اليوم عدا في اليوم التاني م كنت شغاله جامعه ف قررت اسوي اكل و نمشي انا و دان المستشفى ونفطر مع بعض و فعلاً مشيت و كنت ناويه اسويها ليهو مفاجاه،،،وصلت المستشفى وسالت منو الممرضه وقالت لي هو حالياً في عمليه ممكن تنتظريهو انتظرتو وانا ومنتظره في مره بدت تبكي بي صوت عالي وكان معاها طفله بي عمر دان كده كانت بتبكي و بتقول ي امي خليتيني لي منو ي امي و بي اعلا صوت عندها كل الناس اتلمت جمبها وبقو يواسوها انا اتزكرت امي كنت بتخيل منظرها وهي خلتني ومشت يعني مجرد تفكير بس و م قادره استوعب الموضوع،،نذار طلع من العمليه وكان مبسوط لي جيتنا بس انا لا كنت فرحانه وحتى كنت بفكر ح اقول ليهو شنو لما يشوفنا بس بعد الشفتو وكيف البت كانت بتبكي م حاولت اتكلم اصلاً طلعنا العربيه و بدو ياكلو بس انا قلت م عايزه،،نذار كان عارف اني زعلت لما شفت الحصل بعد خلصو اكل مسك يدي و قال لي شوفي ي مرتي السمحه انا م عارف اقول ليك تشكري ربك لانو امك لسه عايشه قبل يكمل قلت ليهو نذار هي م امي و حتى لو كانت عايشه بالنسبه لي ميته تمام؟؟قلت ليك بعرف انك شايله عليها في قلبك بس دي انتِ زاتك البتقولي لي احنا م عايشين عشان لازم نعيش احنا عايشين عشان ننسى ونسامح طيب ليه م تديها فرصه؟قلت ليها اديها فرصه كيف و هي م حاولت اصلا انها تكون معاي عشان الناس بعدت عني عشان الناس انا بكرها شديد بكرها مسك يدي وقال لي بغض النظر عن الحصل او ال ح يحصل انا عايزك تكوني قويه لاني معاك مهما حصل حتى اذا م معاك انا معاك فاهما؟انا بحبك ي بت الناس و م ح اشوف غيرك مهما حصل لا الظروف ولا المشاكل ممكن تخليني اسبيك في يوم لانو اكبر مشكله ممكن تواجهني اني اخليك وانتِ محتاجه لي في يوم لاني ح اكون محتاج ليك اكتر م انتِ محتاجه لي،،،انا محتاجك معاي في كل لحظه عايزك معاي في كل خطوه،،،انا بحبك❤️مسكت يدو شديد وقلت ليهو م قادره اتخيل انك في يوم ممكن تخليني براي ي نذار قال لي م تتخيل كده ياخ انا م اخليك باسني في راسي،،،عدت الايام وكانت امتحاناتي قربت وكنت مهمومه شديد لاني م قاريه نذار كان بيحاول وجاهد معاي شديد في يوم جاء وكان شايل معاهو شي كبير شويه ومغلف كانو هديه كده يعني اول م شفتو قلت ليهو راجلي السمح الليله جايب شنو؟قال لي مفاجاه و م ليك لي بتي قلت ليهو انا كمان بتك يعني عادي م بتفرق يلا عايزه اشوف ده شنو لاني سامعه صوت،،،دان جات من غرفتها قال ليها ي بابا تعالي شوفي جبت ليك شنو وهو كان مُصر انو يغيزني فتحها وكان عصافير ملونه حلويننن شديد قلت اللههههههه ي نذار حلوين قال لي يدك يدك جبتهم لي دان قلت ليهو لا م لي دان ولا شي ح يكون حقيني انا دان قالت م بتشيليهم شلتهم من نذار بقت تصرخ وتبكي نذار رفعها وقال ليها بنشلها منها خلاص م تبكي وهي بتصرخ قال لي جيبيهم حمرت ليهو قام وساق دان و طلع صوتهم كان حلو شديد والوانهم حلوه،،،خلصت الامتحانات و حاولت شديد اني اقنع نذار نسافر كان ردو دائماً انتِ اذا فاضيه و م عندك موضوع انا م فاضي زيك في يوم يوم السبت كنت قاعده معاهو قلت ليهو نذار نفسي امشي ممكن نمشي؟قال لي انتِ الموضوع ده م ممكن تنسيهو؟قلت ليهو انا عايزه اشوف بلدكم كيف العيشه في البلد حلوه عليك الله وافق قال لي كيف قادره تتقبلي اهلي بعد الحصل؟سكتت ماسفه وقلت ليهو عشانك بتقبل اي شي سكت و م رد بعد محاوله جاهده في اقناعو وافق في اليوم ال ح نسافر فيهو كان حتى اهلو مسافرين هم كانو مفروض يسافر قبلنا لكن اجلوها،،،لما شفت اخوهو نادر كميه الوف والهلع الدخل جواي انفاديت اشوفو تاني و طوالي ركبت العربيه وهم كانو مصرين انو يتداخلو على نذار ويتكلمو معاهو بس هو كان بيتكلم معاهم بي برود شديد كان سايق عربية نذار اخوها الاصغر وريناد راكبه بي قدام وانا ونذار و دان ورا كان قاعد وفوقو دان كنا مسافرين بعد المغرب كده نذار جاب راسي في كتفو وقال لي المسافه بعيده نومي شويه كنت بعاين بي الشباك وكميه من الافكار في راسي و كلها متحوره في نذار وحبي ليهو يعني كنت متمنيه اللحظه دي م تنتهي وصلنا البلد و كان الوقت متاخر شديد واصلا انا كنت نايمه دخلنا البيت كان مليان شديد وحتى الوقت متاخر هم صاحيين سلمو علينا كلهم كانو بيسالوني انتِ مرت نذار؟ م شاء الله عليك صغيره كانو الناس طبيبن شديد في بلدهم على عكس اهل نذار،،جابو لينا اكل اصلا كنت شبعانه بس هم كانو مصرين اني اكل واكلت،،،احنا وبناكل قدام الناس اكلني وقال لي بتاكل براحه و اكلك قليل شديد وبدا ياكلني وانا بعاين للناس قلت ليهو بب صوت واطي هوي احنا م في بيتنا م تاكلني الناس لما بديت اكل براي مسك يدي وابتسم و تاني بدا ياكلني،،،،دخلني في موقف محرج شديد و كل الناس كانت بتعاين لينا بعد اكلنا فرشو لينا سريرين في الحوش و دان من م جينا نايمه و م صحت احنا و راقدين في الحوش السماء كانت كلها نجوم وانا و بعاين للسماء ختا يدو حولي ضربتو وقلت ليهو بتحرجني قدام الناس كده ليه ي حيوان قال لي وين المحرج في الموضوع مرتي وعايزها تاكل بي يدي في مشكله؟قلت ليهو ده م بيتنا لكن حضني وقال لي عادي م بتفرق،،،م رديت قال لي شايفه الباعوض ده كفايه عديل والله تتفرفري بالليل بجدعك من السرير فاهما؟ضحكت بي صوت عالي ضحك وقال لي هسي بيسمعوك وبيفكرو غلط م رديت عليهو قال لي كمان بتخجلي وحضني شديد،،،،صحينا الصباح في بت كانت بتصحينا يعني هي اظنها قاصده بتسوي كده كانت بتضربني عديل و بتقول لي قومي لما صحيت لقيتها نفس البت الكانت استفزتني في المطبخ نذار قال ليها بي صوت علي ياخ بيصحو كده؟ده شنو الهمج ده البت اتخلعت نذارلما شافها قال ليها دي انتِ؟انتِ مشكلتك شنو ي زوله البت دموعها كانت في طرف عينها م. ردت و مشت قلت ليهو نذار تعاملك مع الناس م كويس قام وخلاني حتى انا قمت صليت بعد خلصت في مره كبيرهه بقت تقول مرت نذار وينا؟قلت ليها نعم ي حبوبه وكنت قاعده في المصلايه قالت لي تعالي حبيبه ودينا ليك الشاي في الحوش التاني تشربي مع نذار قلت ليها طيب وين الحوش التاني وصفت لي مشيت وكانو نذار و دان بيشربو الشاي مشيت قعدت بشرب و م اتكلمت معاهو ولا كلمه قال لي مالك؟ قلت ليهو انت المالك انا م فيني شي،،،كنت خايفه من اهلو شديد لكن معامله الناس الفي البلد حلوهه
قال لي تعالي العربيه ي خنساء قلت ليهو حاضر شال دان و طلعنا ركبنا دور العربيه قلت ليهو ماشين وين؟قال لي بعرفك بتجبي حياة الريف ح نلف شويه و نرجع فعلا لفينا البلد كلها وكانت حلوه بمعنى الكلمه كلها شجر مشينا البحر عايزه انزل قال لي دقيقه ماشه وين انتِ م ح ننزل حدك هنا بس وبعد شويه ح نرجع قلت ليهو نذار عايزه انزل انا قال لي م بتنزلي ي زوله،،،قعدنا في العربيه واتونسنا وبعدها رجعنا البيت،،،،عدت الايام و جاء يوم العقد وكان في غداء و كانو ح يضبحو بي الصباح نذار قال لي الليله الضبيحه قلت ليهو اي قال لي هعهع وضحك قلت ليهو شوف قرف معاك م عايزه وانت عارف انا م باكل لحم ولا تقرب مني ولا خطوه لو ح تضح او ح تسلخ فاهم؟قال لي بنشوف بنشوف،،،،دان كانت واقفه لما ضبحو وانا دان كنا واقفين بعيد و بنعاين دان اول م ضبحو اتلصقت فيني وبقت تقول لي ارفعيني رفعتها وبعد مسافه شفت نذار جاي علينا نزلتها وجريت وهي بتعاين لي وبتعاين لي نذار قلت ليها اجري ي دان نذار لما رفعها بقت تبكي وتصرخ قلت ليهو ياخ الله يقرفك هسي غيرت ليها ملابسها نزلها انت كلك دم
يتبع.....
