بعدها نمت لما صحيت كانت الساعه 9 استحميت وطلعت من الغرفه مشيت على غرفة دان م كانت قاعده مشيت غرفة نذار برضوا م كان قاعد قلت ح يكونو في المطبخ يمكن مشيت برضوا م لقيت زول عايزه امشي اشيل التلفون عشان اتصل عليهو جرس الباب ضرب مشيت سريع فتحت افتكرتو نذار قلت وين انت من قبيل.... م كان نذار كانت مره كبيره لكن م كبيره شديد و معاها بت في العمر بتكون زيي كده كانت حامل قالت لي نذار وين؟؟الزول ده لي اسبوعين بفتش فيهو قلت في نفسي سجمنا بتفتش فيهو مالا؟؟قلت ليها والله طلع من الصباح حتى انا هسي م لقيتو قالت لي ي حلوه م في اتفضلوا؟و ضحكت قالت ليها لا معليش والله نسيت اتفضلوا ادخلوا،،،،دخلوا ومشيت جبت ليهم مويه م كنت عارفه عارفه في البيت شي،،لما جيت قعدت معاهم قالت لي والله جينا عشان نديهو قروش الإجار بفتش فيهو لي زمن م قاعد في شقتو المره الكبيره قالت لي م شاء الله يا بتي شكلك عروس جديده انتِ مرتو؟؟قلت ليها ايوه قالت لي عاد ماشاء الله تبارك الرحمن ماشاء الله وزغرتت نذار ده والله زول طيب ويستاهل والله،،لكن ابداً م كلمنا انو ح يعرس لو كان كلمنا كان قمنا بالواجب❤️قلت ليها والله اي شي حصل بي سرعة لكن في الجايات الخير ان شاء الله قالت لي ان شاء الله انتِ من اهلو ي بتي؟؟قلت ليها لالا فجاة الباب فتح كان نذار وشايل دان ومعاهو اكياس في يدو اول م دخل قال السلام عليكم اووو خالتو خديجه كيفك؟وين الغيبه ياخي قالت ليهو والله يا ولدي عليك لوم كيف م تعزمنا على عرسك قال ليها والله يا خالتو اي شي حصل في غمضة عين والله كنتو في بالي لكن نسيت ياخ اعفو لي بالله قالت ليهو م مشكله يا ولدي حصل خير عاينت لي دان وتاني عاينت لي،،،ابداً م حاولت اتحسس في قصة اني عندي بت ومعرسه انا بتي بالنسبه لي راجل وام وابو واخو وصاحب وصحبه و اي شي نظرات الناس وكلامهم عني انا و بتي م كنت خاته ليهم ولا فرغه صغيره في عقلي اني افكر فيهم ولا في كلامهم،،،كانت بتعاين لي بي استغرب كانها عايزه تسال و م قادره كنت بطقطق اصابعي وبعاين في الارض رفعت راسي لقيت نذار بيعاين لي البت المعاها قالت لي نذار واحنا م بيسلمو علينا ولا شنو ضحك وقال ليها ندى م انتيهت والله كيفك وكيف العيال و امجد؟قالت ليهو كلهم بخير حمدلله وامجد كم يوم بيفتش عليك انت مختفي مره واحده،،،،كانو بيتكلمو وانا بس بعاين ليهم حتى اذا اتكلموا معاي كنت بس بتبسم،،،،طلعت قروش من شنطتها وقالت ليهو ده ايجار شهرين ي نذار شال القروش منها و اتجه علي مسك يدي وختا فيها القروش قلت ليهو لالا انا م محتاجه والله م اتكلم معاي وقال والله يا خالتو خديجه الشوق ياخ يوم بنجيكم سوي لينا عصيده كده ظابطهه زي البتجيبها لي اتفقنا؟؟قالت ليهو تشرفو في اي وقت بعدها طلعوا وصلتهم انا لما مشينا جنب الباب المره قالت لي والله يا بتي سعد حظك بي راجل زي نذار و اسالك عايزه تتكلم تها قالت ليها امي يلا ح نتاخر ياخ وسلمت علي وقالت زورينا كمان يا حلوه ومشوا كنت عارفها ح تسال من شنو وابداً م اتحسست و دان م شي ممكن اتحسس منو،
دخلت لقيت نذار في المطبخ قلت ليهو نذار انا م محتاجه لي قروش والله و...قبل اكمل كلامي مسك يدي وقال لي انتو بقيتو مسؤليتي ممكن م تعامليني كاني غريب وتخليني اسوي الواجب ال مفروض اعملو كونو انا راجلك وابو دان؟؟سكتت قال لي يلا الفطور قلت ليهو برضوا جاهز؟؟على فكره انا بعرف اسوي اكل وكمان بعرف اسوي عصيده ضحك شديد ولف يدو حولي وقال انا بعرف انك بتعرفي تسوي وبعرف اني عرست مره وست الكل وبعرف اني محظوظ بكِ شديد لكن م صح اخليك عروس جديده وتشتغلي م تكوني مفتكره اني بدلع فيك و مخليك مرتاح و ح تفضلي مرتاح طول الوقت لالا ياخ فتره بسيطه بس وضحك قلت ليهو بعدين انا اصلاً م محتاجه تدلعني ي حلو انت قلت كده عشان م بحب اكل من بره لاني م بضمن م رد بس كان بيعاين لي بيتبسم دان جات وهو لسه لافي يدو حولي قالت انا جعانه ي خنساء قلت ليهو يلا الاكل خلاص قال لي جعانه صح؟؟قلت ليهو يلا قال لي بس انا جعان وعايز اكلك بي حلاتك دي تاني قلت ليهو يلا يلا بدينا ناكل وهو بيعاين لي قال لي يعني هسي انتي بتاكلي؟؟قالت ليهو اكل كيف وانت بتعاين لي يعني قال لي م بقدر م اعاين بي لكن م فرقت باكلك وبعاين ليك قلت ليهو لاا و بدا ياكلني عايزه اكل مسك يدي،،،خلصنا وبعدها بديت اغسل العده وهو كان معاي في المطبخ وكمان دان قال لي عارفه انو الليله ح نطلع؟؟قلت ليهو وين؟قال لي ح تعرفي قريب،،خلصت من غسيل العده وهم كانو طلعو من المطبخ قبل اخلص،،كانو بيحضرو،،،كانت دان فوقو وبيحضرو قعدت احضر معاهم لكن م كنت جنبهم،،فتحت التلفون وانا وبعاين في التلفون قال لي خلي التلفون وتعالي اقعدي هنا رفعت راسي وهو م كان بيعاين لي كان بيعاين للتلفزيون مشيت قعدت جنبو ختيت راسي في كتفو ومسكت يدو باس راسي مسافه كنت في امان شديد وانا جنبو❤️❤️❤️❤️❤️
واحنا وقاعدين تلفونو اتصل كانت امو المتصله بعد عرف انها امو المتصله قفل الخط وعمل التلفون وضع طيران رفعت راسي منو كتفو وقلت ليهو ليه ليه؟؟؟؟؟قال لي م عايز زول يزعجني في وقت زي ده و بالزات وانا معاكم وهسي ح تقول لي تعال و انا م عايز امشي و لو قلت م ح اقدر اجي ح تسوي دراما ف احسن اني م ارد قلت ليهو نذار يوم ح تندم على انك م رديت عليها و ح تتمنى الوقت يرجع وترد م تسوي كده اخد رضاها الام دي نعمه م بتتعوض سكت ماسفه وبعدها قال لي حاضر قلت ليهو و اذا م عايز تتكلم معاها هسي م مشكله لكن لازم و لازم شديد ترجع تتصل عليها طيب؟؟قال لي طيب في حاجه تاني؟؟قلت ليهو اممممم قال لي اها؟قلت ليهو ح نمشي وين؟؟قال لي م ح اوريك قلت ليهو ح توريني غصب ضحك وقال لي شفقانه مالك ح تعرفي بعد شويه كده قلت ليهو يعني ح نطلع بعد شويه؟؟قال لي والله دان الصغيره م شفقانه زيك،،ضحكت وقلت ليهو عادي عادي بعدين هي اصلاً كده م بتتحمس لي شي ولا بتكون شفقانه لي حاجه،،،قال لي بالمناسبه عايز اسالك هي ليه كده؟؟حاولت اتونس معاها كتير لكن نادر م بتتكلم قلت ليهو م اتعودت بس قال لي مع كل الناس كده حتى قبيل لما سقتها معاي لقينا حاج عثمان تحت اتكلم معاها م ادتو وش زاتو هسي الراجل قايلها بكما عديل ضحكت وقلت ليها مالك ي دان؟؟كانت قاعده فوق نذار ومتكله راسها في صدرو قلت ليها م ح تردي صح؟؟؟م ردت قلت ليها طيب ح اخليكِ اذا م رديتي برضوا م ردت لكن كانت الدموع في عيونها وانا م ركزت واحنا وبنحضر طلع منها صوت تنهيد وهي كانت بتبكي م سمع لكن انا سمعت لما شفتها كانت بتبكي قلت ليها دان؟؟مالك ي ماما؟؟؟نذار قال لي مالها؟؟قلت ليهو بتبكي قال لي شنو؟؟رفع راسها قال لي هي من قبيل بتبكي واحنا م شايفنها قام رشايلها معاهو وقال ليها دان مالك في شنو؟؟وكان حاضنها قمت معاهو ومسكت يدها وقلت ليها مالك؟؟زحت يدها مني قلت ليها زعلانه مني؟؟؟م كانت بترد قلت ليهو نذار هي زعلانه عشان قلت ليها ح اخليكِ قال لي لالا ياخ ومشا على الباب قلت ليهو ماشي وين؟؟قال لي ح اسوقها اطلها شويها كده ونرجع قلت ليهو دقيقه انا ماشه معاكم جريت على الغرفه جبت اقرب توب لبستو وطلعت معاهم،،،كانت فوق رجولو وهو سايق كان بيقول ليها ماما معاكِ وانا كمان معاكِ م تزعلي خلاص م تبكي كان بيواسيها بي كل الطريق بالنهايه قال لي بي صوت عالي بالله تاني م تقولي ليها كده دي طفله و ممكن تصدق اي شي يتقال ليها،،،عاينت لي دان و سكتت فجاة وقف العربيه نزل ومعاهو دان وانا في العربيه م نزلت بعد ربع ساعه كده جو راجعين واحنا وراجعين على البيت دان قالت لي خساء شوفي م رديت عليها تاني قالت لي خساء نذار ضحك وقال ليها اسمها خنساء ي بابا م خساء قالت ليهو ي بابا قول ليها تشوف طيب قال لي خنساء م رديت عليهو بعدها سكت وتاني م اتكلم وصلنا البيت قال لي بس صلي العصر و اجهزي عشان طالعين اتفقنا؟قلت ليهو هسي؟؟ضحك وقال لي والله انتي الشافعه م دان اتحمقت شديد دخلت الغرفه صليت بعد خلصت الباب دق فتحتو لقيتو نذار قال لي البسي ديل تمام؟قلت ليهو ديل شنو قال لي ملابس قلت ليهو لكن هنا في ملابس قال لي ديل احسن شلت منو الملابس كان بنطلون جينز لكن واسع وقميص ابيض جهزت و وطلعت لقيتهم منتظرين وكانو لابسين نفس الشي قال لي نمشي؟؟قلت ليهو ايوه طلعنا قال لي والله م نفسي اخليك تطلعي بي بنطلون كده لكن بس وسكت قلت ليهو شنو؟؟م رد سكتت طول الطريق،،،وقف العربيه وقال لي يلا و شال دان ونزل وانا نزلت دخلنا كان مدخل حلو شديد كان في حصين كتيرر م فهمت ليه احنا مشينا المحل ده مسكتو و وقفتو قلت ليهو نذار؟؟؟؟قال لي حبيبي قلت ليهو احنا جينا هنا ليه؟؟قال لي بتعرفي هسي واحنا و ماشين سلم على كم زول بعدها في راجل كان جاي علينا نذار قال ليهو يا نادر وسلم عليهو نادر قال ليهو مبروك ياخ العرس وان شاء الله بيت مال وعيال وسلم علي و على دان وبعدها بقو يتونسو،،،،بعد خلصو مشينا مع نادر مشينا لي ميدان كبير عليهو سياج وجابو الحصين نذار قال لي صح م عملنا شهر عسل و مستحيل اصلا نخلي دان عشان كده جبتكم هنا،،،،رفعني وركبني في الحصان قلت ليهو لالالا انا بخاف ي نذار قال لي امسكي هنا بس م تخافي كنت ماسكاهو من يدو وماسكه الحزام القال لي امسكيهو قلت ليهو نذار راسي بيلف م بقدر قال لي م تخافي ح تتعودي مسكت الحزام بي ايدي الاتنين نذار ركب دان في الحصان وركب هو دان كانت فرحانه شديد وهو كان بيودي حصانو جنب حصانها والحصين بيمشو مع بعض،،،،نزل وجاء علي مسك الحصان و كان سايقو وانا راكبه كميه الفرح الكان جواي م قادره اوصفو❤️❤️❤️اتغدينا ورجعنا البيت كان المغرب اذن نذار دخل غرفتو وانا دخلت غرفتي صليت وبعد خلصت بقيت افكر فيهو واني م لازم اتعامل معاهو بي برود،،،،نمت وزي الساعه 1 كده صحيت وكان صوتي متغير وراسي بيوجعني ،،، خفت لاني م متعوده اني انوم براي مشيت غرفه دان كانت نايمه والغرفه صغيره قلت امشي ليهو لكن كنت متردده بعدها دخلت م كان نايم كان ماسك اللابتوب قلت ليهو انت ليه صاحي لحد الوقت ده قال لي بتكلم مع بنات تصدقي؟وضحك طلعت وقفلت الباب شديد جاء وراي ومسكني قال لي يعني بتغيري؟قلت ليهو زح مني قال لي ابيت لزيتو قلت ليهو معليش لاني ازعجتك ضحك وقرب مني قال لي ياخ بهظر بس شغال م رديت حضنتو وقلت ليهو بي صوت واطي انا خايفه ممكن تخليني معاك؟؟بعد مسافه قال لي خايفه من شنو؟قلت ليهو م متعوده انوم براي قال لي طيب تعالي مشيت معاهو قفل اللابتوب ورقدني في حضنو قال لي ليه صاحيه لحد الوقت ده؟قلت ليهو كنت نايمه وصحيت لاني نمت مصدعه شديد قال لي مصدعه؟طيب قبل تنومي ليه م كلمتيني انك مصدعه؟؟عايز يقوم مسكتو قلت ليهو م تقوم خليك معاي قال لي اجيب ليك مسكن واجي قلت ليهو م عايزه انا قال لي خنساء هسي بجي والله قلت ليهو لا خليك اصلا هسي الصداع ح يروح رجع حضني وقال لي مالك انتي في شنو؟؟الدموع في عيونك ليه؟قلت ليهو نذار انا في الدنيا دي مظلومه شديد ياخ ليه؟؟قال لي طيب احكي لي منو الظلمك لكن وعد بعد تجكي تبطلي تبكي طيب؟ حضنتو شديد قال لي والله م بقدر اشوفك بتبكي لكن عارف اذا حكيتي انتِ وبتبكي ح ترتاحي بديت احكي ليهو وقلت انا امي ماتت وناس كتير بيقولو انتحرت لانها حملت بي بالحرام ي نذار وبكيت بي صوت،،،وقلت م حصل يوم م فكرت فيها انا السبب؟لكن انا زنبي شنو؟؟قال لي كيف الكلام ده؟قلت ليهو بعد ولدتني يمكن م تميت شهرين م ولادتي قالو انتحرت لانو اهلها اتبرو منها،،،وابوي كان بيكرهني شديد يا نذار وانا م عندي ذنب💔💔انا ليه بتعذب كده؟؟حاولت كتير اعمل زيها وانتحر يا نذار حاولت كتير،،م حصل حكيت لي زول عن الحاجه دي كنت كابتها جواي مع اني كنت محتاجه زول احكي ليهو عن الحاجه دي،،،،،طيب هي بتتعذب في قبرها؟ليه انتحرت؟عشان اهلها ولا عشاني انا؟؟؟عارف ابوي كان بيكرهني كيف؟؟لكن هو ليهو حق يكرهني،،،،حتى مرة ابوي بتكرهني حتى اخواني م بيعتبروني اختهم،،،،قبل كده لما ابوي كان عايش سمعت مرة ابوي بتقول لي ابوي بتك الجايبها بالحرام دي ادبها احسن م اكسر رقبتها واموتها،،،اتخيل قالت كده قدام اخواني وقدامي ،،،م كنت عارفه انا بقول في شنو الوقت داك مع اني كنت حريصه اني م احكي الحاجه دي لي زول لكن حكيت لي نذار
نمت وهو كان بيحرك يدو في شعري وبيبوس راسي،،،،الصباح صحيت كنت مصدعه شديدد قمت صليت بعد خلصت لقيتو حتى هو صحى وكان قاعد في السرير وبيعاين لي،،،قال لي انا اسف نزلت راسي في الارض جاء قعد معاي في الارض وقال لي بي صوت مبحوح انا اسف على اي شي حصل ليك،،،انا اسف على الفتره او بي معنى ادق على حياتك الفاتت،،انتي ابداً م عندك ذنب على البيحصل يا خنساء م عندك ذنب ولا ح يكون عندك ذنب،،،،مرة ابوكِ ربنا ح يتولها بي طريقتو على اي شي عملتو ليك باس راسي وقال لي انا معاك و ح افضل معاك للابد ي خنساء مهما حصل انا معاك،،،،رفعت راسي عاينت ليهو قال لي م تبكي الله يخليك م تبكي قرب مني وباسني في عيوني قلت ليهو حاضر م ح ابكي ختا يدو في خدي وقال لي انتِ حلوه شديد ضحكت وقلت ليهو م بقدر ارد على كلام زي ده،،،كانخاتي يدو في خدي وبيعاين لي وساكت قال لي مصدعه لسه؟؟هزيت راسي بمعنى ايوه،،قال لي طيب تعالي حبيبي شالني ورقدني في السرير قلت ليهو كان ممكن ارقد براي يعني يعني جاب لي مسكن وقال لي ابلعي هسي بجي مسكت يدو وقلت ليهو ساعي شديد انك تفرحنا ي راجلي وابسمت حتى هو ابتسم قلت ليهو عارف انك حلو شديد؟بال لي انا م بقدر ارد على كلام زي ده ضربتو في كتفو ضحك قال لي يلا حبيبي ابلعي المسكن بالعافيه عليك هسي بجي انا،،،وانا وماسكه التلفون دان جات قالت لي ي خساء تعالي
اوريكِ شي حلو قلت ليها انتِ تعالي قلت لي لو جيت ح تمشي معاي؟؟قلت ليها اي جات قعدت وانا قمت قعدت معاها قلت ليها ي ماما م تزعلي مني حاضر؟؟انا بس بهظر معاكِ وانا ابداً م اخليك قالت لي طيب ي خساء خلاص ارح اوريك شي حلو خلاص قلت ليها اصلا انا غبيه براضي هبله زيك ارح نشوف الشي الحلو ده شنو مشيت معاها ورتني كل العابها كانت العاب كتيره قالت لي حتى بابا بيلعب معاي لكن انتِ م لعبتي معاي ي خساء قلت ليها م تقولي لي خساء انا امك فاهما؟؟ سمعت صوت نذار بينادي علي طلعنا انا و دان قال لي انتِ عيانه طلعتي مالك؟؟قلت ليهو دي دان قال لي تعالي ارتاحي طيب دخلت الغرفه شال دان و دخل معاي بقينا بنتونس حرفياً كنت مبسوطهه شديدددد💘💘💘
قال لي نسيت ياخ وطلع وهو شايل دان بعد 10 دقايق كده رجع وكان شايل معاهو كبايه قال لي ده ليمون سخن عشان صوتك متغير شلتو منو وقلت ليهو شكراً،،سكت مسافه وقال لي يوم الجمعه ح نمشي بيتنا الكبير عشان امي طالبه كده اتخلعت كنت بشرب اتشنقت ختيت الكبايه قال لي بسم الله في شنو قلت ليهو لالا مف شي بس سخن اتزكرت كلام البت الشغاله في الكوافير وخفت شديد
يتبع.....
