صحيت الصباح م كان قاعد لقيت ورقه في السرير قريتها كان محتواها"صباح الخير ي خيري يعني بتي صحت؟حببتي صحت؟حلوه شديد انتِ و نايمه ي قمر"ابتسمت وقمت صليت،،،طلعت اشوف دان والاولاد اذا صحو م لقيتهم في الغرفه لما مشيت غرفة دان كانو قاعدين وبيلعبو الجرس ضرب مشيت فتحت كانت ندى ضيفتها،،واحنا وبتنونس قالت لي ومعليش ياخ تعبانكم معانا قلت ليها لالا ولا يهمك اصلا الجار للجار الاعتذار على شنو ياخ قالت لي والله اختي دي م عارفاها مالا حجمه الزايد بي سبب الانسولين بيخليها تتعقد شديد و احنا غلبان ال نسويهو معاها حاولنا بي كل الطرق م قدرنا الجامعه بتمشي وبرجع متضايقه شديد كل يوم في الصباح ابوي بيصحا وبيسوي ليها عصير عشان تشيلو معاها في الجامعه بتتضايق و بتقول انا م شافعه عشان تعاملوني كده و هي م عارفه انو هو بيسوي كده لي مصلحتها،قدرها تمرض بي السكري و م عايزه تتاقلم مع الوضع فترت معاها شديد والله حتى اولادي بتشاكلهم لي اقل سبب قلت ليها طيب حاولتو تودوها دكتور نفسي؟قالت لي كتير حتى الدكاتره النفسيين اشتكو منها وقالو صعبه،،،بعد اتونسنا طلعت كلامها ده كان بيوجع ياخ المرض ده ابتلاء ياخ حمدلله احنا بصحه وعافيه حمدلله❤️
قلت ح امشي عندهم بي العصر كنت بفكر اني اتكلم معاها العصر جاء طلعنا عليهم انا و دان عشان اشوف كيف حالها اذا اتحسنت او كده مشينا بيتهم كان في راجل كبير اظن ابوهم سلمت عليهو رد لي السلام بي حراره كده و بهجه كانو بيتعرفني من وقت طويل وانا حبيت الحاجه دي اتونس معاي هو وخالتو وخديجه و ندي قلت ليهم ممكن ي ندى ادخل على اختك اشوفها و ي جماعه البتمر بيهو بتكم ده م شي هين و هي محتاجه زول يكون بيتكلم معاها حتى اذا هي نافره من الكلام و م عايزه تتكلم ف انتو م تبطلو تتكلمو معاها اذا شفتوها جايطه وبتعصب في اقل شي،،ايوه هي يمكن بتعصب لكن كل م تعصب ردو عليها رد حلو وانتو بتضحكو كده ح تتحسن على الاقل 50٪ وال 50٪ الباقيه ح تعكسها بي نفسها و بي تصرفاتها هي و شوفو التغير ال ح يحصل الراجل كان بيعاين لي وانا بتكم وهو مبتسم قال لي فاهما والله م شاء الله عليك كلامك صح بنحاول ي بتي،انا من زمان عايز زول يفهمني زيك خديجه دي بس بتجيب الدكاتره النفسيين و بتدخلهم طوالي و لما احاول افهم منهم كانو بيقولو بتكم صعبه و م بنقدر عليها لكن الله جابك ي بتي وضحك وتاني قال لي اتفضلي ادخلي ليها قاعده في غرفتها وداني الغرفه و دخل معاي قال ليها بتي السمحه كيفك؟ردت ليهو بي برود و كانت شايله كتاب بتقراهو قال ليها بتقري شنو؟قالت ليهو روايه ي ابوي في حاجه؟قال لي خلاص بعد تخلصي اديني الكتاب انا زاتي اقراها زيك طيب؟كنت بعاين ليهو وهو بيحاول معاها بعد برود ردها اتمنيت لو ابوي كان عايش💔
بعد طلع قلت ليها ي حلوه رفعت راسها عاينت لي بي استفزاز وتاني نزلت راسها قلت ليها طيب انا خنساء قبل اكمل كلامي قالت لي و انتِ دكتوره نفسيه جابوك عشان تعالجيني صح؟؟ي استاذه اطلعي بره الغرفه دي قلت ليها ولو ابيت؟؟سكتت و عاينت لي بعد مسافه قلت ليها انا م دكتوره نفسيه انا ساكنه معاكم في العماره دي جيت اشوفك واطمن عليك لانو م الا حبيبك ممكن يطمن عليك ابتسمت ابتسامه خفيفه وهي بتقرا وقالت والله لكن،،،قلت ليها طيب شوفي قالت لي انتِ شوفي انا م عايزه اتكلم معاك اختيني ياخ اطلعي قلت ليها م هو انا م ح اطلع مهما حصل و انا عايزه مصلحتك تسكتي و م عايزه اسمع منك ولا حرف طيب مبدئياً كده انا عايزه اوصل ليك معلومة الدكاتره النفسيين ده مجال يعني تخصص عديل الناس بيقروهو عشان يحلو مشاكل الناس العاطفيه والنفسيه م بيقرهو عشان الزيك يهينو الدكاتره بالطريقه دي
انتِ مالك مشكلتك شنو؟يعني السبب هو صحتك الزايده؟؟ي زوله ده سبب يخليك تتعاملي مع اهلك كده؟الناس عايزين صحه زي صحتك دي حتى انو بيخسرو قروش عشان بيقو زيك انتِ مفروض تقدري ولو 1٪ كمية الحب البيحبك ليهو ابوكِ انتِ مفروض تكوني اكتر وحده سعيده في الدنيا دي عشان عندك اب زي ده لكن شوفي انتِ بتقفلي نفسك بين اربعه حيوط و كده م صح لانو مف زول غيرك بيتضرر،،،انا حالياً فاقده اب زي ابوك و ربنا يرحموا م بقول ليك كده عشان تشفقي علي او تسمعي لي كلامي لا انا بحاول اقول ليك قربي من ابوك شديد لانو لما تفقديهو بعدها ح تعرفي "كم هي ثمينه هبة الحياة"
دنيتك انتِ و بتعيشيها انتِ مف غيرك ف حاولي انجزي فيها انتِ خليك بتحبي نفسك خليك واثقه من شخصيتك لكن م تكوني نافره منها بي الصوره البشعه دي م تخلي اخلاق تكون ضيقه حاولي اتعاملي مع الناس و مرض دي جزو من حياتك ولازم تتعودي لانو مرض السكري ده مرض مزمن يعني لو قعدتي و قفلتي نفسك كده انتِ ال ح تنتهي م المرض تلفوني ضرب كان نذار كلمتو اني عند ناس ندى و ختيت قلت ليها حاولي اتخلصي من اوهامك سكتت مسافه وانا سكتت قلت ليها طيب ممكن اسالك سؤال؟م ردت قلت ليها في زول غيرك عايش في حياتك الكئيبه دي؟ في زول غيرك عايش زيك كده يعني؟في زول متحمل البتمري فيهو زيك؟لا طبعا لكن البتمري فيهو ده ممكن تتحمليهو وانتِ متداخله مع الناس بمعنى دقيققق ابوكِ ممكن تشاركِ معاهو فرحك زعلك و اي شي بتمري فيهو و هو ح يكون فرحان شديد لاني شايفاهو بيحاول و بيحاول معاك شديد م كانت بترد و كان في رف بتاع كتب مشيت جنب الرف وقلت ليها عادي اكون صحبتك و اشاركك كتبك وعادي اتشاكل معاك عشان روايه لاني عايزه اقراها اول منك اذا انتِ عايزه،،وبعدين انا اسمي خنساء وعرفتك عن نفسي من قبل وانتِ م قلتي لي اسمك،،قالت لي انا نورهان ممكن تقولي نور قلت ليها تمام ي نور يلا انا ح اشيل من عندك كتاب اقراهو ماشي؟و ح امشي لانو راجلي جاء وداعات لما وصلت باب الغرفه قالت لي دقيقه انتِ وين ساكنه؟قلت ليها الشقه ال مقاصده شقتكم قالت لي شقة نذار؟قلت ليها ايوه بالظبط قالت لي انتِ مرتو؟قلت ليها اي
لكن بعدين دقيقه دقيقه انا من قبيل بتكلم وانتِ م اتكلمتي معاي الا لما جات سيرة نذار؟ليه ليه؟ ي زوله انا بعير شديد يلا ضحكت وقالت لي روقي بس عايزه اعرف يعني بعدين تشتاهلي نذار والله ابتسمت ليها وطلعت رجعنا البيت نذار كان قاعد في الهول اول م فتحت الباب لقيتو قلت ليهو حبيبي❤️اسفه اول يوم تجي و م تلقاني في البيت غمزه لي وقال لي كدي قولي حبيبي دي تاني قلت ليهو بفلعك بالشبشب هسي ضحك دخلت المطبخ قلت ليهو اكلت؟قال لي لا قلت ليهو يعني م كان نفسك تاكل بره وتريحني؟قال لي وانا معرسك عشان اكل بره؟ضحكت وقلت ليهو يراجل انت يعني معرسني عشان اخدم ليك؟قال لي حبيبي م تنسي حتى انا بسوي معاك الاكل لكن الليله مف اي طريقه ضحكت،،،،وانا بسوي الاكل سمعتو بيقول لي ي خنساء قلت ليهو نعم وطي صوت انا سامعاك قال لي بتغيري علي و كده استغربت من كلامو م رديت جاء داخل المطبخ و وقف بي وراي قال لي قلنا بغير وكده يحلو قلت ليهو متين قلت قال لي يعني م متزكره؟قلت ليهو وانت عرفت كيف اني قلت؟قال لي اتصلت عليك و بعدها م قفلت الخط قبلت عليهو وقلت ليهو في ناس بيتشمشرو كتير و كده صح؟قال لي مش مرتي؟يلا انا حر دان كانت جايه قلت ليهو فكني فكني دان جايه م فكاني الا دخلت المطبخ قلت ليهو فاضي تتشمشر و للفارقه تعال اعمل معاي الاكل يلا ضحك وقال لي انتِ ح تمسكيها لي زله؟ضحكت عملنا الاكل و اكلنا،،واحنا وقعدين في الهول قلت ليهو ها كيف كان يومك؟قال لي يعني ح يكون كيف وانا م سمعت صوتك من الصباح؟قلت ليهو مشتاقين لكن قال لي الجامعه ي حلوه ضربتو في كتفو وقلت ليهو بقول ليك مشتاقين ي حيوان بعدين انا بقيت زوله بي بيتها يعني موضوع الجامعه ده م داخل راسي قال لي هسي بديك كف ده كلام شنو؟ح تخلصي من الجامعه وانتِ في بيتك قلت ليهو نذار قال لي م ح نتناقش في الموضوع تاني سكتنا بعد مسافه قال لي عارفه؟قلت ليهو شنو؟قال لي م كان نفسي ولا كنت مخطط اصلا انو مرتي تكون في مجالات الطب ولا عندها دخل بي اي شي بيخص المجال ده قلت ليهو ليه؟قال لي المجال ده لو وصفت كيف بكرهو م ح اخلص صح هو حلو و اي شي و كل الناس بتتمناهو بس انا لا انا رغبتي م اني اقرا طب انا قريت ال طب عشان ابوي و ابوي ده والله حيرني يعني هو دكتور عايزني ابقا دكتور ليه م عارف قلت ليهو كيف م رغبتك؟قال لي المجال ده م بحبو قلت ليهو طيب رغبتك شنو؟قال لي انتِ ضحكت وقلت ليهو وتاني؟قال لي والله م عندي رغبه تصدقي قلت ليهو غريي شديد انت قال لي لكن برسم قلت ليهو بالجد؟طيب وريني رسماتك مسكني من يدي وساقني لحد وصلنا غرفه كده فتحها وقال لي تعالي كانت الغرفه حلوه حتى في شباك كبير فاتح على الشارع وعليهو الظلط كان في لوحات كتيره لكن كلهم مغطيين قال لي تعالي اوريك ده فتح لوحه منهم كانت صورتي انا و دان لما كنا في الجنينه كانت نفس الصوره بالضبط قلت ليهو نذار؟؟كنت مصدومه و في نفس الوقت فرحانه لي لابعد حد قلت ليهو لالالا ده انت الرسمتها؟؟انت جادي؟وااااييييييييي حبيت الصوره نذار؟؟؟عندك مواهب كده وانا اول مره اعرف؟حضنتو وقلت ليهو بحبك بحبك تاني قال لي دقيقه اوريك فتح وحده تانيه كانت برضوا صورتي لما كنا في محل الحصين قلت ليهو لالالا دقيقه متين رسمتها؟؟ليه م كلمتني انك بترسم؟
يتبع........
