كنت بقول ح يرجع اكيد دان طلعت الروضه اصلا نذار كان طلع ليها رقم وطني بي اسمو وسجلها في نفس الروضه البيقرو فيها اولاد رزان،،،الترحيل جاها وطلعت وانا م كنت قادره اعدي ولا دقيقه وانا م بفكر منتظراهو يرجع بعاين بالبلكونه بقول يمكن يرجع هو اصلا كان بيقول لي ح اكون معاك دائماً لكن م كان جاء م جاء💔اسبوعين وانا بينتظرو لكن م جاء قلت ح اتصل عليهو اتصل كتير تلفونو م كان بيدخل معاي مشيت المستشفى سالت منو كم دكتور قالو عرس وسافر السعوديه ومستقر هناك💔💔💔💔
رجعت البيت يئست شديد الدنيا كانت ضلام مرضت شديد في يوم ندى كانت جات فتحت الباب وانا ي الله كنت قادره امشي من شكلي كان ظاهر اني عيانه اصرت على توديني المستشفى وفعلاً مشينا وقعدت في المستشفى تلاته ايام،،،كنت بتزكر لما كنت حامل بي دان اتزكرت اي شي حصل من زمان واتمنيت لو م عرفت نذار ندى قالت لي احسن تمشي عند اهلك وصفت ليها المكان ودتني عند خالتي لما دخلت كانت معاهم مره سبحان الله لو قلت في اختلاف بيني وبينها بكون بكذب بتشبهني شديد لما دخلت كلهم لاحظو لي وكانو بيسالوني مالك؟حضنت خالتي وبكيت قلت ليها انا حامل ي خالتو و نذار خلاني💔
المره الكانت قاعده بس كانت بتعاين لي و مهجومه انا ببكي هي بس كانت بتعاين لي خالتي كانت بتقول لي كيف يعني خلاك؟؟وانا ببكي قالت لي و انتِ سكتي ليهو؟قلت ليها ح اسوي شنو يعني ي خالتو؟اتصلت عليهو تلفونو قافل💔عدا يومين و المره قاعده عندهم في يوم بالليل وانا في غرفتي ال اصلاً كنت فيها قبل اتعرف على نذار،،،كنت قاعده في الحوش و دان معاي المره جات قعدت كنت ببكي مسحت دموعي قالت لي ي بتي م صح تسوي كده في نفسك عشانو و حركت يدها في كتفي بكيت و هي بتقول لي م تبكي لو في نصيب بترجعو لي بعض قلت ليها هو عرس عرسس خلاص💔حضنتتني وانا ببكي،،،قررت اني ارجع بيتنا،،،ايوه نفس البيت ال كان بيجمعنا انا ونذار قلت يمكن القاهو وحتى لو م لقيتو ح انتظرو هناك لما عايزه امشي خالتي منعتني اصريت اني امشي المره قالت لي طيب خليني امشي معاك ي بتي يدوب ركزت لي وجودها وقلت ليها تمشي معاي ليه؟؟نزلت راسها في الارض بعد وانا بعاين ليها بعد مسافه خالتي قالت دي امك ي خنساء ابتسمت وقلت ليها اهلين ممكن سؤال؟؟قبل اكمل كلامي دموعي نزلت كملت وانا بمسح دموعي ليه جبتيني في الدنيا دي؟؟انا اتعزبت شديد اتعزبت كاني مكتوب اتعزب على غلط م انا ارتكبتو،،،،م عندي زول ممكن يكمل معاي للنهايه،،،عارفه حياتي كلها وانا بدس على الناس اني بت م شرعيه لاني خايفه؟؟طيب انا ليه اخاف وانا م زنبي شي؟ليه يعني؟؟؟؟ي ريت لو م جيت في الدنيا دي ي ريتتت💔طلعت منهم وانا ببكي و قلبيواجعني شديد على البيحصل ده وصلت البيت وطول الطريق انا ببكي لما وصلت فتشت البيت كلو وانا بجري من غرفه لي غرفه و كان عندي امل اني القاهو لكن م لقيتو💔خالتي اتصلت على كتير بس م كنت برد بالنهايه زهجت و رديت قالت لي بتي الله يرضى عليك قلت ليها شوفي ي خالتي انا تعلت منكم تعبت شديد ي ريت ماف زول يتواصل معاي بي اي شكل م الاشكال اطلعو من حياتي فاهمين؟؟
كنت في كل لحظه و اي شي بعاين ليهو كنت بتزكرو
كان عندي كتاب اسمو "ليطمئن قلبي"فتحت الكتاب كانت بدايتو كلها عن الانفصال كان معاي محدد في جمله محتواها "اعدك ان تكون هذه هي المره الاخيره التي اكتب فيها عنك!
وحين اقول لك انها المره الاخيره فهذا يعني اني اشيعك لا اوثقك. هذه كلمات جنازتك وانا الان احملك الى مثواك الاخبر احفر قبرك سطراً سطراً واهيا عليك الحروف"
بكيت وانا بقرا الكتاب بكيت شديد كنت بتدمر كملت اقرا كان في جمله تانيه و بتقول "وها انا اوي الي بعد سفري الطويل فيك ومعاك،انّ لي ان استريح من سفر كان كله وعثاء،انّ لي ان اتحرر من براثنك"
كان في ورقه وقلم كتبت فيها"اعتدت عليك ولما تجعلني اعتاد على فراقك؟كنت احتفظ بتلك الاوراق التي اجدها في وسادتك حين لم اجدك اوان استيفاظي من النوم و لكن ها انا الان لم اجدك وحتى لم اجد ورقه بعد اخر مره جعلتني استيقظ وانا فرِحه بسبب كلماتك اللطيفه،،كنت اخشى الناس ولكنك جعلت مني فتاة لا تخاف ابداً لانك كنت معي،،الان استيقظت من غفوه لا ادري هل اتمنى لو اني لم اغفوا ابداً او اتمنى لو انني غفوت ولم استيقظ من بعد تلك الغفوه،،ارجوك ان تعود ارجوك"
عدت الايام لحد جاء اليوم ال ح اولد فيهو كنت بفكر ليه بفقد زول عشان يكون في زول جديد في حياتي يعني؟ليه م اعيش بدون افقد؟💔
جبت ولد سميتو داني و كان بيشبه ابوهو شديد كان بيزكرني بيهو بس انا كنت لازم اكون قويه عشانهم،،اتقبلت امي وهي اصرت تقعد معاي في البيت،،م كان عندي القدره حتى اني اعاتبها ولا ازعل ولا ارفض انها تقعد معاي رجعت لي خنساء القديمه حياتي كلها كئيبه مف شي كان لازم اعيش عشانو الا اولادي كنت كل يوم بتمنى لو م جيت في الدنيا دي،،،حياتي كانت عباره عن كتب كنت بقراها في الغرفه الكان بيرسم فيها و كل يوم ببكي م قدرت انساهو م قدرت ابداً💔
يتبع......
