمحتي قلت لي نعم قلت ليها بتعرفي البت الكانت مع الشافعه دي اكيد قلت لي ايوه بت خالتي قلت ليها عايز رقمها قالت لي م عندها تلفون قلت ليها طيب عايز اتواصل معاها ممكن تديني رقمك لحد اتصرف؟قالت لي بديك الرقم لاكن والله البت دي م اظن تحاول تتكلم معاك لانها حصلت ليها مشاكل كتير قلت ليها كيف قالت لي الشافعه دي بتها وابوها مف ليهو خبر وامها وابوها متوفيين يعني بالمختصر ح ترفضك لاكن كدي حاول وانا بحاول معاك،،،شلت رقمها وقلت ليها تسلمي ومشيت..
كنت عاجزه شديد م كنت قادره استحمل العزاب ده كلو م كنت قادره اربيها براي للحظه فكرتا في حسين وقلت طيب مات ولا عايش وبقيت بقول كيف م فكرتا فيهو طول الفتره الفاتت وهو ابو بتي،،، مشيت لي لمياء وقلت ليها عايزه اتصل لي خالتي قالت لي كويس واتصلت وادتني التلفون ردت واتكلمت معاها سالتها عن حالها وكده،،وبعدها قلت ليها خالتو حسين كيف؟سكتت مسافه وقالت لي ده شنو السؤال ده قلت ليها ده بالنهايه راجلي لمياء بقت تعاين لي مخلوعه وخالتي شاكلتني وبالنهايه قالت لي راجل شنو وهو مات في السجن لما قالت مات عاينتا لي دان واديت التلفون لي لمياء،،،،حضنتا دان وقلت حاولت م اخليك تعيشي شعور الفقد زيي لاكن م بيدي شي ابوك مات💔حاولت م اضعف عشان ح اكون الام والابو ليها،،في الصباح مشيت الجامعه بعد خلصت ووقفت في المواصلات،،،،جات عربيه وقفت قدامي كان راجل كبير قال لي ماشه على وين ي بتي وصفت ليها محل ساكنه قال لي انا زاتي ماشي على هناك اركبي بوصلك،،قلت ليهو لا مف داعي بمشي براي قال لي يلا اركبي ونزل فتح لي الباب استغربت ده شنو وحاصل شنو،،،ركبتا معاهو وطول الطريق وهو بيتكلم وانا بختصرو وصلنا البيت دخلتا وانا مستغربه ده مالو بليل كده قلت لي لمياء انا عايزه شغل يخ قالت لي صحبتي كانت بتقول لي اشتغل معاها في كافيه لاكن انا الفكره م دخلت في راسي قلت ليها طيب انا ممكن اشتغل قالت لي لحظه اسالها لو بالمساء واتصلت وفعلا طلع بالمساء وقالت لي ممكن تداومي من بكره وفعلاً اليوم التاني خلصتا المحاضرات ومشيت الكافيه وهم شغلهم بيلبسو تيشيرتات وبناطلين لبست زيهم ولميت شعري لي فوق وبديت اشتغل في الكافيه بيجو الحبش كتار وكل مره بيكونو قايلني حبشيه وبينقنقو بي لغتهم وانا اصلا م بكون فاهمه شي،،،،الشغل كان كويس شديد معاي بي النسبه لي الزمن
كانت منتظره المواصلات وانا م قدرت اشوفها وهي منتظره وتعبانه كده ف اتصلتا على ابوي وفعلاً جاء ساقها علاقتي مع ابوي كويسه شديد هو كانو صحبي م ابوي لانو انا الوحيد القاري طب زيو من بين اخواني،،،في اليوم التاني كنت منتظرها مكان المواصلات و م شفت ليها اثر اتصلت على الرقم الشلتو من البت ردت وقالت لي هي بدت دوام في كافيه زعلت شديد واخلقي ضاقت،،،قلت ليها توصف لي المكان وصفت لي مشيت لقيت في اولاد بيقلو ادب معاها ده اكتر شي ضايقني مشيت وضربتهم وضربوني في يدي بالسكين وكانو شايلين بنقو قلت ليهم كمان بالبنقو جايين طلعت تلفوني على اساس اني تبع مكافحة المخدرات الاولاد جرو حتى خنساء جاريه مسكتها من يدها ومشيت ركبتها العربيه لاني عارفه ده كلو خوف
اشتغلت كاشير في الكافيه كان في اولاد مشيت عشان اشوف طلباتهم شنو كانو بيقولو كلام كعب م كنت شغاله بيهم بس واقفه ساي فجاة جاء زول بيجوط حصل مشاكل بالنهايه الاولاد جرو وانا اصلا م فاهمه شي جريت معاهم الزول العمل مشاكل مسكني من بينهم كلهم وانا كنت ببكي وبقول ليهو انا م معاهم ركبني العربيه انا قلت معناها خلاص ح يسجني،،،،ركبتا العربيه وانا برجف مشا جاب عبايتي وحاجاتي من الكافيه وجاء قال لي انا من ناس مكافحة المخدرات عارفه ممكن اسجنك؟اصلا انتي البيخليك تشتغلي هنا شنو وكان بيعلي صوتو وانا خايفه شديد كنت ببكي وكل م اقول ليهو وقف العربيه انا م معاهم بيسوق بي سرعه اكتر وصلني البيت قلت ليهو من وين بتعرف بيتنا م رد مده لي تلفون قال لي ده تلفون وفيهو شريحه اتصل عليك م تردي م بيحصل خير من الخوف شلت التلفون وطوالي نزلتا وقفلت باب العربيه شديد وجريت على البيت
يتبع......
