بقيت بصرخ وبقول ي عمو ي عمو وبصوت عالي قلت لي شموخ حتى هو م قاعد كلهم مف كلهم ي شموخ وبصرخ بالنهايه سكتت م كنت قادره اتنفس وشبه اغمى علي وبعدها م حسيت بي شي بس بسمع صوت شموخ بعيد غمضت عيوني ورقدنا في الارض صحيت وانا في المستشفى فتحت عيوني وانا بقول ي رب وببكي كنتا بفكر انتحر كتير طول الفتره الكنت فيها في المستشفى وانا بفكر انتحر رجعت مع خالتي وهي كل م تشوفني بتبكي لشنو حتى انا م عارفه في يوم كان جمبي قزاز وامواس كتير جرحت يدي بالموس وانا وبحاول اجرح يدي بالقزاز خالتي جات وبقت تصرخ وبتقول كلام كتير م ركزت الا لما قالت انتي حامل عاينت ليها وانا عيوني بتوجعني من كتر م بكيت شبه مغمضه ومفتحه بقيت بعاين ليها بعد مسافه قلت ليها وانا بتمتم في الكلام كيف كيف يعني حامل رقدت وقلت ليها اطلعي برا ي خالتو قالت لي الله يرضى عليك م تسوي كده في نفسك طيب عشان الجنين الفي بطنك قلت ليها بصوت عالي مف جنين م عايزه جنين زحي مني زحي ياخ شالت الموس والقزاز وطلعت بقيت بضرب في بطني شديد وانا بقول ليه ليه بتعذب انا بس،،،،وانا وببكي كنت بحلم بس في شفع قدامي ده شنو مهما حاولت افهم م فهمت صحيت و م كنت قادره اتحرك ويدي كلها دم قلت يمكن تكون البت ال في بطني جبر لي ابتسمت ابتسامه باهته وقلتا معقول تكون بت؟
فكرت ليه بخرب حياتي بيدي ليه م اكون عاديه زي اي بت ليه بنكد على نفسي قمتا وانا اصلا م كنتا قادره اقوم شكلي كان كاني مجنونه رغم انو تفاصيل وشي حلوه لاكن بقيت باهته شعري منكش ملابسي م نضيفه طلعت وحسنت مظهري كلو وحتى بقيت احسن من قبل،،،،مشيت لقيت خالتي في المطبخ وسرحانه دخلتا وقلتا ليها خالتو قبلت لي وقالت لي م شاء الله وكنت فاكه شعري ابتسمت وقالت لي اي كده ي بتي قلت ليها طيب سرحيني قالت لي سمح بس اخلص الملاح ده واجيك طلعت منها وانتظرتها في العريشه،،،م بعرف من وين جاتني الطاقه الايجابيه دي و كيف قدرتا اتقبل الحمل لاكن الجنين م عندو ذنب بالبيحصل كنت سرحانه جات خالتي قالت لي تعالي اسرحك سرحتني حسيت كانها زي امي قلت ليها اشتقت لي امي ي خالتو قالت لي ربنا يرحمها كانت بتشبهك كمان بعد مسافه قالت صحي اهل ابوك عايشن بشنو م عندهم لا البيصرف عليهم ولا البيديهم قلت ليها بيكون من معاش ابوي ربنا يرحمو،،،بعد خلصت وقمت عايزه امشي قالت لي تعالي دقيقه قلت ليها نعم وقعدتا قالت لي كملي قرايتك ي بتي قرايتك بتنفعك بعد تولدي بالسلامه ان شاء الله امشي الخرطوم عند خالتك اميمه واقري الجامعه اصلا نسبتك م كعبه والمصاريف م تشيلي هم حواشة امك كل سنه قروش الحصد بختها في البنك لليوم ده قلت ليها سمح ي خالتو،،،،،عدت الايام وولدتا وجبتا بت سميتها دان جبرتني وجبرت الفقد الجواي حبيتها شديد من بعد م عمرها بقا سنه مشيت الخرطوم ولد خالتي قدم لي تمريض عشان درجتي بس مساعده اقرا كده انا يمكن كنت اكبر وحده في القاعه كلها لاكن م بيظهر علي شديد،،،،،كنت بتحسس اتكلم معاهم ولا بتكلم معاهم،،،كنت بمشي الجامعه وبنتظر متين ح ارجع البيت عشان اشتقت لي دان حتى هي متوحده زيي لحد م ارجع م بتتكلم مع زول و م بتتعامل مع زول بتكون براها دائما مهما حاولت اخليها تتعامل مع الناس م بقدر و هي عنيده شديد،،،في يوم وانا منتظره المواصلات والشمس تسلخ في زول جا وقف قدامي ملامح وشو حلوه شديد عندو لحيه حلوه لونو بين الاسمر والقمحي وطويل وعندو عظلات واقف قدامي وبيعاين لي قلت ليهو خير قال لي معليش تلفوني م فيهو شحن عايز تلفونك لحظه قلت ليهو انا من قبيل شايفاك شغال بي تلفونك ليه م اتصلت من قبل يخلص شحن قال لي وهو مبتسم مركزه معاي شديد كمان حاولت اغير الموضوع قلت ليهو من بين كل الناس م لقيت الا انا؟قال لي لو كنت شايفهم م كنت جيتك ضحكت وقبلت منو قلت ليهو امشي امشي وقبل اكمل كلامي المواصلات جات وانا عايزه امشي مسكني من يدي قلت ليهو هيي بصوت عالي م بعرف عملت كده كيف بس تخلعت شديد فكاني حاولت اركب المواصلات ركبت وركبت محل الشباك على جهتو وهو بياعين لي وخاتي يدو في جيوبو حلو شديد البني ادم ده حلو شديد،،،،
بلسان نذار:
انا نذار دكتور جراحه وعمري 31 للاسف امي خطبت لي اكتر من اربعه بنات وكلهم م نفعو معاي،،،في يوم كنتا منتظر صحبي قلت اشرب جبنه وجمب محل ست الشاي في موقف مواصلات وانا بتلفت بشوف في صحبي لو جاي ولا لا شفت بت البت كانت حلوه وشها عابس لاكن حتى بي عبوسها حلوه مشيت احنك معاها ضحكتها حلوه شديد هي بتتكلم وانا بركز في تفاصيل وشها مركز في عيونها البنيه،،،الشمس في وشها حسيت بيها شي ذهبي وحلو شديد❤️وهي عايزه تركب المواصلات مسكتها من يدها صرخت بعدها عرفتا انها م زي اي بت عرفتها قلتا لازم اعافر عشانها لازم،،
"وعلى قدر أمنيـاتك تكون معـاناتك..!
فحين تكونَ أحلامك عظيمـة، تكون الصعاب أقوى واعظمُ.. " 🤍
يتبع....
