سلمت عليها وانا ببكي،،،م كنت عارفاها عيانه للدرجه دي بس كنت بعرف انها عيانه وخلاص لكن عندها شنو وحالتها كيف م بعرف سالت اخواتي عندها شنو قالو م مشينا الدكتور لانو م عندنا قروش💔اديتهم قروش وقلت ليهم دي مصاريف ليكم وبكره ان شاء الله بنمشي المستشفى،،الليل م نمت وانا بفكر فيهم،،،بالليل كده كنت راقده في الحوش وبعاين للسماء والنجوم كتيرهه والجو حلو كان التلفون جنبي وانا اصلا م متزكراهو لان دان بتكون شايلهو اغلب الوقت ودان نامت وخلتو وانا م بين ثاحيه ونايمه التلفون ضرب بالاول م رديت لان الرقم غريب تاني ضرب رديت م كان في زول بيتكلم تاني قلت خير؟برضو مف زول رد قفلت الخط تاني ضرب فتحت الخط لكن م اتكلمت والمتصل ساكت بعد اكتر من 3 دقائق في زول قال خنساء؟كنت نعسانه وقلت ايوه نعم منو معاي؟؟قال لي عادي تديني خمسه دقايق اتكلم و الله يخليكِ م تقفلي الخط قفلت الخط قبل يتم كلامو لان اصلاً انا م عارفه ده منو ولا عايزه اعرف،،،
انا عايز بت خالتك دي ياخ لكن م قادر اوصل ليها ولا بي اي طريقه ي بت الناس بتقدري تساعديني؟؟قالت لي والله هي صعبه لكن تعال ادخل لي امي ونتفاهم جوه احسن من اكون راكبه معاك في العربيه كده والناس تتفرج نزلت معاها ودخلت بيتهم سلمت على امها وقالت لي اتفضل اقعد ي ولدي البت دخلت جوه وامها معاها وجو طالعين بعد ربع ساعه تقريبا قالت ليها ي خاله والله م عايز اضيع من وقتي ووقتك بس انا قريبتكم دي باقي عليها و م عايز غيرها لكن هيم مدياني وش و دائماً صاداني امس بالليل اتصلت عليها كنت عايز اتفاهم معاها في موضوع اني اعقد عليها لاني فكرت انو هي بتكون قايلاني زول لعب وطايش ساي لكن قفلت الخط في وشي قبل م تعرف منو المتصل زاتو،،خالتها قالت لي والله ي ولدي البت دي عنيده و م اظن تقتنع الا بس بالجبر تعرسها لو م جبرنها عليك بالغصب م بتعرس لكن ي ولدي انا كيفن اضمنك؟؟لا بعرف اصلك ولا فصلك وعلى العليك جاي براك تقول لي داير قريبتكم انا البت دي م بديك ليها الا تجي وجايب معاك رجال عديل،،،قلت ليها والله كلامك صاح و اي شي لكن انا م كنت خاتي فكرة اني ادخل عليك و كده انا بس جيت عشان اتفاهم من بتك وتتكلم معاها لكن طالما فيها رجال بيجيبهم بس انتي حددي متين وانا بجيبهم قالت لي الجمعه الجاي دي تعال قلت ليها ان شاء الله وطلعت منهم اتصلت على ابوي رد قلت ليهو الوالد كيفك ياخ؟قال لي تمام شنو طافش من البيت ليك اسبوعين وين انت ياخ قلت ليهو مشغوليات بس. وين انت عايزك في موضوع قال لي انا قريب على البيت انت قاعد في البيت؟؟قلت ليهو لالا لكن جاي عليك قفلت منو ومشيت البيت لقيتهم قاعدين في الهول هو وامي سلمت عليهم وقعدت وبديت كلامي قلت لي امي ي الوالده شايفك من زمان بتسعي تعرسي لي وهسي انا خلاص قررت اعرس واستقر و ي ابوي الجمعه الجايه دي ح تمشي معاي انت ومهند اخوي وعمي صبري لي بيت البت وانا باقي عليها ابوي قال لي ابشر تبب م عندك اي عوجه نمشي طوالي وبكلم باقي اعمامك كمان يمشو قلت ليهو والله كيفك بس لكن انا اديتك خلفيه عن الموضوع وانت بعد كده اتصرق امي كانت مصدمه وبقت تقول لي انت ي ولد عايز تسود وشي مع الناس؟؟وخطيبتك دي نعمل ليها شنو؟؟واهلها؟قلت ليها يلا الكلام ده ياهو ال م بينفع معاي انا البت دي زمان قلت ليها ننفصل و انفصلنا وهي عارفه لكن براها لايوقه وانا ممشيها على اساس وحده من بنات معارفك م اكتر لكن فكره انها خطيبتي وتكون مرتي وام عيالي ده موضوع واتقفل كانت بتجوط وتقول انت عايز تقتلني صح؟؟عايز تجيب اجلي؟م اشتغلت بيها وطلعت من البيت مشيت شقتي كنت عايز اتصل عليها واقول ليها بالحاصل لكن اتزكرت كلام خالتها لما قالت الا نجبرها عليك فكرت وقلت ليه اكون اناني كده ليه الا بالجبر يعني؟؟تاني بقول الزوله دي عنيده وانا م عايز غيرها و ان شاء الله كلو خير
