عدت خمسه سنين و داني كبر و دخل الروضه كان بليد بمعني الكلمه على عكس دان م كان بيحب يمشي الروضه و احياناً الترحيل بيفوتو اما دان م شاء الله كانت متفوقه شديد كبرت بتي الكانت صغيره و كنت بخاف عليها هي بقت تخاف علي❤️،،،،في يوم تعبت شديدد مشيت المستشفى طلع عندي ورم في الراس كنت مصدومه شديد جسمي كلو رجف يعني ولدي؟ح اخليهو وهو صغير كده؟اتصبرت ورجعت البيت امي فتحت الباب شافتني سالتني مالك دخلت طوالي الغرفه قفلتها علي وقعدت في الارض ببكي وبقول نذار وين انت؟؟؟بقفل خشمي بي يدي وانا بقول ي رب وبعضي يدي شديد داني دق الباب فتحت الباب وقعدت في الارض وحضنتو شديد كنت بقول ليهو داني انا اسفه اسفه ي داني اسفه وحاضناهو بكل قوتي وببكي كان حاضني ولما شافني ببكي مسح لي دموعي وقال لي ماما م تبكي مسكت يدو الصغيره وانا ببوس فيهو وبقول ليهو حاضر حاضر ي داني حاضر الليل كلو وانا ببكي كتبت في الورق"اما قبل:
لقد خزلني كل من في هذه الدنيا وحتى نفسي كان سبيل عيشي هي هذه الدنيا التي تظلمني دائماً هو طفلي الذي لم اشتم رائحته كثيرا كنت اتمنى ان ابقى حتى ادرك كم طفلتي ناجحه ولكن لن اظن ان هنالك امل جديد ارجوك ان تعود وتحتفظ بهم حين موتي ارجوك"
وكتبت تاني "نذار الليله يوم 10/7مشيت الدكتور وقالو عندي ورم في الراس يمكن دي اخر ايام لي لو جيت بتمني اموت وانا في اخر لحظاتي معاك"
امي لاحظت واصلاً م كلمت زول هي افتكرت اني ببكي عشان نذار وانا قاعده معاها و داني فوقي وحاضناهو اتصلت لي خالتي سمعتها بتقول اي ي اميمه احنا بكره ح نجي جيبي الزوله دي في بيتكم م بنقدر نمشي ليها والله،،،خلاص تمام ،،اي ان شاء الله وقفلت الخط قالت لي بكره ح نمشي عند خالتك قلت ليها ان شاء الله،،،اليوم خلص في الصباح بي الشده صحيت داني وجهزتو للروضه نزلتهم الاتنين للترحيل لما رجعت امي قالت لي اجهزي ماشين عند خالتك قلت ليها من بدري كده؟قالت لي اي اجهزي يلا قلت ليها طيب دقيقه واتصلت على عمو خالد وهو بتاع الترحيل لي دان و داني كلمتو لما يرجع م بيجيبهم في البيت و وصفت ليهم بيت خالتي كان طيب شديد الراجل ده و وافق بعد قفلت ال خط جهزت ومشينا عند خالتي امي سالتها قالت ليها م جات؟قالت ليها لالا لسه لكن في الطريق استغربت وسالتهم منو الاتنين م ردو على وبقو يفتحو مواضيع تانيه المره جات وكان شكلها كده غريب شايله معاها شنطه دخلت وقعدت ظيفوها وقالت اها وينا البت ؟امي قالت ليها هدي دقايق بس وجات علي قالت لي شوفي ي بتي ح ترمي ليك ال ودع و نشوف في شنو و الحاصل شنو قلت ليهو ودع شنو؟انتو متخلفين صح؟قالت لي عشان داني قومي الله يرضا عليك بالشده قعدتني قصادها وانا برجف بدت ترمي الودع قالت لي انتِ مالك؟م رديت حتى شفايفي كانت بترجف بقيت بعضي فيها وبسكت تاني رمت وقالت لي المره القصيره الحلبيه دي منو؟امي قالت ليها وصفي اكتر ي مريم قالت ليها مره حلبيه وقصيره قاده زمام وصحتها م شاء الله اتخلعت لانها كانت بتوصف في ام نذار بقيت بعاين ليها مخلوعه وتاني قالت ومعاها بت حاقده عليك شديد طويله وعاتيه شويه كانت بتعاين لي بي طرف عينها كنت خايفه شديد وتاني قالت ديل عاملين لي راجلك عمل هنا اتخلعت شديد وقلت ليها بصوت عالي ده كلام شنو عايزه اقوم قعدوني امي قالت ليها اها ي مريم العمل ده م بتفكيهو لينا؟قالت ليها بفكو اي قالت ليها م بنقصر منك العايزاهو بنديك بس استعجلي عليك الله قلت ليها امي دقيقه دقيقه انا والله م ناقصاكم ده شنو البتعملو فيهو ده و بعدين ده كلو كذب ياخ المرا حمرت لي خالتي قرصتني وقالت لي قفلتي خشمك ده بي صوت واطي قلت ليها فكيني انتِ كمان الحصل ده كلو بي سبب منو؟بي سببك انتِ تعرسي لي من دون م اوافق قالت لي ي يمه هدي جايبه ولد منو زي الملاك م شاء الله تبارك الرحمن عاينت ليها وسكتت امي كانت بتتكلم مع المرا قلت ليها شوفي انا م ناقصاكم والله م اشتغلت بي اصلا،،،دان و داني جو في بيت خالتي داني جاء هو وبيبكي وبيقول تاني م بمشي الروضه انا م بمشي دان اول م تجي بتحضني اما هو لا بس بيجي بيبكي بعد سلمت على دان قلت ليهو تعال قعد في الارض وبيبكي م اشتغلت بيهو بكا اكتر قلت ليهو مالك؟قال لي م عايز امشي الروضه ي ماما م عايز امشي انا قلت ليهو طيب في شنو تعال جاء حضنتو وقلت ليهو مش انت شاطر زي دان؟قال لي لا ضحكت وقلت ليهو اصلك بليد عارف نفسك كمان قال لي خلاص خلوني اقعد في البيت ي حبوبه خليني اقعد في البيت قلت ليهو لالا ح تمشي عشان تقرا وتكون شاطر زي دان يعني عايز تكون بليد كده طول عمرك؟قلت لي م ماشي انا م بمشي م بمشي قلت ليهو طيب م تمشي عنك قلت لي م ح امشي م رديت عليهو وبقيت بتونس مع خالتي وبتها وكل دقيقه بيضربني في وشي وبيقول لي م ح امشي صح وانا م برد عليهو،،،في المغرب كده رجعنا البيت و رجعت كئيبه كنت نسيت اني مريضه ونسيت كيف بعاني في حياتي لكن رجعت البيت ورجعت لي زكرياتي💔
بعد كم يوم امي طلعت وكانت بتتكلم تلفون وبتقول ليها اي انا بجيك هسي انتِ وين؟طلعت وجات راجعه ومعاها حاجات ماسكاهم قوي وقالت لي تعالي كدي مشيت معاها الغرفه طلعت من الكيس باقه فيها مويه وكمون اسود قالت لي دي ح تشربيها في الصباح وتاني طلعت ورق وقالت دي تتبخري بيها وانتِ براك في الغرفه وبرضوا كان في بخور وشي ملمسو زي التراب لكن م تراب وريحتو م حلوه قالت لي ح تختي فيهو كمون اسود وتتبخري وتبخري البيت كلو عاينت ليها وانا ساكته،،،م كنت عايزه اسوي شي لكن كانت بتجبرني سويت كل القالتو لي غصب
عدت الايام و في يوم صحيت عشان اجهز داني للمدرسه حلف م ح يمشي دان جهزت والترحيل فات ضربت داني هو وراقد وقلت ليهو اصلاً انت م ح تنفع اليوم كلو قضاهو شغب عندو مسدس مويه بيوسخ بيهو البيت كلو قلعتو منو و دسيتو صرخ وبكا م اشتغلت بيهو قمت اصلي الظهر صليت وهو جبني في المصليه بيقول لي اديني المسدس ي ماما شويه يبكي ويسكت وانا في السجده الاخير كنت بدعي جرس الباب دق قلبي ضرباتو زادت قمت وخلصت صلاه سريع سريع و شلت داني هو و بيبكي ومشيت فتحت الباب،،،،كان نذار ايوه كان نذار و معاهو امو م عارفه وقتها يدي اتجمدت و بقيت واقفه مخلوعه وحتى نذار مخلوع وبيعاين لي داني وام نذار نفس ال شي
يبتيع.....
