صح انا امي متوفيه ربنا يرحمها وعايشه مع ابوي و مرتو لكن مهما مرت ابوي حقرتني كنت بستحمل بشوفها زي امي
انا خنساء عمري 18 سنه ممتحنه للجامعه عايشه مع الناس المسمياهم اهلي في البلد اخواتي تلاته فاتن وعمرها 16سنه واميمه 14سنه وخلود13 سنه و اخوي واحد مؤيد عمرو 9 وللاسف كلهم اخواني من ابوي بس، ابوي استاذ في المدرسه امي اتوفت وانا عمري شهرين م بتزكر كيف كان شكلها و اتوفت وخلتني براي،،
وانا في صف تلات ممتحنه كان نفسي اقراء احياء واكون دكتوره اسنان لاكن مرة ابوي م كانت بتديني فرصه كل م اجي من المدرسه كانت بتقول لي اشتغلي وسوي ده واعملي ده وانا بس البشتغل في يوم رجعت من المدرسه وكنت تعبانه شديد وعيانه وكان معاها ضيوف قالت لي سوي جبنه قلت ليها خلي فاتن تسوي انا عيانه قدام الضيوف صرخت فيني وقالت لي تسويها هسي ولو م سويتها م بخليك وجات جرتني من شعري وقالت لي يلا امشي مشيت سمعتها بتقول اصلا الحسنه م بتنفع في عيال الضره ماتت وخلت لي البلوه دي بس ضرر وعذاب لي حسبي الله انا بقيت ببكي شديد سويت الجبنه وناديت فاتن عشان توديها قالت لي م بمشي انتي ال ح تمشي مشيت وديتها وكنت ببكي قالت لي اصلا غير كده م ح ينفع معاك ي قليلة ادب طلعت ومشيت في الحوش قعدت تحت الشجر وببكي ابوي جا داخل شافني ببكي م اشتغل بي ولا حتى سالني💔الوجع في اني م عندي لا ام ولا ابو في الدنيا دي💔💔
باليل كانت بتقول لي ابوي بتك القليلة ادب دي قدام الضيوف تتنفر لي وتقول م ح تسوي الجبنه وكذبت كلام كتير ابوي جا قال لي صح الكلام دد قلت ليهو يابا بس كنت عيانه ضربني كف قال لي لو تعبانه تتنفري في امك وبقا يضرب فيني💔اتمنيت لو امي كانت معاي 💔
طلع وانا كنت راقده في الارض جات خلود وبقت تهبش في شعري وتقول لي م تبكي غطيت وشي وبقيت ببكي اكتر،،
في يوم جاتني صحبتي اسمها شموخ قالت في عرس وجات عشان تسوقني قلت لي ابوي قال لي م بتمشي اي مكان قلت لي صحبتي ابوي ابا يخليني بقت تقول لي انتي غبيه وديل ح يجننوك ارح م تشتغلي بيهم سمعت كلامها لما طالعين لقينا مرت ابوي واقفه قالت لينا ماشين وين شموخ قالت جايين من الدكان انا من الخوف برجف طلعنا قلت ليها شموخ بعدين م ح يخلوني احسن ارجع قالت لي لا تمشي مشيت معاها بيتهم طلعت لي ملابس امشي بيها قلت ليها لا عايزه عبايه ادتني عبايه مشينا العرس كنت خايفه اهلي يكونو في لاكن حمد لله م كانو في لان مرت ابوي متشاكله مع اهل العروس،،في العرس طول الوقت بفكر وبقول اهل شموخ بيحبوها انا ليه اهلي م بيحبوني بقول لو كان عندي اخوان من امي كانو ح يحبوني لاكن م عندي كل م دموعي تنزل بمسحها بسرعه احنا وراجعين كنت خايفه من اهلي شموخ قالت لي تعالي بيتني معاي الليله وبكره نقول كنا بنقرا مع بعض مشيت معاها بيتهم نمت وانا م حصل يوم نمت وانا مرتاح م حصل نمت زي البشر بنوم وانا شايله هم لي بكره💔
في الصباح مشيت بيتنا مرت ابوي قالت لي ارجي الراجيك الليله وبقت تضحك دخلت لقيت ابوي قال لي كنتي وين قلت ليهو عند شموخ قال لي بتسوي شنو عند شموخ قلت ليهو بنقرا اداني كف قال لي جيت بيت ناس شموخ اخوها الكبير قال انتو مشيتو العرس مرت ابوي جات وبقت تقول انا م مشيت عشان متشاكله معاهم انتي تمشي لشنو وجات لبعتني صرخت باعلى صوت قلت ليهم لمتين ح تضربوني كده عبد عندكم انا ياخ م عايزه اقعد معاكم كرهت الدنيا وانا معاكم وكنت بصرخ طلعت منهم مشيت لميت هدومي وطلعت عند ناس شموخ فتح لي الباب اخوها قلت ليهو انت كمان قاعد بواب هنا قال لي بسم الله مالك دخلت جوه وانا ببكي م عارفه م كنت حاسه بي شي وانا بسوي كده💔
دخلت جوه لقيت شموخ قالت لي مالك بقيت ببكي وبقول ليها انا ليها م عندي اهل زيك ليه بتعذب كده بقت تبكي معاي من كترة البكا نمت لما صحيت حتى يادوب انتبهتا للعمتو كنت خايفه لو مشيت البيت تاني يضربوني كنت طالعه شموخ قالت لي ماشه وين قلت ليها البيت قالت لي م ح تمشي قلت ليها لالا بمشي قالت لي انا بمشي معاك اصلا م ممكن البيعملوهو معاك ده قلت ليها متعوده مف داعي تمشي عشان ح تحصل مشكلها بقت تقول لا ح امشي وتتكلم كتير قعدتا في الارض بي ركبي وقلت ليها م بقدر اتحمل اكتر من كده ياخ م بقدر تاني ح يضربوني و لو مشيتي م ح يحصل خير ياخ م تمشي معاي وغلطانه اني جيتك وكنت ببكي قعدت وقالت لي ي بت انتي غبيه م ح يحصل شي قلت ليها لالا م تمشي معاي قلت لي طيب طيب رجعتا البيت لقيت خالتي قاعده سلمت عليها ووشي كان مورم من البكا قالت لي مالك انتي عاينت لي مرت ابوي قلت ليها مف شي ادتني قروش وقالت لي خليها معاك وقت تحتاجي ليها قلت ليها م عايزه ختتها لي في يدي وقالت لي انا زي امك ي بت لما قلت كده حضنتها وبكيت بي صوت عالي قالت لي مالك حاصل عليك شنو انتي قلت ليها عايزه امشي معاك م عايزه اقعد هنا قالت لي طيب م مشكله مرت ابوي قالت اي م مشكله تمشي تقعد كم يوم وتجي راجعه احسن من تقعد محبوسه طول الوقت تفرق شويه خالتي شافت الهدوم قالت لي ده شنو م رديت مشيت معاها بيتهم اليوم التاني مشيت المدرسه شموخ قالت لي وين انتي جيت عندك م لقيتك قلت ليها عند خالتي قالت لي ي زول احسن ليك نهاية اليوم من المدرسه رجعت عند ناس خالتي لقيت ولدها الكبير قاعد وهو اصلا بيقرا الجامعه في الخرطوم سلمت عليهو خالتي قالت لي لما تخلصي تالت برضو انتي تقري في الخرطوم لانو القرايه هنا م قرايه نهائي قلت ليها ان شاء الله
في يوم ابوي جا قال لي ترجعي معاي رجعتا وبعدها طوالي نزلنا امتحانات الفتره الاولى كل م احاول اقرا مرت ابوي كانت بتشغلني وانا مستواي كويس لاكن م في فرصه اقرا بعد م خلصنا الامتحانات نتيجتي كانت م كويسه شديد لاكن بالنسبه للظروف الانا كنت عايشه فيها كويسه جبت 72٪ ابوي زعل شديد لانو كان بيفتخر قدام اصحابو الاستاذه جا راجع البيت و زهجان شديد كالعاده م خلى ضرب م ضربني ليهو ضربني بكل قوتو وحتى بالخشب ضربني واثر الضرب كانت في كل جسمي نمت والصباح مشيت المدرسه كانو مف شي بس في اثار ضرب في وشي شموخ سالتني كنت بحاول م ابكي واكون قويه لاكن للاسف م قدرت بقت تواسي فيني وتقول ح تفرج ان شاء الله رجعت البيت بي الليل انا وبصلي سمعت مرت ابوي بتصرخ باعلى صوت خلصت صلا سريع وطلعتا ليها
يتبع....
