صحيت الصباح كانو نايمن قلت لي داني قوم المدرسه يلا قال لي م عندنا كل يوم امشي امشي م بمشي اتزكرت انو اصلا اليوم كان السبت نذار بعد صحى قال لي الليله ح نمشي بيتنا الكبير ي خنساء و بكره مسافرين انا و انتِ و ابوي قلت ليهو ضروري نمشي الليله؟قال لي اذا م عايزه م مشكله بنبطل قلت ليهو لا م كده يعني بسالك ضروري؟قال لي امي قالت نمشي عندهم م بعرف في شنو حتى انا م عندي نيه نمشي نبطل؟قلت ليهو لا نمشي احسن قال لي طيب شويه كده واجهزو،،،،فعلاً مشينا المره دي حتى اخواتو استقبلونا كويس اتكلمو معاي في موضوع السفر و قال ح يخلو دان و داني عندهم قلت ليهم لا امي وخالتي ح اكلهم يقعدو عندهم اصلاً متعودين عليهم و داني صعب شديد وبتاع شغب م ح تقدرو عليهو كلهم قالو لي م مشكله بنقدر م حبيت اتكلم في الموضوع كتير،،،كنت سالتهم اذا ممكن اتعالج في السودان ابو نذار قال لي لالا والله ي بتي نذار قال لي اكيد م ح نجازف في موضوع زي ده و انتِ حصل سالتيني وقلت ليك م ممكن ي خنساء ،،،،جاء اليوم ال ح نسافر فيهو و كان مفروض نسافر 2 صباحاً اليوم كلو وانا ببكي مشيت عند امي م كانت عارفه اني عندي ورم كلمتها كلهم كانو بيبكو زي الساعه 8 بالمساء كده كنا بنجهز عشان السفر و م بطلت ابكي طول اليوم لما عيوني ورمو بعد جهزنا كان لازم نودي دان و داني بيت خالتي واحنا و في الطريق قلت ليهو نذار اذا حصل لي شي خلي بالك من اولادي طيب؟قال لي ي زوله م تقولي كده ياخ ح ترجعي و ح تكوني معانا طيب؟؟وصلنا البيت قلت ليهم م عايزه انزل خليني شويه معاهم دان قالت لي ماما ح ترجعي اكيد وانا بدعي ليك دائماً قلت ليها ان شاء الله حتى هي كانت بتبكي،،،،لما راجعين البيت انا و نذار لحد وصلنا وانا ببكي يعني يمكن تكون دي اخر مره ح اشوف فيها اولادي نذار م كان بيتكلم بعد وصلنا قال لي تعالي ارتاحي شويه و رقدني في حضنو قلت ليهو نذار انا خايفه شديد قال لي ي زوله م تخافي من شي انا معاكِ دائماً و للابد قلت ليهو طيب اذا حصل لي شي في كتاب و كم حاجه في الدولاب قال لي شنو اذا حصل لي حاجه نومي قلت ليك ي خنساء يلا النوم نمت وانا حاضناهو شديد صحيت بي صوتو لما صحاني اتوكلت على ربنا وقمت طلعنا من البيت وانا اصلا م عارفه كيف كنت ماشه اصلا يعني منهاره شديد لما كان بيقفل الابواب غطيت وشي بي يدي وببكي حتى صوتي طالع قال لي قلنا م تبكي ياخ م تبكي بكيتي كتير شديد كفايه بعد كده تلفونو اتصل رد و قال لي ي ابوي طيب انا طالع جاي عليك خليك جاهز بالله اي طلعنا خلاص مسافه الطريق وبنكون عندك مشينا بيتهم نذار اتصل على ابوهو قال ليهو ي حاج يلا اطلع اكسب الزمن،ي الله ياخ طيب طيب قفل و قال لي خمسه دقايق كده ح ننزل ندخل دخلنا كلهم كانو صاحيين امو كان بتبكي شديد وقالت لي الله يرجعك لينا بالسلامه ي بتي و اعفي لي عليك الله اعفي لي بكيت وقلت ليها عافيه ليك لله و الرسول،،،،احنا و في الطريق امي اتصلت في تلفون نذار مدا لي التلفون قال لي دي امك اتكلمت معاها كانت بتبكي قلت ليها امي خلي بالك منهم حتى اذا م رجعت عايشه طيب؟بكت شديد وقالت لي الله كريم ي بتي بترجعي بي عافيه و اولادك بيكونو معاك هاك داني عايز يتكلم معاك قلت ليها هو صاحي ؟قالت لي اي هاك قال لي ماما كيفك قلت ليهو تمام حبيبي وانت كيفك؟قال لي انا تمام ح ترجعو متين ي ماما؟قلت ليهو قريب ح نرجع م ح نتاخر كتير بعدين مش قلنا م ح تساهر؟قال لي م ساهرت كلهم صاحيين معاي و دان كمان صاحيه قلت ليهو اديها التلفون قال لي هي بتبكي بكيت وقلت ليهو اديها سمعتو بيقول ليها هاك ماما ي دان بدت تتكلم معاك وقال لي نعم ي ماما قلت ليها شوفي ي دان دائما بتزكر لما كنتي صغيره بتقولي عايزه اخوان و هسي عندك اخو خلي بالك منو لحد ارجع و لو م رجعت كمان حمدلله على كل حال الدنيا دي فانيه شديد بنفقد و ح نفقد و انا خايفه عليك شديد من انك تكوني يتيمه و ح ادعي ربنا كتير ارجع معاكم و م تكوني يتيمه بكت شديد و قالت لي امي هاك التلفون ي حبوبه قلت ليها امي يلا في امانة الله قالت لي ااخخخخخ ي بتي الله يرجعك لينا بي السلامه قفلت المكالمه وانا بقول امين💔نذار قال لي م تبكي ممكن؟قلت ليهو حاضر،،،في اليوم ال ح يسوو فيهو العمليه كان مفروض العمليه تكون الساعه 9 قبل ادخل على العمليه كنت بتكلم مع دان و داني مكالمه فيديو المكالمه كلها وانا بقول ليهم ح ارجع قريب وانا م عارفه هل ح ارجع ولا ح اخلي اولادي ايتام زي م انا كنت عايشه؟بعد قفلت قلت لي نذار عارف ي نذار انا م خايفه لانك انت ابوهم ربنا لو كاتب لي عمر جديد ح افرح و لو م كاتب لي الاعمار بيد الله و ح افرح اكتر لاني عارفاك ح تكون معاهم دائماً و مهما حصل،،،،كان بيبكي وقال لي خنساء م تخليني انا ضعيف شديد من دونك ي خنساء انا بكون قوي بِك كان ماسك يدي بست يدو وقلت ليهو ح ارجع اكيد ان شاء الله ح ارجع قال لي وعد؟ابتسمت وقات ليهو ربنا كريم
الدنيا دي صعبه شديد ربنا بيختبرنا على الحاجات القريبه لينا من قلبنا عشان يخلينا نعرف وانو هو الاقرب لي قلبنا،،،الحياة تجارب وانا كانت تجربتي الاولى والاخيره والحلوه شديد هي خنساء ممكن اقول "الخنساء"❤️🌻هي بتي الصغيره و مرتي البحبها شديد
قالت انو في كتاب شلت الكتاب معاي فتحتو كان اسمو ليطمئن قلبي كان بتكتب فيهو خواطر كتير انا لو م بح ابالغ شديد ي جماعه انا الكتاب قريتو اكتر من 47 مره مع اني م عندي شغله مع الكتب واني اقره لكن كنت بقرا الكتاب كتير،،،،كان كاتبه في الكتاب شعر لي فاروق جويده "واتيت تسال ي حبيبي عن هوايا هل م يزال يعيش في قلبي ويسكن في الحنايا؟هل ظل يكبر بين اعماقي ويسري في دمايا؟الحب ي عمري تمزقه الخطايا"كتب شعر برضوا لي فاروق جويده "ويبقا العمر ي عمري واشعر ان في الايام يوماً سوف يجمعنا وان الحب سوف يعود يجمعنا" وهي في العمليه،،،،العمليه خلصت وانا كنت في المسجد كنت موصي ابوي بعد العمليه تخلص يتصل علي خلصت صلاة بديت اقرا قران قريت كتير وانا بقرا التلفون اتصل خلصت الايه ولحد اخلص قفل قمت بي سرعه يعني ممكن اقول اني جاري اوصل ليها
يتبع......
