رجعت البيت لقيت مرة ابوي قالت لي خالتك م ادتك قروش قلت ليها لا لاكن ح ابدا اعمل دروس خصوصيه عشان نوفر مصاريف م ردت علي ومشت قعدتا عشان اقرا كل م احاول اقرا بشرد حاولتا كتير اقرا لاكين م قدرت فكرتا لو كان عندي ام وابو زي باقي الناس م كنت ح اشيل هم وبكيت قفلت الكتب وقمنا عشان اصلي بعد خلصتا الباب دقا فتحتو لقيتها وحده من صحبات مرت ابوي سلمتا عليها قالت لي قلتي عايزه تبدي دروس خصوصيه صح قلت ليها اي قالت لي سمح ولدي دي ممتحن تامن عايزه تقريهو قلت ليها حاضر قالت لي لو نفع بجيب ولدي الفي سادس كمان فرحتا شديد،،اليوم التاني مشيت المدرسه حاولت م اسرح في الحصه عشان لازم استفيد من المدرسه لانو في البيت م بقدر اقرا وفعلا عملتا كده لما رجعتا البيت صليت ومشيت بيت المره عشان اقول ليها اني ح ابدا وكده سوقتا معاي الولد ومشيت الزريبه لقيت اولاد كتار قاعدين استغربتا ده شنو لقيت شموخ كمان قاعده قالت لي انا نشرتا الخبر وحتى استاذ احمد جاب السبوره وحمدلله بديت وكانت احسن بدايه قريتهم كويس واليوم التاني كلهم جو بي قروشهم وحمدلله وحتى انو عدد الاولاد زاد،،،،لما رجعنا البيت كنت فرحانه شديد اديت القروش لي مرت ابوي برضو فرحت كنتا تعبانه لاكن قلت احسن اقرا عشان الامتحانات قربت قعدتا اقرا لحد الصبح اذن صليت وبعدها نمتا،،،
في امتحانات الفتره التانيه م اشتغلتا كويس لانو م كان في فرص جبت 70%قلت درجاتي بتتحسن الامتحانات الجايه بقيت مستمره بقري في الاولاد ومستواهم اتحسن شديد حتى الاساتذه في المدرسه لاحظو لي كده،،،،،عدت الايام وامتحنتا صف تالت والنتيجه ظهرت وجبت 81٪ وعلى اساس اني ادخل الجامعه لاكن للاسف مرة ابوي يوم جات وقالت لي بعد كده خلاص تعرسي وانا جبتا ليك عريس اتعاملتا مع الموضوع ببرود سلفاً لانو حياتي كلها مدمره ومهما حصل م ح يفرق معاي قلت لي مرت ابوي موافقه وانا اصلا م عرفتا العريس منو ولا شكلو كيف ولا كبير ولا صغير م حاولتا استفسر اصلا،،،💔 الخبر انتشر في القريه اني ح اعرس شموخ يوم جاتني قالت لي انتي عارفه نفسك ح تعرسي منو قلت ليها لا ضربتني كف قالت لي انتي متخلفه صح قلت ليها مالك قالت لي راجل كبير وسكرجي انتي وديتي نفسك للنار ح تعيشي في جحيم وبقت تبكي قلتا ليها بتبكي ليه انتي هسي؟انا ال ح اعرسو م ببكي انتي بتبكي ليه؟قالت لي ببكي عليك انتي ليه بقيتي م بتهتمي لي اي شي بيحصل ليك ليه رضيتي تعرسي السكرجي عارفه كل يوم ح يرجع سكران و ح يعذبك؟عارفه عيشتك ح تكون كيف؟قلت ليها م مشكله لو الله كاتب لي كده حمدلله بس انا ح اعرسو وبعدها م بيهمني بالح يحصل قلتا كده والدموع في طرف عيوني انا بسوي نفسي قويه لاكن اي شي عندي اتدمر حضنتني وهي بتبكي بعدها يدوب بكيت بكيت بدون صوت وانا بقول لازم اصبر لازم لانو بعدين الجبر خير بعدها بقيت بتنهد مرت ابوي جات قالت لي من بكره ح تبدي تتجهزي للعرس قلت ليها م عايزه عرس قالت لي طيب م مشكله عقد وخلاص تميت شهر وانا عرستا السكرجي وكان اكبر مني بي كتير مشيت معاهو هو واهلو بيتهم و ده ال ح يكون باسم بيتي للاسف عشتا ظلم اكتر من الظلم الكنا عايشاهو في بيت ابوي ومرتو،،،،
حبوبة راجلي دي اكتر وحده صبرتني،، عادي حسين الانا مسمياهو راجلي يجي نص الليل وسكران اذا حاولت اتكلم معاهو كلمه وحده بينزل فيني ضرب لحد ينوم كنت بنوم من بدري مع حبوبه عشان بخاف منو شديد،،،في يوم صحيت الصباح كنت بعوس في الكسره وحبوبه في الجنينه وام حسين نايمه وحتى حسين نايم فجاءة سمعت حبوبه بتصرخ قمتا سريع مشيت عليها لقيتها بتجري في الحوش وجاري وراها حسين بالعكاز بتاعها وبيقول ليها تقولي لي انا سكرجي انا؟وهي بتجري وهو طويل شديد وعملاق شويه و ح يوصلها وانا بقول ليها اجري ي حبوبه ولو ادخلتا بينهم بيدقوني حبوبه بقت تقول ركبي اترجفن ولسه بتجري انا بقيت بضحك بالنهايه مسكها وشنقها وانا مخلوعه وهي بتصرخ مشيت صحيت خالتو تهاني جات ولا سالتو ولا قالت ليهو شي عن البيحصل في امها اتخلعتا اكتر حبوبه كمان م قصرت كل مره تتف في وشو لحد م خلاها طلعت بره طلعتا معاها الجنينه وقلت ليها هتاريك م هينه ي حبوبه وبضحك قالت لي الولد السكرجي طول الوقت يسكر يسكر بس وتهبش في رقبتها وتقول حي ي رقبتي قالت م بقعد هنا انا ولا دقيقه قلت ليها ماشه وين قالت لي بمشي عند بتي التانيه قالت لاكن ديلك كمان اكعب على الاقل ده واحد بس هناك م بيجرو وراك بس بيخلوك تحبي بركبك انا بقيت بضحك فجاءه سمعتا حسين بينادي وكمان معصب شديد دخلتا جوه قال لي تمي الزفت ده بدل تقعدي لي برا وجراني من شعري لحد المطبخ،،،كنتا صابره في دد كلو و م حصل شكيت ولا اعترضتا لي حكمة ربنا،،عشتا مع حسين وانا كل يوم بنضرب امو برضوا كانت بتحقرني م بعرف ليه انا مصيري كده في الدنيا دي ليه بس بتعذب،،،، في يوم رجعتا بيتنا عشان اسلم على اخواني مشيت و م لقيت مرت ابوي سلمت عليهم ومشيت عند ناس شموخ لقيتها بتجهز للجامعه هنا عرفتا انو بجد انا مظلومه شديد في الدنيا دي سلمتا عليها وطوالي طلعتا قبل م اتكلم لاني عارفه نفسي ح ابكي مشيت عند خالتي اول م شافتني بكت قالت لي ال في عمرك م بيتعذبو كده ي بتي💔انتي اتشردتي💔
الكلمه دي بقيت بفكر فيها لحدي م رجعتا وبقول انا اتشردته صح كلام خالتي،،،
عدت الايام وكل يوم عذاب في عذاب وضرب حتى في يوم عليت صوتي عليهو ضربني وقفلني في الغرفه يومين م اكلتا شي الا حبوبه جات فتحت لي الباب وحتى لما فتحت لي ضربوها معاي💔
عدت الايام وفي يوم جات خالتو تهاني وبتصرخ شديد وكانت معاي شموخ وخالتو تهاني بتصرخ باعلى صوت حبوبه سالتها مالك قالت حسين دخلوهو السجن سالتها لشنو قالت قتل راجل واغتصب بت وهي بتصرخ شديد
يعني شعور اللحظه ديك م ح اقدر اوصفو مهما حصل كانت هزه لي رغم اني كنت بتماسك جسمي اشتعر لما سمعتا الكلام ده كيف يعني يحصل كده كيف انا كنتا متزوجه من وحش بعدها استوعبتا انو انا لازم احارب في حياتي مهما حصل اتزكرتا كلام شموخ قبل م اعرس حسين غمضته عيوني وانا دموعي نازله بدون م احس صرختا شديد لبستا اقرب توب لي وطلعتا شموخ طلعت وراي كل م تحاول تمسكني بلزها لحد مشيت في ضواحي القريه سبحان الله لا ارادياً مشيت نفس المكان المشين فيهو لما ابوي مات م لقيت ولا زول افتكرتا ح القا الراجل الوحيد الانا عرفتو وكان راجل بجد،،،،لاكن للاسف م لقيتو💔
يأست من الذبول حان وقت الازدهار ساحاول من جديد🖤🦋
يتبع....
